२ कोरिन्‍थी 6:4 - जिरेल

⁴ बरू ङेत परमेश्‍वर काम खित्‍कान ईन्‍देकी थोक्‍ते मिकी खिता फापा च्‍योकराङ खाला काम खिओ। च्‍यि सासीन जति दुक्‍पा ओङसीनोङ ङ्योकोन थोक्‍ते दुक्‍पा खपे खिन देत्‍क्‍यो। ज्‍येनगी दुक्‍पा तेरजीनोङ, आपत् विपत् आइ परे खित्‍जीनोङ थेमे पीर लाङजीनोङ ङ्योकोन सेम मेसेता खाला देत्‍क्‍यो।

२ कोरिन्‍थी 6:4 Iomraidhean Croise

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 20:34

ङात्ताङ ङाराङ र्‍वाओनला गोच्‍येते पैसा ङे ङाराङ पाखुरा चले खाईन जोबाप। दि बादोङ ख्‍योकोनला छ्याराङ ओत।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

रोमी 14:18

होदोक दोकराङ खिन ख्रीष्‍टला माने खित्‍कान्‍ते मिओनताङचेन परमेश्‍वर खुशी ओङगो। दोक्‍ते मिओनला ज्‍येनगीङ लेमु मि ईन सिन सिओ।

रोमी 16:10

अपेल्‍लेसला ङेते नमस्‍ते ओत सि। थेचेन जस्‍तोराङ ओङजीनोङ येशू ख्रीष्‍टला विश्‍वास खिता तोङराङ मोतोङकान्‍ते मि ईन सिन ङुरूङला छ्या ओत। थेमे अरिस्‍तोबुलस खाम्‍बे मिओनलाङ ङेते नमस्‍ते ओत सि।

रोमी 3:5

थोगी था ङुरूङगी परमेश्‍वरगी साबाते माङेन्‍गीन मेलेबा काम खासीनोङ थेकीचेन नोमुङ मेलेबा काम मिक्‍किच्‍याक्‍वा सिन झन लेमु खाला छ्या स्‍येकीदुक सासीन ङुरूङगी च्‍यि मेलेबा खाबाते ईन्‍देरो? ङुरूङगी मेलेबा काम खासुङ सिन थेकी ङुरूङला स्‍येदाङगी चूर गाल्‍गीन सजाय बिन्‍सीन दिनी दाक अन्‍याय खाबाते ओङसुङ याङ सिरच्‍येते बादोङ थेन्‍ग्‍यो। दिनी कोई कोई मिकी खित्‍च्‍येते बातकामा ईन।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

१ कोरिन्‍थी 4:1

दोक ईन्‍देकी मिओनगी ङ्योकोन खालि ख्रीष्‍टकी काम खित्‍कान्‍ते थेमे परमेश्‍वरगी गोमा सुङलाङ छ्या स्‍ये च्‍युता मेताते बात लोप्‍च्‍येते जिम्‍मा बिन्‍दाते मिकामा ईन सिन छ्या स्‍येबा फाप्‍क्‍यो।

१ कोरिन्‍थी 9:11

बात दोक ईन्‍देकी ङ्योकोनगी ख्‍योकोनला गा लाङच्‍येते बात सोन देपाच्‍योक खाईन लाप्‍कीन बिन्‍नामेई च्‍यि ख्‍योकोनगी ङ्योकोनला साप थुङा गोच्‍येते तेरा फाप्‍च्‍येते मेनरो?

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

२ कोरिन्‍थी 11:9

ख्‍योकोनताङ ङ्योम्‍बु देत्‍जीन ङाराङला मादाङजीनोङ ङे सुङताङ छ्याःङ नाङ मासा। ङाला खाँचो परे खाबे बेलाला म्‍यासिडोनियादुकी ओङकान्‍ते आज्‍यो न्‍वाओनगी पैसा खुलाकीन बिन्‍दा ओतान। दोक खाईन ङे ख्‍योकोनला गोमाबाङ छ्याःङज्‍यीक खाङज्‍यीक दुक्‍पा माबिन, थाङ नोमुङ थोक मिक्‍किओ।

२ कोरिन्‍थी 12:10

थोगी ङाराङगी छ्याःङ खिता मुथुप्‍जीन ईन्‍स्‍यीत, ज्‍येनगी ङाराङला इज्‍जत बेइज्‍जत खित्‍जीन ईन्‍स्‍यीत, दुक्‍पा ङेत्‍जीन ईन्‍स्‍यीत, मिओनगी ङाराङला खेदापानी खित्‍जीन ईन्‍स्‍यीत थेमे आपत् विपत्‌ला फाप्‍जीन ईन्‍स्‍यीत ख्रीष्‍टकी मि ईन्‍देकी ङानी सधैँ गा खिन देता थुप्‍क्‍यो। दोक खाला ङाराङगी छ्याःङ खिता मुथुपे बेलालाराङ ख्रीष्‍टकी शक्ति ङेता ओतेकी ङे जेङ खिता थुप्‍कीदुक।

