२ कोरिन्‍थी 8:7 - जिरेल

⁷ ज्‍येनला तासीन जे कुरोङ ख्‍योकोनगी लेमु खिन दुक। च्‍यि सासीन ख्‍योकोन प्रभु येशूला लेमु खाला विश्‍वास खित्‍कान्‍ते मि ईन, ज्‍येनला परमेश्‍वर बात लेमु खाला लोप्‍च्‍येते सीपताङ शक्ति ङेताते मि थेमे परमेश्‍वरगी छ्या स्‍ये ज्‍युत्‍च्‍येते बात लेमु खाला छ्या स्‍येकान्‍ते मि ख्‍योकोन नाङ काल्‍बेई ओत। ख्‍योकोन लेमु खित्‍च्‍ये छ्य्‌वापा स्‍येत खित्‍कान्‍ते थेमे ङ्योकोनला आउदी खाला ङिङज्‍ये खित्‍कान्‍ते मिङ ईन। ख्‍योकोन दोक्‍ते मि ईन्‍देकी था ज्‍येनला मद्धत तेराला सिन पैसा जम्‍मा खित्‍च्‍येते दि लेमुते कामोङ ज्‍येनगी भन्‍दा लेमु खाईन खासीन लेमु ओङच्‍या ओतान।

२ कोरिन्‍थी 8:7 Iomraidhean Croise

मत्ती 25:22

थोकराङ खाईन चाँदी डबल धार्नी खालज्‍यीकताङ स्‍यीजो जिम्‍मा लाकीन ज्‍याक्‍पाते मिकीङ मालिकते दोन्‍दु वाकीन ‘हजूर, खुई ङाला चाँदी डबल धार्नी खालज्‍यीकताङ स्‍यीजो बिन्‍गीन ज्‍याक्‍पा ओतान। लो तो, थे खेलो खाईन ङे ज्‍येन चाँदी डबल धार्नी खालज्‍यीकताङ स्‍यी जोबाप,’ सिन सिरजीन

रोमी 15:14

थेमे आज्‍यो न्‍वावे, ख्‍योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्‍यि च्‍यि चुक खित्‍च्‍ये सिन लेमु खाईन छ्या स्‍येबा ओतेकी खेराङ नाङ दोक्‍पोईकी ज्‍येनज्‍यीकला लोप्‍कीन दुक। ख्‍योकोनगी दोक खिन ओताते बात ङाला लेमु खाला छ्या ओत।

१ कोरिन्‍थी 1:5

थेकी खित्‍सादुराङ परमेश्‍वरगी ख्‍योकोनला तेरासम्‍म आशी बिन्‍दा ओत। च्‍यि सासीन येशू ख्रीष्‍ट बात ज्‍येनला लेमु खाला लोप्‍च्‍येते सीपताङ शक्ति ख्‍योकोनगी ङेता ओत थेमे परमेश्‍वरगी छ्या स्‍ये ज्‍युत्‍च्‍येते गाङे बात लेमु खाला छ्या स्‍येकान गाला ओत।

१ कोरिन्‍थी 12:13

यहूदी ईन्‍सीनोङ, ग्रीक ईन्‍सीनोङ, योक्‍पो योङमु ईन्‍सीनोङ, ज्‍येन ईन्‍सीनोङ बप्‍तिस्‍मा लानामेई ङुरूङ गाङेराङ जीउज्‍यीकराङ ओङा ओत। थेमे ङुरूङ गाङेकी परमेश्‍वर आत्‍माज्‍यीकराङ ङेता ओत।

१ कोरिन्‍थी 12:8

चुक सासीन परमेश्‍वर आत्‍मेकी कोईला परमेश्‍वर बातकी अर्थ खोले खित्‍च्‍येते बुद्धि बिन्‍दा ओङगो सासीन थेकीराङ कोईला परमेश्‍वरगी चुक खाला काम खिते सिन छ्या स्‍ये च्‍युताते बात लोप्‍च्‍येते शक्ति बिन्‍दा ओङगो।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।

१ कोरिन्‍थी 13:8

ज्‍येनला ङिङज्‍ये खित्‍च्‍येतेचेन नोमुङ छ्याःङ काम लै मिक्‍किच्‍या डोच्‍येते बात मेन। परमेश्‍वरगी सिर च्‍युताते बात खित्‍च्‍येते शक्ति था ङीमा लेनज्‍यीक चले खिता माफाबो थेमे दाक्‍पोनगी छ्या मास्‍येबाते खुदुक खुदुकते भाषाला बात खित्‍च्‍येते शक्तिङ गोराङ मोगोओ। थोकराङ खाला परमेश्‍वरगी चुक खाला काम खिते सिन छ्या स्‍येच्‍येते शक्तिङ था ङीमाई छ्याःङ काम लै मिक्‍किओ।

