२ कोरिन्‍थी 7:10 - जिरेल

¹⁰ परमेश्‍वरगी मि सेमला फोक्‍च्‍येते काम खित्‍जीन मिकी दाक्‍पोनगी मेलेबा काम खाबाते दुका सिन छ्या स्‍येला लोक्‍ला लेमु काम खिताला स्‍यूइओ। थेमे थोक्‍ते मिकी पापकी सजाय भोगे खिता माफाबो, परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिराच्‍योक खिताङ माफाबो। तर परमेश्‍वरगी थोक खित्‍जीन लोक्‍ला लेमु काम खिता साटोला परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिरा च्‍योककामा खिन देत्‍कान्‍ते मिचेन पापकी सजाय ङेत्‍ला नरककुण्‍डमा स्‍यूइओ।

२ कोरिन्‍थी 7:10 Iomraidhean Croise

मत्ती 26:75

थेमे ईन्‍सीनका पत्रुसला “था ङोमु पाखे छ्योबो फोत फोतसाकला पालो सुम ज्‍येन मि दोन्‍दु खुई ङाला ङोरोङ मेस्‍येओ सिन सिओ,” सिन गोमाका येशूकी साबाते बात ठेम्‍बा लासुङ। थेमे थेला आउदी मेलेबा लासुङ। थेमे थे थेरूकी गाल्‍गीन ईमुक खाईन खाईन ङुसुङ।

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 18:13

कर लिन्‍कान्‍ते मिकीचेन मन्‍दिर नाङ कुनाज्‍यीक्‍तु गाल्‍गीन ङा दोक पापी मिङ चुक खाला परमेश्‍वरला प्रार्थना खित्‍च्‍ये सिराच्‍योक खाईन खुङ खुगीन ‘ए परमेश्‍वर, ङा पापी ईन सिन ङाला छ्या ओत। ङाला दया खाला पापदुकी टाल्‍ला नाङ,’ सिन प्रार्थना खादुक्‍लो।

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

२ कोरिन्‍थी 12:21

दि पालो ङा थेपा ओङजीन ख्‍योकोन थोरूमोङ होदोक दोकराङ खिन ओता थेप्‍सीन ङे माने खिन ओताते परमेश्‍वरगी ख्‍योकोनगी खित्‍सादु ङाला ङोचा लोङगीता सिन ज्‍यीबा लाबा ओत। दोस्‍यिककामा मेन, ख्‍योकोन नाङ गोमाबा रन्‍डीबाजी थेमे होदि च्‍योक्‍ते खिता मेङच्‍येते ज्‍येनोङ ङोचा लाङच्‍येते काम खित्‍कान्‍ते मिओनगी खोपरोङगी थोक खाबाते लेमु मेन्‍दाक्‍वा सिन थोक खिता ताङा मेत्‍सीन थोक्‍ते मिओन लाईदु ङे ङुइनकामा पीर खिता फाप्‍क्‍यो।

२ कोरिन्‍थी 7:9

दोक ईन्‍सीनोङ थानी ङाला आउदी गा लाबा ओत। ख्‍योकोनला थोक खाईन दुक्‍पा बिन्‍दान सिन गा लाबा ओत साबाते मेन। बरू ङे टिबाते थे बात खेराङ सेमला फोक्‍नामेई खेराङगी खाबाते काम लेमु मेन्‍दाक्‍वा सिन छ्या स्‍येकीन ख्‍योकोनगी लोक्‍ला लेमु काम खिताला स्‍यूबाते थोङगीनराङ ईन। परमेश्‍वरगीराङ ख्‍योकोनला थोक ओङ च्‍युत्‍कीन लोक्‍ला लेमु काम खित च्‍युतेकी ङे टिबाते थे चिट्ठीकी खित्‍सादु ख्‍योकोनला मेलेबा ओङातेचेन मेन।

हिब्रू 12:17

थोक खाबेकी खित्‍सादु तिरी आबातेकी छ्येते फुज्‍युङतेला तेरच्‍येते आशी थेकी माङेत्‍सुङ। आबातेला आशी नाङ सिन ङुला फिरला खित्‍जीनोङ थेकी गोमा थे खोरोङगी थोक मेलेबा खाबाते बात खुदुक ज्‍वापराङ माथुप्‍सुङ। दि बात ख्‍योकोनला छ्याराङ ओत।