२ कोरिन्‍थी 6:9 - जिरेल

⁹ ङ्योकोन दोक्‍ते मि ईन सिन लेमु खाला छ्या ओत्‍सीनोङ मिकी ङ्योकोन चुक्‍ते मि ईन्‍दे सिन छ्या स्‍येबा मेता च्‍योकराङ खिदुक। पालोताङ पालो था नाम स्‍यिइताना सिराच्‍योक खाईन देता फाप्‍सीनोङ ङ्योकोन थोरूमसाक दि धर्ती लाक काम्‍बा चुला ख्‍याम्‍गीनराङ ओत। थेमे ङ्योकोन च्‍येते खाला ङेराङ काम खिता तोङस्‍यीत सिन ङ्योकोनला दुकीन सेता चाल्‍सीनोङ थोरूमसाक स्‍यापराङचेन मेत।

२ कोरिन्‍थी 6:9 Iomraidhean Croise

शक्ति काम 17:18

थे मि रूक्‍सादु इपिक्‍युरीताङ स्‍तोइकी सिरातेन्‍दे पाटी गुरूओनोङ ओतान। पावलगी लापाते येशू बात थेमे स्‍यिनामेकी याङराङ सोम्‍बो लोइओ सिरच्‍येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्‍यि ङेन्‍च्‍ये?” सिन सासुङ। लालेकीचेन “दिकी ज्‍येन लुङबे ल्‍हे बात खित्‍च्‍या ईन्‍दा च्‍यिन्‍दा,” सिन सासुङ।

शक्ति काम 19:26

तर दि पावल सिरातेकीनी मिकी जोबाते ल्‍हे मूर्ति ल्‍हा ईनराङ मेन साकीन दि सारदु थेमे एशिये अञ्‍चल खाङराङ मि काल्‍बा च्‍योक गाङेला थे खोरोङ छ्य्‌वापा लै खित च्‍युत्‍कीन सिन्‍सुङ। दोक दोक ओङगीन दुक सिन ख्‍योकोनगी छ्या मास्‍येबाते मेन।

शक्ति काम 25:19

थेबेकी खालि थेकी खोपरोङ धर्मे बातताङ मिडिक्‍च्‍येते काम खासुङ सिन सिदुक। थेमे येशू सिराते स्‍यिइन सिन्‍दाते मिज्‍यीक बातला थेबा थेत्ताङ बान्‍दा मिडिक्‍च्‍याक्‍वा सिनोङ ङे छ्या स्‍येसुङ। लोक्‍ला थे मिचेन थे येशू सिराते मि स्‍यिइनोङ सोम्‍बो लोक्‍पा ओत सिन सिरच्‍याक्‍वा।

शक्ति काम 25:26

तर दिला रोमी गेल्‍बो ओत्‍सादु तोङाला चिट्ठीला टिक्‍च्‍येते बात ङे छ्याःङ माथेप्‍सुङ। थोक ईन्‍देकी गेल्‍बो अग्रिपा थेमे दुरू ओताते मिओनगी दि मि बात च्‍यि ईन्‍दाका ङेन्‍गीन सिन्‍नामेकी ङे रोमी गेल्‍बोला खइँदा टिक्‍च्‍येते बात थेप्‍कीता सिन दिला दुरू खुलाबाते ईन।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

रोमी 8:36

ङुरूङला दुक्‍पा ओङगो सिनका परमेश्‍वर बातलाङ दोक सिन टिबा ओत। चुक सासीन “ए परमेश्‍वर, खुई मि ईन्‍देकी ङ्योकोनला सधैँ ज्‍येनगी दुक्‍पा बिन्‍ला सेता छोल्‍गीदुक। थेबेकीनी ङ्योकोनला सेताला टीकीन खेराते लुकला च्‍योकराङ खिदुक,” सिन साबा ओत।

१ कोरिन्‍थी 11:32

ङुरूङगी गल्‍ती खित्‍जीन प्रभु परमेश्‍वरगी ङुरूङला दुक्‍पा बिन्‍ला ताला लुच्‍येतेचेन था तिरी मि गाङे न्‍याय खिते छोमु ङुरूङगीङ दि सा लुङबे मिकी च्‍योक खाला सजाय मेङेत्‍स्‍यीत सिनराङ ईन।

१ कोरिन्‍थी 15:31

आज्‍यो न्‍वावे, ङा ङीमे ठाङमा स्‍यिइओ। च्‍यि सासीन ङीन नुप ङे दुक्‍पा खपे खिता फाप्‍सीनोङ ङे लापाते बात ङेन्‍गीन ख्‍योकोनगी ङुरूङ प्रभु येशू ख्रीष्‍टला विश्‍वास खाबाते ईन्‍देकी ङाला गा लाङगीदुक।

१ कोरिन्‍थी 4:9

ङाला चुक लाङगीका सासीन येशू ख्रीष्‍टकी खटे खाबाते मि ङ्योकोनला परमेश्‍वरगी जुलूस तिरी टीला मि दोन्‍दुराङ सेता फाप्‍च्‍येते सजाय ङेताते मिओन च्‍योकराङ जोबा ओत। दोक खाईन दि सा लुङबे मि थेमे परमेश्‍वर दूतओन दोन्‍दु ङ्योकोन तेमु च्‍योकराङ ओङा ओत।

२ कोरिन्‍थी 11:6

ईन ईन, ङे ङेन्‍गीन देत्‍की सिराच्‍योक खाला बात खिता मेस्‍येतासीन। ईन्‍सीनोङ परमेश्‍वरगी छ्या स्‍ये ज्‍युत्‍च्‍येते बात ङाला लेमु खाला छ्या ओत। ङा थे बात लेमु खाला छ्या ओताते मि ईन सिन ङे ख्‍योकोनला गाङे बात लेमु खाईन लाप्‍कीन बिन्‍दा ओताते बातकी छ्य्‌वापेकीङ छ्या स्‍येक्‍यो।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 5:11

दोक खाला ङीमा लेनज्‍यीक प्रभु येशू दोन्‍दु दाक्‍पोनगी खाबाते लेमु मेलेबा कामगी हर हिसाब तेरा फाप्‍क्‍यो सिन छ्या ओतेकी ङेराङ मेलेबा काम मिक्‍किओ सिन ङ्योकोन मिओनला छ्याःङ शंका मालाङच्‍या खाला लोप्‍क्‍यो। ङ्योकोन चुक्‍ते ईन्‍दे सिन परमेश्‍वरला गाङे छ्या ओत। दि बात ख्‍योकोनगीङ लेमु खाईन छ्या स्‍येबाराङ ओतासीन।