२ कोरिन्‍थी 7:7 - जिरेल

⁷ थे वाबेकीकामा मेन, थेकी खुलाबाते लोन थोनामेई ङ्योकोनला ढुक्‍क लासुङ। चुक सासीन ख्‍योकोनगी थेला लेमु खाबेकी थेकी आँट ङेत्‍सुङलो, ख्‍योकोनगी ङाला आउदी खाईन ठेता सेम खाला दुक्‍लो, खेराङगी ङाला गोमाबा थोक मेलेबा खाबाते लेमु मेन्‍दाक्‍वा सिन ख्‍योकोन थरिङोला बात खिदुक्‍लो थेमे ङा मेलेबा मि ईन सिन सिरकानला ख्‍योकोनगी पावल थोक्‍ते मिराङ मेन सिन ङे छ्य्‌वा खाला बात खिदुक्‍लो सिन तीतसकी ङ्योकोनला लाःप्‍सुङ। दि बातओन थोजीन ङाला झन आउदी गा लासुङ।

२ कोरिन्‍थी 7:7 Iomraidhean Croise

मत्ती 26:75

थेमे ईन्‍सीनका पत्रुसला “था ङोमु पाखे छ्योबो फोत फोतसाकला पालो सुम ज्‍येन मि दोन्‍दु खुई ङाला ङोरोङ मेस्‍येओ सिन सिओ,” सिन गोमाका येशूकी साबाते बात ठेम्‍बा लासुङ। थेमे थेला आउदी मेलेबा लासुङ। थेमे थे थेरूकी गाल्‍गीन ईमुक खाईन खाईन ङुसुङ।

मत्ती 5:4

पापताङ दुक्‍पेकी खित्‍सादु पीर खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला पापताङ दुक्‍पादुकी टाल्‍ला तेरग्‍यो।

लूका 22:44

था भोगे खिता फाप्‍च्‍येते दुक्‍पे पीरगी खित्‍सादु थे सेम छोकीन सिन्‍दा ओतान। थेमे थेकी झन झन परमेश्‍वरला प्रार्थना खासुङ। थोक खाला प्रार्थना खित्‍जीन थे जीउदुकी ठागी थोपो थिक्‍पा च्‍योकराङ खाला ठोतकी थोपो थिगीन ओतान।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

रोमी 1:12

ईन्‍दानी ङुरूङ ठेत्‍जीन ङे ख्‍योकोनलाकामा मद्धत तेरच्‍येते मेन। ङुरूङ ङ्योम्‍बुराङ देत्‍ला येशू ख्रीष्‍टला विश्‍वास खित्‍च्‍येते बात खित्‍जीन ङे ख्‍योकोनला थेमे ख्‍योकोनगी ङाला आँट तेरा थुप्‍च्‍या ओतान।

१ कोरिन्‍थी 5:2

थेकी थोक खाबा थोङजीन च्‍यि ख्‍योकोनला मेलेबा मालासुङ? ख्‍योकोनला पीर लाङा फाप्‍च्‍येते ईन। थेमे खेराङताङ साङ माकेत सिन थेला तेन्‍ला तोङानी खापा ईन खापा झन ख्‍योकोनचेन आउदी लेमुतेबा ईन्‍दाच्‍योक खाला छ्येका खिन दुक।

२ कोरिन्‍थी 1:4

ङेराङला दुक्‍पा ओङजीन थेमे ज्‍येनगी दुक्‍पा तेरजीन जहिलेङ थेकी ङ्योकोनला आँट तेरगीदुक। थेकी दोक खाबेकी ज्‍येनला जस्‍तो दुक्‍पा ओङा ओत्‍सीनोङ परमेश्‍वरगी ङेराङला खाबाच्‍योक खाला पीर माकेत, सेम मासेत सिन ङ्योकोनगी थेबाला आँट तेरा थुप्‍कीदुक।

