२ कोरिन्थी 7:1 - जिरेल1 थोगी ङिङज्येते आज्यो न्वावे, परमेश्वरगी थोक थोक खिओ सिन साबाते ङुरूङ लाईदुङ ईन्देकी ङुरूङगी काम बात जे खित्जीनोङ थेला मन परे मिक्किच्येते छ्याःङ खिता मेङगो सिन ज्यीबा खिन थेला मान खिता फाप्क्यो। थेमे सेम खुदुक गालाते मि ईन्देकी ङुरूङगी लेमुते कामताङ बातकामा खिन देता फाप्क्यो। Faic an caibideil |
२ कोरिन्थी 7:1
48 Iomraidhean Croise
थे तिरी यहूदिया, गालील थेमे सामरिये अञ्चल नाङला ठाउँ ठाउँला जम्मा ओङकान्ते येशू ख्रीष्ट मि गाङेला लेमु ओङसुङ। था थेबाला सुङगीङ दुक्पा तेरगीन मेतान। प्रभु येशूला मन परे मिक्किच्येते छ्याःङ खिता मेङगो सिन ज्यीबा खिन थेबेकी झन झन लेमु खाईन थेला विश्वास खिताला स्यूसुङ। परमेश्वर आत्मेकी थेबाला आँट बिन्सुङ। दोक खाईन थेबा झन झन फेल्गीन ड्वाप्ला स्यूसुङ।
थोक ईन्सीन परमेश्वरगी मिओनला च्यिला थे खोरोङ नियम बिन्सुङा सिनोङ बात थेन्ग्यो मेन? नियम ओत्सीनोङ थेरू खिता मेङगो साबा साबाराङ खाला झन झन पाप खित्च्याक्वा सिन मिओनगी छ्या स्येस्यीत सिनराङ परमेश्वरगी थे नियम बिन्दा ओतान। दोक खाईन मिओन झन पाप खित्कान गाल्सीनोङ थेबे पाप माफ तेराला परमेश्वरगी थेबाला झन आउदी दया खाबाते ईन।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
थेमे परमेश्वरताङ प्रार्थना खित्जीन ख्योकोन थेला आबा सिन सिओ। थेकी सुङलाङ काका पाका मिक्किता खाला सुई चुक खाला दुका थे ताला न्याय खिओ। थोगी खेराङ दुरू मि लुङबे मि च्योकराङ ईन सिन सम्झे खाला सोन्ला देत देतसाकराङ ख्योकोनगी परमेश्वरला मन परे मिक्किच्येते छ्याःङ खिता मेङगो सिन ज्यीबा खिन लेमु खिन देत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
Sanasan