२ कोरिन्‍थी 6:5 - जिरेल

⁵ थोकराङ खाला थाराङ मि लाक्‍पे दुताक सा फाप्‍सीनोङ, जेलदु देता फाप्‍सीनोङ, ङेराङ विरोधला हूलदङ्गा खासीनोङ ङ्योकोन खपेराङ खाला देत्‍क्‍यो। दोस्‍यिककामा मेन, ङीन नुप स्‍याप स्‍याप खाला काम खिता फाप्‍सीनोङ, मिक छुम मिक्‍किता खाला जागोराङ देत्‍ला नुप स्‍येन्‍दा फाप्‍सीनोङ थेमे त्‍वाबा तुक्‍पाराङ देता फाप्‍सीनोङ दोकराङ खिओ।

२ कोरिन्‍थी 6:5 Iomraidhean Croise

मत्ती 14:10

थोगी थेकी यूहन्‍ने गोः तुप्‍ला खोरच्‍योक सिन मि ताङगीन जेलदु यूहन्‍ने गोः थुप च्‍युत्‍सुङ।

मत्ती 14:3

बात च्‍यि ओङा ओताने सासीन हेरोदकी यूहन्‍नाला जुम्‍गीन नेल कोन्‍गीन जेलदु लु च्‍युता ओतान। च्‍यिला सासीन हेरोदकी थे खोरोङ न्‍वाते फिलिप फेम्‍मे हेरोदियास खुलाबा ओतान।

मत्ती 9:15

थोक सिरजीन थेकी “बेउला खोपरोङ दोन्‍दु ओत्‍कीन ओत्‍कीन फाङमाला वाबाते मि सु साप मास्‍साबा खाला पीर खिन देत्‍कीतेरो? था मिओनगी वाला बेउलाला जबरजस्‍ती फाङमादुकी जुम्‍ला खेरग्‍यो। थोक खानामेईचेन फाङमा सार वाबाते मिओन पीरगी खित्‍सादु तुक्‍पाराङ देत्‍क्‍यो।

शक्ति काम 13:3

परमेश्‍वर आत्‍मेकी थोक सानामेई थेबेकी थोरूमोङ बर्त देत्‍कीन परमेश्‍वरला प्रार्थना खासुङ। थोक खाईन सिन्‍नामेकी थेबेकी बारनाबासताङ शावल लाक्‍तु लाक्‍पा ज्‍यागीन प्रार्थना खासुङ। थेमे परमेश्‍वर आत्‍मेकी थेबाला खि साबाते काम खिताला थेरूकी ताङसुङ।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:23

थेबा ङिबोकी होथे सार सारला जम्‍मा ओङकान्‍ते येशू ख्रीष्‍ट मिओनला ताप्‍ला थेबे नाङदुईराङ कोई कोई मि छाने खाईन ज्‍याक्‍सुङ। थेमे बर्त देत्‍ला प्रार्थना खिनकामा थेबा ङिबोकी येशू मि गाङेला लेमु खाला तो सिन प्रभु येशू लाःक्‍तुराङ सोम्‍पे खासुङ।

शक्ति काम 17:5

थोक खाईन मि काल्‍बेई थेबे छ्य्‌वापा लै खाबा थोङगीन ज्‍येन यहूदीओनचेन थेबा ङिबोताङ आउदी खाईन स्‍येदाङ खासुङ। थोगी थेबेकी थे सारगी नाङले कोई कोई मेलेबाते मि रूकीन होहल्‍ला खिताला स्‍यूसुङ। थेमे थेबा ङिबोला जुम्‍ला गाङे मि दोन्‍दु खेरा फाप्‍क्‍यो सिन यासोन सिराते मि खाम्‍बापा गाल्‍सुङ।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 23:10

थेबेकी थोक सानामेईनी थेबा झन जीङा जीङाराङ खिताला स्‍यूसुङ। थेरू थोक हल्‍ला खल्‍ला ओङा थोकीन थेबा जीला पावलला सेत्‍कीता सिन ज्‍यीबेकी थे मिल्‍टेरी छ्येते मिकी “मिमा गाल्‍ला थे मिला छिटो याङराङ देने लाला खोरच्‍योक,” सिन मिल्‍टेरीओनला लिन ताङसुङ।

