२ कोरिन्‍थी 8:8 - जिरेल

⁸ ङे ख्‍योकोनगी दोकराङ खिता फाप्‍क्‍यो सिन कोतातेनी मेन। ज्‍येनतेबेकी दुक्‍पा ङेतातेबाला चुक रहर खाईन तेरा चाल्‍ला दुका सिन साला ख्‍योकोनगीङ ज्‍येनला खेकीकामा मेन पक्‍काराङ ङिङज्‍ये खित्‍च्‍या ईन्‍दाकाना मेन्‍दाका सिन छ्या स्‍येबाला ङे दोक साबाते ईन।

२ कोरिन्‍थी 8:8 Iomraidhean Croise

रोमी 12:9

थेमे ख्‍योकोनगी ज्‍येनला खेकीकामा मेन, पक्‍काराङ ङिङज्‍ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्‍च्‍ये छ्य्‌वापाकामा स्‍येत खि।

१ कोरिन्‍थी 7:12

थेमे ख्‍योकोन ज्‍येनबरीलाचेन ङा दि सल्‍लाह तेरग्‍यो। दिचेन ङाला प्रभु येशूकी सि साबाते मेन, ङाराङ बात ईन। चुक सासीन ख्‍योकोन सुइँदेते फेम्‍मेचेन येशूला विश्‍वास खित्‍कान मेन्‍सीनोङ थे मोरोङ ख्‍योबोताङ देता सेम खिदुक सासीन ख्‍योकोनगी थोक्‍तेला मातोङ।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

१ कोरिन्‍थी 7:6

ङे ख्‍योकोनला दोक खिताराङ फाप्‍क्‍यो सिन कोताते मेन। खालि सल्‍लाह बिन्‍दातेकामा ईन।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

२ कोरिन्‍थी 8:10

था ङा ख्‍योकोनला सल्‍लाहज्‍यीक तेरामीन। च्‍यि सासीन खेराङगी ननीङमेकी खिताला स्‍यूबाते थे काम खाईन सिन्‍दा खासीन लेमु ईन। गाङे भन्‍दा गोमा दि बात तेन्‍ला थोक खिताला शुरू खित्‍कान्‍ते खेराङराङ ईन।

२ कोरिन्‍थी 8:24

थोगी ख्‍योकोनगी दिबाला लेमु खि। थोक खासीन ख्‍योकोनगी ज्‍येनला ङिङज्‍ये खित्‍च्‍याक्‍वा थेमे ङ्योकोनगी साबा च्‍योकराङ ख्‍योकोन लेमु काम खित्‍कान्‍ते मि दुका सिन दिबेकी छ्या स्‍येक्‍यो। दोक ओङनामेई दिबेकीकामा मेन, ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी दि बाततेबा छ्या स्‍येक्‍यो।

२ कोरिन्‍थी 9:2

थे पैसा जम्‍मा खिताला ख्‍योकोनगी चुक आउदी सेम खाबा ओते सिन ङाला लेमुराङ खाला छ्या ओत। ख्‍योकोनगी थोक लेमु खिन ओताते बात खिन ङे म्‍यासिडोनियादु ओताते येशू ख्रीष्‍ट मिओनला अखैयादु ओताते ख्‍योकोनगी ननीङमेईराङ पैसा जम्‍मा खिताला स्‍यूबा ओतान सिन लाःपाप। दि बात थोनामेई आँट ङेत्‍कीन थेबा काल्‍बा च्‍योक्‍तेकी ख्‍योकोनगी खाबा च्‍योकराङ खिताला आउदी सेम खाबा ओत।

२ कोरिन्‍थी 9:7

बात दोक ईन्‍देकी ख्‍योकोनगी खेराङला जति जति तेरा सेम लाङगीदुक उति उतिराङ बिन। सुइँदे करला फापाच्‍योक खाला तेरा सेम मालाङगीन मालाङगीन छ्याःङ मातेर। ज्‍येनला तेरजीन सुइँदे करला फाप्‍कीन तेरा फापाच्‍योक मिक्‍किता खाला सोचित्तेकी तेरकान्‍ते मिचेन परमेश्‍वरला मन परे खिओ।

एफिसी 4:15

ङुरूङगीचेन मेन्‍दे बात खिता साटोला बरू दाक्‍पोन नाङ ङिङज्‍ये खिन परमेश्‍वरते सत्‍यते बातकामा खिता फाप्‍क्‍यो। दोक खिन डोजीन ङुरूङ कामताङ बात गाङे ख्रीष्‍टकी च्‍योकराङ लेमु खिता थुप्‍कान डुइन गाल्‍ला ङुरूङ गोः च्‍योकराङ ईन्‍दाते ख्रीष्‍टताङ झन जीउज्‍यीकराङ डुइन डुइओ।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

हिब्रू 10:24

थोकराङ खाला ङिङज्‍ये खिताला थेमे लेमु काम खिताला ङुरूङगी चुक खाला दोक्‍पोईकी ज्‍येनज्‍यीकला लोपा थुप्‍कीका सिरच्‍ये छ्य्‌वापा विचार खिता फाप्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।