१ कोरिन्‍थी 14:12

ख्‍योकोन बादोङ होदोकराङ ईन। परमेश्‍वर आत्‍मेकी तेरच्‍येते सीपताङ शक्ति ङेत्‍स्‍यीत सिन ख्‍योकोन आउदी सेम खिदुक। खेराङला परमेश्‍वर आत्‍मेकी बिन्‍दाते सीपताङ शक्ति चुक खाईन चले खासीन येशू ख्रीष्‍ट मि गाङेला लेमु ओङगीका थे विचार खाला चले खि।

१ कोरिन्‍थी 4:7

ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

२ कोरिन्‍थी 7:7

थे वाबेकीकामा मेन, थेकी खुलाबाते लोन थोनामेई ङ्योकोनला ढुक्‍क लासुङ। चुक सासीन ख्‍योकोनगी थेला लेमु खाबेकी थेकी आँट ङेत्‍सुङलो, ख्‍योकोनगी ङाला आउदी खाईन ठेता सेम खाला दुक्‍लो, खेराङगी ङाला गोमाबा थोक मेलेबा खाबाते लेमु मेन्‍दाक्‍वा सिन ख्‍योकोन थरिङोला बात खिदुक्‍लो थेमे ङा मेलेबा मि ईन सिन सिरकानला ख्‍योकोनगी पावल थोक्‍ते मिराङ मेन सिन ङे छ्य्‌वा खाला बात खिदुक्‍लो सिन तीतसकी ङ्योकोनला लाःप्‍सुङ। दि बातओन थोजीन ङाला झन आउदी गा लासुङ।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

२ कोरिन्‍थी 9:14

थेमे परमेश्‍वरगी ख्‍योकोनला खितासम्‍म दया खाबा ओताते थोङला थेबेकी ख्‍योकोनला आउदी खाला सम्‍झे खिन ख्‍योकोन लाईदु प्रार्थना खिओ।

२ कोरिन्‍थी 9:8

परमेश्‍वरगी ख्‍योकोनला जहिलेङ जे कुरोङ खेराङला गोबा भन्‍दाङ ल्‍हाक्‍पा तेरा थुप्‍क्‍यो। दोक खाला ख्‍योकोनला मादाङच्‍या मोख्‍योप्‍च्‍या सिराते छ्याःङ मायाङला ख्‍योकोनगी झन झन ज्‍येनला लेमु खाला ता थुप्‍क्‍यो।

एफिसी 4:29

थोकराङ खाला ख्‍योकोनगी दोक्‍पोईकी ज्‍येनज्‍यीक सेमला फोक्‍च्‍येते बात नोमुङ माकेत। बरू सु मिला च्‍यि बेलाला चुक सिरा लेमु ओङच्‍या दुका थे विचार खाला बात खि।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 1:9

ङा ख्‍योकोन लाईदु दोक सिन प्रार्थना खिओ। चुक सासीन ख्‍योकोनगी खेराङ नाङ झन लेमु खाला ङिङज्‍ये खिताला थोरूम चुक खिता फाप्‍कीते, च्‍यि खिता लेमु ईन्‍दे सिन परमेश्‍वरगी ख्‍योकोनला लेमु खाला छ्या स्‍ये ज्‍युत्‍स्‍यीत।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ तिमोथी 2:1

थेमे फुज्‍यो, येशू ख्रीष्‍टकी खित्‍सादु परमेश्‍वरगी खोल्‍ला दया खाईन शक्ति बिन्‍दा ओतेकी खो छ्याःङ ज्‍यीबा माकेत।

हिब्रू 12:28

थोगी ङुरूङ नोमुङ तोरला मोन्‍डोच्‍येते परमेश्‍वर राज्‍यदु देता ङेत्‍च्‍या ओङा ओतेकी ङुरूङगी परमेश्‍वरला धन्‍यवाद सिरा फाप्‍क्‍यो। दोक खिन थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेकी साबा च्‍योकराङ खाला थेला माने खिता फाप्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

छ्या स्‍ये च्‍युताते बात 3:17

ख्‍योकोनचेन ङेल्‍ला जेसुकै दाङा ख्‍योपा ओत, ङेल्‍ला मादाङच्‍या मोख्‍योप्‍च्‍या सिराते छ्याःङ मेत। ङेल्‍लानी था छ्याःङ मोगोओ खिदुक। खेराङ दुक्‍पा ङेताते, थोङजीनोङ ङिङज्‍ये लाङच्‍या गालाते, छ्याःङ मेत्‍कान गालाते, अन्‍ध गालाते थेमे ताजीनोङ ङोचा लाङच्‍या पेर्दुङबाराङ गालातेनी ख्‍योकोनला छ्याराङ मिन्‍दुक।