२ कोरिन्‍थी 8:6 - जिरेल

⁶ थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

२ कोरिन्‍थी 8:6 Iomraidhean Croise

शक्ति काम 24:17

सिइराङ सासीन ङानी यरूशलेमदु मादेतातेङ लो काल्‍बेई गाला ओतान। खरचिङ ङानी दुक्‍पा ङेताते ङेराङ यहूदीओनला बिन सिन ज्‍येन मिओनगी ङे लाःक्‍तु बिन्‍दाते पैसा केलाला थेमे ङाराङगी परमेश्‍वरला चढे खिओ सिन साबाते चढे खितालाका थेपा गाला ओतान।

रोमी 15:25

तर ख्‍योकोन ओत्‍सापा ओङा भन्‍दा गोमा ङा यरूशलेमदु ओताते यहूदी परमेश्‍वर सन्‍तानओनला सिन जम्‍मा खाबाते पैसा केलाला थेपा डुइन ओत।

२ कोरिन्‍थी 12:18

ङे तीतसला ख्‍योकोन ओत्‍सापा मागालाला मेङगो सिन थेपा ताङाप। होथे ज्‍येनते न्‍वाज्‍यीकलाङ ङे थेत्ताङ ङ्योम्‍बुराङ ताङा ओतान। च्‍यि तीतसकी ख्‍योकोनताङ खइँदा नाङ खाबा ओतान ओना? तीतस ङाराङ च्‍योक्‍तेराङ ईन सिन ङाला लेमु खाला छ्या ओत। ङ्योकोन खुदुक खुदुकते काम मिक्‍किओ।

२ कोरिन्‍थी 2:13

ईन्‍सीनोङ ङे न्‍वा तीतसला थेरू माठेतेकी ङाला सेमला बान्‍दा सन्‍तो मालासुङ। थोगी थेरू मिओनला ड्वामीन सिन थेबाताङ ठाल्‍गीन ङा म्‍यासिडोनियापा गालाप।

२ कोरिन्‍थी 8:10

था ङा ख्‍योकोनला सल्‍लाहज्‍यीक तेरामीन। च्‍यि सासीन खेराङगी ननीङमेकी खिताला स्‍यूबाते थे काम खाईन सिन्‍दा खासीन लेमु ईन। गाङे भन्‍दा गोमा दि बात तेन्‍ला थोक खिताला शुरू खित्‍कान्‍ते खेराङराङ ईन।

२ कोरिन्‍थी 8:19

दोस्‍यिककामा मेन, ज्‍येनला मद्धत तेराला सिन जम्‍मा खाबाते पैसा केलाला ङ्योकोनताङ ङ्योम्‍बु ड्वाप्‍ला सिन दिलानी देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगीराङ छाने खाबाते ईन। ङ्योकोनगी खाबाते दि काम थोङला दुक्‍पा ङेतातेबाला मद्धत तेरच्‍येते ङ्योकोनते आउदी सेम ओताक्‍वा सिन ज्‍येनगी छ्या स्‍येक्‍यो। दि कामगी खित्‍सादु मिओनगी प्रभु येशू ख्रीष्‍टला छ्ये जोइओ।

२ कोरिन्‍थी 8:23

तीतसचेन ङात्ताङ ङ्योम्‍बुराङ डिक्‍ला ख्‍योकोन नाङ काम खित्‍कान्‍ते मि ईन सिन ख्‍योकोनला छ्याराङ ओत। दि ज्‍येनते न्‍वा ङिबोलाचेन देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगी खोपरोङ नाङदुई छाने खाईन ताङाते ईन। दिबा ख्रीष्‍टला मान खिताला काम खित्‍कान्‍ते मि ईन।

२ कोरिन्‍थी 8:4

यरूशलेमदु ओताते परमेश्‍वर सन्‍तानओनला मद्धत खिता ङ्योकोनलाङ आउदी सेम लाङगीदुक। ङ्योकोनलाङ थेबाला मद्धत खित्‍च्‍येते मौका नाङ सिन बिन्‍ती खिनकामा थेबेकी थोक खाईन थे पैसा बिन्‍दा ओतान।

२ कोरिन्‍थी 9:5

थोक मेङस्‍यीत सिनराङ ङाराङ ओङा भन्‍दा गोमाराङ दि न्‍वाओनला ख्‍योकोन ओत्‍सापा तोङा फाप्‍क्‍यो सिराच्‍योक लाबेकी ङा दिबाला थेपा ग्‍युक सिन तोङगीन ओत। था वाला दिबेकी ख्‍योकोनगी तेरग्‍यो साबाते थे पैसा गाङे जम्‍मा खाला ज्‍य्‌वाबा थुप्‍क्‍यो। दोक ओङनामेई ख्‍योकोन सुङगीङ करला फाप्‍कीन बिन्‍दाते मेन्‍देकी खेराङ राजी खुशीकी बिन्‍दाते दुका सिन ज्‍येनगी छ्या स्‍येक्‍यो।

फिलिप्‍पी 4:18

ख्‍योकोनगी इपाफ्रोडिटस लाःक्‍तु ताङाते पैसा ङे गाङे ङेत्‍सुङ। था ङे लाःक्‍तु ङाराङला गोबा भन्‍दाङ ल्‍हाक्‍पा पैसा ओत। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्‍योकोनगी ङाला ताङाते पैसाङ परमेश्‍वरला स्‍यीम्‍बु लाङच्‍येते होथे ठीमा च्‍योक्‍तेराङ ईन।

१ पत्रुस 4:10

परमेश्‍वरगी ङुरूङ गाङेला खुदुक खुदुकते सीपताङ शक्ति बिन्‍दा ओत। थेकी दाक्‍पोनला जे खित्‍च्‍येते सीपताङ शक्ति बिन्‍ला दुक थे छ्य्‌वापेई ज्‍येनला लेमु ओङच्‍येते काम खि।