२ कोरिन्‍थी 2:9

ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 5:2

थोरूमसाक ङुरूङगी परमेश्‍वरगी तेरच्‍येते थे जीउ ङेता मेत। थे जीउ नामराङ ङेदोङा सिराच्‍योक खाईन रकस्‍यिकोङ सेम ढुक्‍क मिक्‍किता खाईन ङुरूङ गुकीन देता ओत।

२ कोरिन्‍थी 7:6

थोक ईन्‍सीनोङ न्‍वा तीतस दुरू वानामेईचेन पीरताङ दुक्‍पाला मिओनला आँट तेरकान्‍ते परमेश्‍वरगी ङ्योकोनला सेम ढुक्‍क लाङसुङ।

२ कोरिन्‍थी 7:8

थेमे ङे टिबाते थे चिट्ठी पढे खित्‍जीन थे बात ख्‍योकोन सेमला फोक्‍पा ईन्‍सीनोङ ङाला ख्‍योकोनला थोक खिताला ङे च्‍यिला थे चिट्ठी टिताका सिराच्‍योक मालाङदुक। टिक्‍पी दिनगी लाईदुकामा ईन्‍सीनोङ ङे ख्‍योकोन सेमला फोक्‍च्‍येते थे बात टिबाप सिन सम्‍झे खित्‍जीन ङाराङलाङ मेलेबा लासुङ।

२ कोरिन्‍थी 8:16

परमेश्‍वरगी ङाला च्‍योकराङ खाईन तीतसलाङ चुक खाला ख्‍योकोनला लेमु खिता थुबोङा सिरच्‍येते सेम बिन्‍दा ओतेकी ङ्योकोन दि लाईदु परमेश्‍वरला धन्‍यवाद तेरग्‍यो।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

कलस्‍सी 2:5

ङा ख्‍योकोनताङ ङ्योम्‍बु मेत्‍सीनोङ ख्‍योकोनला चुक ओताका, च्‍यि खिन ओताका सिन आउदी खाला सम्‍झे खिओ। ख्‍योकोन डिगीन थुन्‍गीन देताते थेमे ख्रीष्‍टला विश्‍वास खिन देता ओताते बात सम्‍झे खित्‍जीनचेन ङाला गा लाङगीदुक।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

१ थिस्‍सलोनिकी 3:8

ख्‍योकोनगी थोक खाईन प्रभु येशूला विश्‍वास खिनराङ दुक सिन छ्या स्‍येनामेईचेन ख्‍योकोनगी चुक खाबाना सिन गोमा थोक ज्‍यीबा लाबा ओत्‍सीनोङ था ङ्योकोनला ढुक्‍क लासुङ।

हिब्रू 2:1

बात दोक दोक ईन्‍देकी ङुरूङगी दाक्‍पोनगी थोबाते बातओन लेमु खाला ङेन्‍गीन देता फाप्‍क्‍यो। दोक खिन मादेत्‍सीन ङुरूङ दाक्‍पोनगी थोबाते बातला खि साबा च्‍योकराङ खिन देता मुथुबो।

याकूब 5:17

परमेश्‍वर बात खित्‍कान्‍ते एलियाङनी ङुरूङ च्‍योकराङ दुक्‍पा किम्‍मु भोगे खाईन देताते मिराङ ओतान। थेकी छ्यार्बा मेदेक्‍स्‍यीत सिन परमेश्‍वरला आउदी खाईन प्रार्थना खाबेकी लो सुमताङ दावा ठुकसाक छ्यार्बे थिबाईओङ माथिक्‍सुङ।

२ यूहन्‍ना 1:4

थेमे खुई फुज्‍युङ फुमु कोई कोईकी ङुरूङला आबा परमेश्‍वरगी खि सिन कोता च्‍योकराङ खाईन सत्‍यते बात ङेन्‍गीन थेरू खि साबा च्‍योकराङ खाबा थोङगीन ङाला आउदी गा लाबा ओत।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।