२ कोरिन्‍थी 7:6 - जिरेल

⁶ थोक ईन्‍सीनोङ न्‍वा तीतस दुरू वानामेईचेन पीरताङ दुक्‍पाला मिओनला आँट तेरकान्‍ते परमेश्‍वरगी ङ्योकोनला सेम ढुक्‍क लाङसुङ।

२ कोरिन्‍थी 7:6 Iomraidhean Croise

मत्ती 5:4

पापताङ दुक्‍पेकी खित्‍सादु पीर खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला पापताङ दुक्‍पादुकी टाल्‍ला तेरग्‍यो।

यूहन्‍ना 14:16

ख्‍योकोनला सल्‍लाह तेरकान्‍ते ज्‍येनज्‍यीकला थोङ सिन ङा आबाताङ बिन्‍ती खिओ। थे वाला सधैँभरि ख्‍योकोनताङ ङ्योम्‍बुराङ देत्‍क्‍यो।

रोमी 15:5

दोक खाला ङुरूङ सेम मेसेता खाला देता थुप्‍स्‍यीत सिन परमेश्‍वरगी ङुरूङला आँट तेरग्‍यो। ङुरूङला दोक खित्‍कान्‍ते परमेश्‍वरगीराङ ख्‍योकोनगी येशू ख्रीष्‍टकी च्‍योकराङ दाक्‍पोन फाइदा माताबा खाला काम खित्‍जीन ख्‍योकोन गाङेला डिक्‍ला देत्‍च्‍येते सेम तेरस्‍यीत सिन ङा प्रार्थना खिओ।

२ कोरिन्‍थी 7:13

दोक खाईन ख्‍योकोनगी याङराङ लेमु खिताला स्‍यूबा थोङनामेई ङ्योकोनला आउदी गा लाबा ओत। दि बातलाकामा मेन, तीतसला थेपा ओङजीन ख्‍योकोनगी आउदी लेमु खासुङ थेमे थेला आँट बिन्‍सुङ सिन थे आउदी खाईन गा खाला दुक। ख्‍योकोनगी थेला थोक लेमु खाबेकी खित्‍सादु ङ्योकोनला झन आउदी गा लासुङ।

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 7:7

थे वाबेकीकामा मेन, थेकी खुलाबाते लोन थोनामेई ङ्योकोनला ढुक्‍क लासुङ। चुक सासीन ख्‍योकोनगी थेला लेमु खाबेकी थेकी आँट ङेत्‍सुङलो, ख्‍योकोनगी ङाला आउदी खाईन ठेता सेम खाला दुक्‍लो, खेराङगी ङाला गोमाबा थोक मेलेबा खाबाते लेमु मेन्‍दाक्‍वा सिन ख्‍योकोन थरिङोला बात खिदुक्‍लो थेमे ङा मेलेबा मि ईन सिन सिरकानला ख्‍योकोनगी पावल थोक्‍ते मिराङ मेन सिन ङे छ्य्‌वा खाला बात खिदुक्‍लो सिन तीतसकी ङ्योकोनला लाःप्‍सुङ। दि बातओन थोजीन ङाला झन आउदी गा लासुङ।

फिलिप्‍पी 2:1

ख्रीष्‍टताङ जीउज्‍यीकराङ ओङनामेई थेकी ख्‍योकोनला आँट तेरगीन देत्‍क्‍यो। थेमे परमेश्‍वरगी ख्‍योकोनला ङिङज्‍ये खित्‍च्‍येते ईन्‍देकी ख्‍योकोन सेम ढुक्‍क खाला देता थुप्‍क्‍यो। थोकराङ खाला परमेश्‍वर आत्‍मेकी खित्‍सादु ख्‍योकोन थेत्ताङ ङ्योम्‍बुराङ डिक्‍ला देता थुप्‍क्‍यो। थेमे ख्‍योकोनगी खेराङ नाङ पीर फापा ओतातेबाला पीर माकेत सिन सिरच्‍येते थेमे दुक्‍पा ङेता ओतातेबाला ताच्‍येते खिओ। ख्‍योकोन नाङ बात दोकराङ मेन ओना?

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।