शक्ति काम 23:35

थेमे थे हाकिमगी थेला “था खोल्‍ला उजूर खित्‍कान्‍ते मिओन वानामेकीकामा खुई बयान लिन्‍ग्‍यो,” सिन साकीन थेला हेरोद गेल्‍बो दरवारदु खेरला फ्रोबा मुथुप्‍च्‍या खाला स्‍योक सिन थे खोरोङ मिल्‍टेरीओनला कोत्‍सुङ।

शक्ति काम 24:27

थोक खिन खिनला लो ङि तिरी थे साटोला पोर्सिअस फेस्‍तस हाकिम ओङसुङ। यहूदीओनला खुशी ज्‍वाप्‍ला थे खोरोङ ड्वा बेलालाङ फेलिक्‍सकी पावलला जेलदुकी माताङसुङ।

शक्ति काम 26:10

चुक सासीन छ्ये छ्ये पूजारी अधिकार ङेत्‍कीन ङे यरूशलेमदु ओताते परमेश्‍वर सन्‍तान काल्‍बेईला जेलला लुक्‍पाप। थेमे होथोक्‍ते मिला सेता फाप्‍क्‍यो सिरकान्‍तेबाताङराङ डिगीन ङेङ होथेबाला सेत च्‍युताप।

शक्ति काम 26:29

थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

शक्ति काम 28:30

पावल लो ङिसाक थे खोरोङगी डेरा लाबाते खाम्‍बादु देत्‍सुङ। थेमे थेरू थे खोरोङला ठेता खित ओङकान्‍ते मि गाङेला थेकी लेमु खासुङ।

शक्ति काम 5:18

थेमे थेबेकी थाचेन दिबाला खइँदाज्‍यीक माक्‍याबाला मायाङसुङ सिन थेबाला जुम्‍गीन खेरगीन जेलला लुक्‍सुङ।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 4:11

थोरूमसाकोङ ङ्योकोन साप थुङा माङेत्‍ला पालोताङ पालो त्‍वाबा तुक्‍पाराङ ख्‍याम्‍गीन ओत। खोलाक डाकस्‍याक डिकस्‍यिकराङ काल्‍ला ख्‍याम्‍ग्‍यो। थेमे मिओनगी ङ्योकोनला छ्याःङ दया मोज्‍योबा खाला दुङगीदुक। ङेराङते सिराते खाम्‍बा जग्‍गा छ्याःङ मेताच्‍योक खाला ङ्योकोन युगीन देत्‍क्‍यो।

१ कोरिन्‍थी 7:5

ख्‍यावा फेम्‍मे ओङगीन सिन्‍नामेई दोक्‍पोईकी ज्‍येनज्‍यीक खाँचो टारे खिता फाप्‍च्‍येते ईन्‍देकी ख्‍योकोन ठाल्‍ला माङ्याल। परमेश्‍वरताङ प्रार्थना खिताला कहिलेकहीँ ङिकारगी सल्‍लाह खाला ङ्योम्‍बुराङ ङ्याल्‍च्‍येते बातकीते ङुरूङ छ्याःङ विचार मिक्‍किकी सिन सासीनोङ ज्‍येन बेलाला ठाल्‍ला माङ्याल। ठाल्‍गीन ङ्याल्‍सीन ख्‍योकोनगी दाक्‍पोन सेम थामे खिता मुथुबो। थेमे शैतानगी ख्‍योकोनला पाप खित ज्‍युत्‍क्‍यो।

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

फिलिप्‍पी 1:13

चुक ओङसुङा सासीन ङे खइँदा मेलेबा काम खाबेकी मेन्‍गीन ख्रीष्‍टते गा लाङच्‍येते बात लापेकीका ङाला जेलदु लुक्‍पाते दुका सिन दुरू ओताते रोमी गेल्‍बो मिल्‍टेरीओनताङ ज्‍येनोङ मि गाङेकी छ्या स्‍येसुङ।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

हिब्रू 11:36

थोकराङ खाईन कोईला मेन्‍दा मेन्‍दे दोष लै खाईन मि ङोन्‍दु इज्‍जत बेइज्‍जत खाबा ओतान, कोईला कोर्रा लै खाबा ओतान, कोईला नेल कोन्‍गीन जेलदु लुक्‍पा ओतान,

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

हिब्रू 13:23

ज्‍येन बात च्‍यि सासीन ङुरूङ न्‍वा तिमोथी जेलदुकी थेन्‍गीन सिन्‍सुङ। था थे होत्ता ङा ओत्‍सादु वासीन ङ्योकोन ङिकाराङ ख्‍योकोन ओत्‍सापा ओङामीन।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।