२ कोरिन्‍थी 7:13 - जिरेल

¹³ दोक खाईन ख्‍योकोनगी याङराङ लेमु खिताला स्‍यूबा थोङनामेई ङ्योकोनला आउदी गा लाबा ओत। दि बातलाकामा मेन, तीतसला थेपा ओङजीन ख्‍योकोनगी आउदी लेमु खासुङ थेमे थेला आँट बिन्‍सुङ सिन थे आउदी खाईन गा खाला दुक। ख्‍योकोनगी थेला थोक लेमु खाबेकी खित्‍सादु ङ्योकोनला झन आउदी गा लासुङ।

२ कोरिन्‍थी 7:13 Iomraidhean Croise

रोमी 12:15

लोक्‍ला खोपरोङला साबा च्‍योक ओङगीन सुइँदा गा खाबा थोङसीन ओहो खोल्‍ला थोई लेमु ओङका सिन ख्‍योकोनोङ गा खि। थोकराङ खाला सुइँदाला खइँदा दुक्‍पा पीर फाप्‍सीन थोक्‍ते मिओनला पीर माकेत सिन सम्‍झे खाला बिन।

रोमी 15:32

दोक खाईन जेसुकै काम साबा च्‍योकराङ ओङनामेई गा खिन ङा परमेश्‍वरगी साबा च्‍योकराङ खाला ख्‍योकोन ओत्‍सापा ओङामीन। थेमे ख्‍योकोनताङ ङ्योम्‍बुराङ देत्‍जीन ङाला लेमु ओङगो।

१ कोरिन्‍थी 12:26

च्‍यिला सासीन दिबे नाङ दोक्‍पोईला खइँदा सुक थोत्‍सीन जीउ खाङराङ दुक्‍पा ओङगो। थेमे दोक्‍पोईला खइँदा लेमु ओङसीन जीउ खाङराङ लेमु ओङगो।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

१ कोरिन्‍थी 16:18

दिबेकी थोक खाबेकी ङुरूङ गाङेला लेमु ओङसुङ। थोगी ख्‍योकोनगी होदोक्‍ते मिला सधैँ मान खि।

२ कोरिन्‍थी 2:13

ईन्‍सीनोङ ङे न्‍वा तीतसला थेरू माठेतेकी ङाला सेमला बान्‍दा सन्‍तो मालासुङ। थोगी थेरू मिओनला ड्वामीन सिन थेबाताङ ठाल्‍गीन ङा म्‍यासिडोनियापा गालाप।

२ कोरिन्‍थी 2:3

ङाला गा लाङच्‍येते बात ख्‍योकोनलाङ गा लाङच्‍येतेराङ ईन सिन ङाला लेमु खाला छ्या ओतेकी ङाराङ मेङा खाईन ङे थे चिट्ठीकामा टिबाप। ख्‍योकोनचेन ङाला मन परे खित्‍च्‍येते काम खित्‍कान्‍ते मि ईन। दि पालो ङा थेपा वाबा ईन्‍सीन ङाला आउदी दुक्‍पा लाङच्‍या ओतान।

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 7:15

था दिकी च्‍यि खिताना, चुक सिताना सिन ज्‍यीबा खिन ख्‍योकोनगी थेला डोम्‍बोला च्‍योक खाईन लेमु खाबाते थेमे थेकी साबाते ख्‍योकोन गाङेकी ङेन्‍दाते बाततेबा सम्‍झे खित्‍जीन थेला ख्‍योकोनते झन झन ङिङज्‍ये लाङगीदुक्‍लो।

२ कोरिन्‍थी 7:6

थोक ईन्‍सीनोङ न्‍वा तीतस दुरू वानामेईचेन पीरताङ दुक्‍पाला मिओनला आँट तेरकान्‍ते परमेश्‍वरगी ङ्योकोनला सेम ढुक्‍क लाङसुङ।

फिलिप्‍पी 2:28

दिला ठेत्‍ला ख्‍योकोन गाङेराङ गा खिता ङेत्‍स्‍यीत थेमे ख्‍योकोनला गा लानामेई ङाराङोङ पीर खिन देता माफाप्‍स्‍यीत सिनराङ ङे होत्ता दिला ख्‍योकोन ओत्‍सापा ताङाते ईन।

२ तिमोथी 1:16

ओनेसिफरस खाम्‍बे मि गाङेला प्रभु येशूकी लेमु खित्‍स्‍यीत। च्‍यिला सासीन पालोताङ पालो थेकी ङाला आँट बिन्‍दा ओतान। थेमे ङा जेलदु ओता ईन्‍सीनोङ छ्याःङ ङोचा खाबा मेतान।

फिलेमोन 1:20

खो प्रभु येशू ख्रीष्‍टला विश्‍वास खित्‍कान्‍ते ईन्‍देकी ओर्च्‍ये ङे छ्येत ताला खुई ओनेसिमसला ङे साबा च्‍योकराङ खि। ख्रीष्‍टताङ जीउज्‍यीकराङ ओङाते मिकी खिता फापाच्‍योक खाईन भाइ खुई थोक खासीन ङाला ढुक्‍क ओङगो।

फिलेमोन 1:7

खुई थोक खाईन परमेश्‍वर सन्‍तानला ङिङज्‍ये खाबेकी थेबा आउदी खुशी ओङला दुक। दि बातकी खित्‍सादु ङालाङ फामगी सामा सोबा च्‍योकराङ ओङगीन आउदी गा लाबा ओत।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।