२ कोरिन्‍थी 12:12

ङे ख्‍योकोनताङ ओत्‍जीन जस्‍तो दुक्‍पा ओङजीनोङ नोमुङ ङाराङ काम खिता माताङ। थेमे ङे खाईन तेन्‍दाते छ्ये छ्येताङ अचम्‍बतेन्‍दे काम थोङगीन ङा येशू ख्रीष्‍टकी खटे खाबाते मि ईन सिन ख्‍योकोनगी छ्या स्‍येबा ओतान।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 4:8

च्‍यिला सासीन ङेराङगी ङेतासम्‍म दुक्‍पा ङेत्‍सीनोङ ङ्योकोनगी ङेराङ काम खिता ताङा मेत, च्‍यि खित्‍च्‍ये चुक खित्‍च्‍ये सिन बेला बेलाला अलमल्‍ल परे खिता फाप्‍सीनोङ था ईन्‍सीन छ्याःङ खिता मुथुबो सिराच्‍योक खाईन हरेस सोबा मेत,

२ कोरिन्‍थी 7:11

लो विचार खि, परमेश्‍वरगी ख्‍योकोन सेमला फोक्‍च्‍येते थे काम खानामेई ख्‍योकोनला थोई लेमु ओङसुङा। च्‍यि सासीन था ख्‍योकोनगी ङेत गोमा च्‍योक खितराङ मिक्‍किओ सिन खालि लेमु खित्‍च्‍ये छ्य्‌वापाकामा स्‍येत खिताला स्‍यूसुङ, खेराङगी ङाला गोमाबा च्‍यिला थोक मेलेबा खाताका, थोक खाबाते लेमु मेन्‍दाक्‍वा सिन छ्या स्‍येबाला स्‍यूसुङ, था ङे ख्‍योकोनला च्‍यि खिताना चुक सिताना सिन ज्‍यीबा खिताला स्‍यूसुङ, ख्‍योकोन था ङात्ताङ ठेताला आउदी सेम खिताला स्‍यूसुङ थेमे खेराङ नाङ मेलेबा खित्‍कान्‍ते मिला सजाय तेराला टुङ्गो खासुङ। दोक दोक खाईन ख्‍योकोनगी था खेराङ दोषी मेन सिन तेन्‍दाला स्‍यूसुङ।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

१ थिस्‍सलोनिकी 3:7

आज्‍यो न्‍वाबा ख्‍योकोनगी प्रभु येशूला विश्‍वास खिता ताङा मिन्‍दुक सिरा थोनामेईचेन पीरताङ तापकी नाङ देता फापा ओत्‍सीनोङ थेमे ज्‍येनगी दुक्‍पा तेरगीन देत्‍सीनोङ था ङ्योकोनला फामगी सामा सोबाच्‍योक लासुङ।

१ थिस्‍सलोनिकी 5:14

थेमे आज्‍यो न्‍वावे, ख्‍योकोनगी खेराङ नाङ दाक्‍पोन लाःक खिता ताङला अल्‍छी खाला देत्‍कानला थोक माकेत, काम खिता फाप्‍क्‍यो सिन सि, ज्‍यीबा खित्‍कानला ज्‍यीबा खिता माफाबो सिन सि, प्रभु येशूला विश्‍वास खाईन पाको गाला मेतातेबाला पाको ड्वाप्‍ला मद्धत बिन। थेमे स्‍येदाङ मिक्‍किता खाला गाङेताङ खा छ्येत लेमु खाला काम खि।

१ तिमोथी 2:15

फेम्‍मे मिकी थोक खाबा ईन्‍सीनोङ परमेश्‍वरगी थेबाला फिजे सुक देक्‍जीन ताला जोए खिओ। थोक ईन्‍सीनोङ थेबेकी छ्ये मिक्‍किता खाला येशू ख्रीष्‍टला विश्‍वास खिन देता फाप्‍क्‍यो, ज्‍येनला ङिङज्‍ये खिता तोङा मेङगो थेमे परमेश्‍वरला मन परे खित्‍च्‍येते कामताङ बात खिन देता फाप्‍क्‍यो।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

१ तिमोथी 6:11

तर खोचेन परमेश्‍वरगी खि साबाते काम खित्‍कान्‍ते मि ईन। थोगी खुई थोक्‍ते मेलेबा काम छ्याःङ माकेत। खुईचेन परमेश्‍वरगी खि साबा च्‍योकराङ खिन देत, थेला चुक खाला माने खिता फाप्‍च्‍येते ईन्‍दे थोकराङ खाला माने खि, येशू ख्रीष्‍टला विश्‍वास खिन देत। दोस्‍यिककामा मेन, ज्‍येनला ङिङज्‍ये खि, दुक्‍पा ओङसीनोङ खपे खिन देत थेमे गाङेताङ खा छ्येत लेमु खि। खुई होदोक दोक खित्‍च्‍ये छ्य्‌वापाकामा सेम लै खि।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

२ तिमोथी 2:24

प्रभु येशू ख्रीष्‍ट काम खित्‍कान्‍ते मिकी ज्‍येनताङ थोम्‍मु जीङगा खिता मेङगो। बरू गाङेताङ खा छ्येत लेमु खाला बात खिता फाप्‍क्‍यो, ज्‍येनला लेमु खाला लोपा थुप्‍कानज्‍यीक ओङा फाप्‍क्‍यो थेमे ज्‍येनगी जे खासीनोङ स्‍येदाङ खुरा मेङगो।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।