२ कोरिन्‍थी 7:4 - जिरेल

⁴ ख्‍योकोनताङ ङा ङाराङ सेमगी बादोङ खिता थुप्‍क्‍यो। ख्‍योकोन लेमु काम खित्‍कान्‍ते मि ईन सिन सम्‍झे खित्‍जीन ङाला गा लाङगीदुक। ङेराङगी जस्‍तो दुक्‍पा ङेत्‍सीनोङ ङानी गाकी फिरगीन देत्‍क्‍यो।

२ कोरिन्‍थी 7:4 Iomraidhean Croise

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

१ कोरिन्‍थी 1:4

ङा ख्‍योकोन लाईदु सधैँ परमेश्‍वरला धन्‍यवाद तेरग्‍यो। च्‍यिला सासीन येशू ख्रीष्‍टकी खित्‍सादु थेकी ख्‍योकोनला दया खाबा ओत।

२ कोरिन्‍थी 1:4

ङेराङला दुक्‍पा ओङजीन थेमे ज्‍येनगी दुक्‍पा तेरजीन जहिलेङ थेकी ङ्योकोनला आँट तेरगीदुक। थेकी दोक खाबेकी ज्‍येनला जस्‍तो दुक्‍पा ओङा ओत्‍सीनोङ परमेश्‍वरगी ङेराङला खाबाच्‍योक खाला पीर माकेत, सेम मासेत सिन ङ्योकोनगी थेबाला आँट तेरा थुप्‍कीदुक।

२ कोरिन्‍थी 10:8

प्रभु येशूकी ङाराङला चुक छ्येज्‍यीक अधिकार बिन्‍दा ओते सिन ङे ङाराङ बात खासीन ङाला छ्याःङ ङोचा मेत। थेकी ङाला ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेरच्‍येते अधिकार बिन्‍दा ओत।

२ कोरिन्‍थी 11:21

होथेबेकी खाबाते च्‍योक्‍ते कामचेन ङे खिता माथुप्‍सुङ। थोक खिता माथुपेकी ङाला ङोचा लाङगीदुक। सुइँदेकी ङा दोक्‍ते मि ईन, ङे दोक खिता थुप्‍क्‍यो सिन छ्ये खिदुक सासीन ङाङ छ्याःङ बुद्धि मेताते लेम्‍बाते मि च्‍योक खाला होथेबेकी च्‍योक खाला बात खिता थुप्‍क्‍यो।

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

२ कोरिन्‍थी 3:12

बात दोक दोक ईन्‍देकी ङ्योकोन ङेराङगी लोप्‍च्‍येते बात छ्याःङ ज्‍यीबा मिक्‍किता खाला खिओ।

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 8:24

थोगी ख्‍योकोनगी दिबाला लेमु खि। थोक खासीन ख्‍योकोनगी ज्‍येनला ङिङज्‍ये खित्‍च्‍याक्‍वा थेमे ङ्योकोनगी साबा च्‍योकराङ ख्‍योकोन लेमु काम खित्‍कान्‍ते मि दुका सिन दिबेकी छ्या स्‍येक्‍यो। दोक ओङनामेई दिबेकीकामा मेन, ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी दि बाततेबा छ्या स्‍येक्‍यो।

फिलिप्‍पी 1:14

ङाला जेलदु लुक्‍नामेई प्रभु ख्रीष्‍टला विश्‍वास खित्‍कान्‍ते ज्‍येन आज्‍यो न्‍वा काल्‍बेईकी ज्‍यीबा खाला देता मेङच्‍याक्‍वा सिन आँट ङेता ओत। आँट ङेत्‍कीन था थेबेकी परमेश्‍वर बात ज्‍यीबाराङ मिक्‍किता खाला लोप्‍कीदुक।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

फिलिप्‍पी 1:26

थोक खाईन ख्‍योकोनताङ ठेत्‍नामेई येशू ख्रीष्‍टकी ङाला चुक लेमु खासुङा सिन आउदी गा खिन ख्‍योकोनगी थेते जय जय खिओ।

फिलिप्‍पी 2:17

ख्रीष्‍टला विश्‍वास खाईन खेराङगी खिन ओताते कामओन ख्‍योकोनगी परमेश्‍वरला भोग बिन्‍दाते च्‍योकराङ ईन। भोग बिन्‍दाते लाक्‍तुराङ थुङच्‍येते पुङा फापाच्‍योक खाला ङा ङाराङ ज्‍यान बिन्‍ला स्‍या फाप्‍सीनोङ ङा खुशीराङ ओत। थेमे ख्‍योकोन गा खित्‍जीन ङाङ ख्‍योकोनताङराङ डिक्‍ला गा खिओ।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

२ थिस्‍सलोनिकी 1:4

थेमे ज्‍येनगी खेराङला खेदा खाईन जति दुक्‍पा बिन्‍सीनोङ थेमे जति दुक्‍पा भोगे खिता फाप्‍सीनोङ ख्‍योकोनगी सेम मेसेता खाईन प्रभु येशूला विश्‍वास खिनराङ देताते बात ठाउँ ठाउँला जम्‍मा ओङकान्‍ते परमेश्‍वर मिओनला ङ्योकोन गा खिनकामा लाःप्‍कीन ख्‍याम्‍ग्‍यो।

फिलेमोन 1:7

खुई थोक खाईन परमेश्‍वर सन्‍तानला ङिङज्‍ये खाबेकी थेबा आउदी खुशी ओङला दुक। दि बातकी खित्‍सादु ङालाङ फामगी सामा सोबा च्‍योकराङ ओङगीन आउदी गा लाबा ओत।

याकूब 1:2

आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।