२ कोरिन्थी 6:6 - जिरेल6 ङ्योकोन मेलेबा काम सिराते छ्याःङ मिक्किओ। परमेश्वरगी ङ्योकोनला थे खोरोङ बाततेबा लेमु खाईन छ्या स्ये च्युता ओत। ङ्योकोन सेम मेसेता खाला काम खिओ, ज्येनला दया खिओ, परमेश्वर आत्मेकी खि साबाते कामकामा खिओ थेमे खेकीकामा मेन्देकी ङ्योकोन ज्येनला पक्काराङ खाला ङिङज्ये खिओ। Faic an caibideil |
२ कोरिन्थी 6:6
41 Iomraidhean Croise
च्यिला सासीन सुइँदेकी वाकीन ङ्योकोनगी लापाते च्योक्ते मेन्देकी ज्येनज्यीकराङ येशू बात लाप्सीनोङ ख्योकोनगी थे आउदी लेमु खाला ङेन्च्याक्वा। थेमे थेबेकी खेराङला ङेता फाप्क्यो साबाते आत्मा ख्योकोन ङेता छोल्च्याक्वा। थे आत्माचेन ख्योकोनगी ङेता ओताते परमेश्वर आत्मा मेन। थोकराङ खाला ङ्योकोनगी ख्योकोनला लाप्कीन बिन्दा ओताते च्योक्ते मेन्देकी खुदुकज्यीकराङ गा लाङच्येते बात लाप्सीन ख्योकोनगी होथोक्ते बातराङ ङेन्च्याक्वा।
था ङे थेपा वानामेई ङाराङताङ खजो अधिकार ओते सिराच्योक मिक्किता खाला ख्योकोनताङ खा छ्येत लेमुकी बात खिता ङेत्स्यीत सिन ङे थारीला ओते बेलालाराङ दि बाततेबा टिबाते ईन। च्यिला सासीन प्रभु ख्रीष्टकी ङाला बिन्दाते अधिकार ख्योकोनला ङ्ये ज्युताला मेन, बरू ख्योकोनला लेमु ओङस्यीत सिन लाःप्ला कोत्ला तेराला बिन्दाते ईन।
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
परमेश्वरगी ख्योकोनला थे खोरोङ सन्तान सिन छाने खाईन ख्योकोन सेम खुदुक जोबा ओत, थेकी ख्योकोनला आउदी खाला ङिङज्ये खिओ। ख्योकोन बात दोक ईन्देकी ख्योकोनगी चुक चुक खिता फाप्कीते सासीन पीर फापा ओतातेबाला पीर माकेत सिन सिरा फाप्क्यो, ज्येनगी दुक्पाला ता फाप्क्यो, ङा ङाराङ ईन सिराच्योक खिता मेङगो, गाङेताङ खा छ्येत लेमु खिता फाप्क्यो, होत्ताराङ स्येदाङ खिता मेङगो,
खो थोरूमोङ स्याराराङ ओत्सीनोङ थोक खाला लोप्जीन कोत्जीन दि भर्खरगी फिजेकी साबाते बादोङ च्यि ङेन्च्ये, दिलाङ च्यि छ्या ओते सिन सिरच्येते लाम थेबा सुङलाङ मातेर। खो स्याराराङ दुक सिन हेपे मिक्किस्यीत सिन खोरोङगी खाबाते ताला येशू ख्रीष्टला विश्वास खित्कान्ते मिओनगी चुक चुक खिता फाप्च्या ईन्दाका सिन लोप्स्यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्येनला ङिङज्ये खि, जे ओङसीनोङ येशू ख्रीष्टला विश्वास खिन देत, सेमला छ्याःङ पाप मोज्योबा खाला काम खि,
बात दोक दोक ईन्सीनोङ ङे बातचेन गाङे खोल्ला लेमुराङ खाला छ्या ओत। च्यि सासीन सत्यते बात लोप्जीन ङे च्यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्यि खिता चाला ओताने सिन खोल्ला छ्याराङ ओत। दोस्यिककामा मेन, ङे येशूला चुक खाला विश्वास खिन ओताने, ङा चुक खाला ज्येनताङ स्येदाङ मिक्किता खाला देत्कीन ओताने, ज्येनला चुक खाला ङिङज्ये खिन ओताने थेमे जस्तो दुक्पा ओङसीनोङ ङे चुक खाला खपे खिन ओताने सिन गाङे बात खुई छ्या स्येबाराङ ओत।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
तर परमेश्वरगी बिन्दाते बुद्धि ङेता ओताते मिओनगीचेन काम बात जे खित्जीनोङ लेमुतेकामा खिओ, थेबा ज्येनताङ डिक्ला थुन्ला देता छोल्ग्यो, गाङेताङ खा छ्येत लेमु खिओ, दाक्पोन भन्दा छ्येकी साबाते ङेन्ग्यो, ज्येनला ङिङज्ये खाला लेमु लेमु काम खिओ, सुङलाङ काका पाका मिक्किओ थेमे सेमला मेलेबा विचार मोज्योओ।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
Sanasan