२ कोरिन्‍थी 8:2 - जिरेल

² खोपरोङगी आउदी खाईन दुक्‍पा ङेता ओत्‍सीनोङ थेमे ज्‍येनगी तेरासम्‍म दुक्‍पा बिन्‍सीनोङ थेबा आउदी गा खिन देत्‍सुङ। दोक खाला गा खिन देत्‍कीन थेबेकी खोपरोङताङ छ्याःङ मेत्‍सीनोङ दुक्‍पा ङेताते ज्‍येनला मद्धत खिताला खोपरोङगी तेरा थुपासम्‍म बिन्‍सुङ।

२ कोरिन्‍थी 8:2 Iomraidhean Croise

मत्ती 20:15

च्‍यि ङाराङ सम्‍पत्ति ङे ङाराङ खुशीकी चले खिता मेङेदोतरो? ङे थे मिओनला थाराङ ख्‍योकोनला छेतराङ बिन्‍सुङ सिन ख्‍योकोन च्‍यिला स्‍येदाङ खिते?’ सादुक्‍लो,” सिन सिदुक।

रोमी 12:8

ज्‍येनला सल्‍लाह बिन्‍ला आँट तेरा थुप्‍कान्‍ते मिकी ज्‍येनतेबे नाङ दोक खिता फाप्‍क्‍यो। थेमे दुक्‍पा ङेता ओताते मिओनताङ गोला साच्‍येते सीप बिन्‍दा ओताते मिकीङ कुच्‍यीरी मिक्‍किता खाला तेरा थुपासम्‍म तेरा फाप्‍क्‍यो। थोकराङ खाला सुइँदाला परमेश्‍वरगी थे खोरोङ सन्‍तानओनला ताकान्‍ते छ्येते मि जोला दुक सासीन थोक्‍ते मिकीङ अल्‍छी मिक्‍किता खाला लेमु खाला थे काम खिता फाप्‍क्‍यो। नाबाते थेमे सुङ मेताते गरीब दुःखीला ताच्‍येते सीप ङेता ओताते मिकीङ सुइँदे करला फाप्‍कीन खाबाच्‍योक मिक्‍किता खाला सोचित्तेकीराङ थे काम खिता फाप्‍क्‍यो।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 2:9

ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 9:11

परमेश्‍वरगी ख्‍योकोनला जे कुरोङ वालछ्येल ओङच्‍या खाला तेरग्‍यो। दोक ओङला ख्‍योकोनगी जहिलेङ ज्‍येनला तेरासम्‍म बिन्‍ला लेमु खिता थुप्‍क्‍यो। ख्‍योकोनगी बिन्‍दाते थे पैसा था ङ्योकोनगी थेबाला खेरगीन बिन्‍नामेई दि लाईदु थेबेकी परमेश्‍वरला धन्‍यवाद तेरग्‍यो।

२ कोरिन्‍थी 9:13

ख्‍योकोनगी थेबे लाईदु खाबाते दि कामगी खित्‍सादु ख्‍योकोनगी ख्रीष्‍टते गा लाङच्‍येते बात ङेन्‍गीन थेरू खि साबा च्‍योकराङ लेमु खाबाते थोङला थेबेकी परमेश्‍वरते जय जय खिओ। ख्‍योकोनगी थेबाला थेमे ज्‍येनला गोच्‍येते तेरा थुपासम्‍म बिन्‍गीन लेमु खाबे लाईदुङ थेबेकी परमेश्‍वरते जय जय खिओ।

१ थिस्‍सलोनिकी 1:6

थेजीन ङ्योकोनला ताकीन ख्‍योकोनगीङ ङ्योकोनगी खाबा खाबा च्‍योकराङ खाबा ओतान। ङ्योकोनगी खाबा च्‍योककामा मेन्‍देकी ख्‍योकोनगी प्रभु येशू ख्रीष्‍टकी च्‍योगोङ खाबा ओतान। चुक खाईन सासीन ज्‍येनगी आउदी खाला दुक्‍पा तेरजीनोङ परमेश्‍वर आत्‍मेकी खित्‍सादु गा खिन ख्‍योकोनगी गा लाङच्‍येते बात ङेन्‍दा ओतान।

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।