२ कोरिन्‍थी 8:3 - जिरेल

³ दि बात ङाला लेमुराङ खाला छ्या ओत। च्‍यि सासीन थेबाला थोक खि सिन सुङगीङ कोता मेतान। थेबेकी खोपरोङ खुशीकीराङ खोपरोङगी तेरा थुप्‍च्‍या छेतकामा मेन, थे भन्‍दा खापान खापान ल्‍हाक्‍पा बिन्‍दा ओतान।

२ कोरिन्‍थी 8:3 Iomraidhean Croise

मर्कूस 14:8

ङा स्‍यिनामेई ङे रोला कुता फाप्‍च्‍येते मोर्गु दि फेम्‍मे मिकी थरिङराङ कुकीन बिन्‍गीन ङाला सासगास खिताला ठीक खाबाते ईन। दिकी ङाला दि मोरोङगी खिता थुप्‍च्‍याज्‍यीक खासुङ।

शक्ति काम 11:29

अगाबसकी साबाते बात थोनामेकी थेरू ओताते चेलातेबा गाङेकी यहूदिये अञ्‍चलदु ओताते येशूला विश्‍वास खित्‍कान्‍ते ज्‍येन आज्‍यो न्‍वाओन लाईदु पैसा दुला तोङगी सिन ठो खासुङ। थेमे थेबाबरीकी खोपरोङगी जति जति तेरा थुप्‍कीदुक उति उतिराङ पैसा जम्‍मा खासुङ।

रोमी 10:2

ईन्‍दालाचेन थेबा परमेश्‍वरला माने खित्‍च्‍या सिन स्‍याप स्‍याप खाला थेकी खि साबा साबा च्‍योकराङ खिता छोल्‍कान ईन। थेबेकी दोक खासीनोङ परमेश्‍वरला माने खिता फापा च्‍योकराङ खाईन माने खाबातेचेन मेन।

१ कोरिन्‍थी 16:2

चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

१ कोरिन्‍थी 9:17

थेमे दि काम ङाराङ खुशीकी खाबाते ईन्‍सीन तिरी ङे खइँदा इनाम ङेत्‍च्‍या ओतान। तर परमेश्‍वरगीराङ ङाला दि बात लोप्‍च्‍येते जिम्‍मा बिन्‍देकी ङा दि काम खिन ओत।

गलाती 4:15

थे बेलाला ख्‍योकोन आउदी खुशी ओतान। थेमे थरिङोला ख्‍योकोनला च्‍यि ओङसुङा? खिता थुप्‍च्‍येते काम ईन्‍दा ईन्‍सीन ख्‍योकोनगी थेजीन ङे लाईदु खेराङ मिक समेदोङ थेन्‍ला तेरच्‍या ओतान।

फिलिप्‍पी 2:13

परमेश्‍वरगीराङ खेराङ नाङ काम खित्‍च्‍येते ईन्‍देकी ख्‍योकोनला थेला मन परे खित्‍च्‍येते काम खिता सेम लाङगो। थेमे थेकीराङ ख्‍योकोनला थोक्‍ते काम खिताला शक्तिङ तेरग्‍यो। ख्‍योकोन थे खोरोङगी ज्‍वा चालाच्‍योक लेमु मि ओङस्‍यीत सिन थेकी होदोक खाला ख्‍योकोन नाङ काम खिओ।

कलस्‍सी 4:13

ख्‍योकोन लाईदुकामा मेन, दिकी लाओडिसियाताङ हिरापोलिस सारदु ओताते येशू ख्रीष्‍ट मिओन लाईदुङ नोमुङ टोक मेज्‍येता खाला आउदी खाला प्रार्थना खिदुक। दि ङेराङ थोङाते ईन।

१ थिस्‍सलोनिकी 2:8

ङ्योकोनला ख्‍योकोनते आउदी ङिङज्‍ये लाबा ओतान। थोगी ख्‍योकोनला परमेश्‍वरते गा लाङच्‍येते बात लाप्‍ला तेरालाकामा मेन, ख्‍योकोनला लेमु ओङे लाईदु स्‍या फाप्‍सीनोङ ङ्योकोन नाइँ सिरच्‍या मेतान।

फिलेमोन 1:14

ईन्‍सीनोङ खोल्‍ला माठिबाला ङाला दिला दुरू ज्‍य्‌वाबा सेम मालासुङ। खुई ङाला खइँदा मद्धत बिन्‍सीन करला फाप्‍कीन खिता फापाच्‍योक मेन्‍देकी खोरोङ राजी खुशीकी थोक खासीन ङाला गा लाङगीदुक।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।

१ पत्रुस 5:2

चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।