२ कोरिन्‍थी 5:5 - जिरेल

⁵ ङुरूङला दोक खाला थे नोमुङ स्‍यिला रूल्‍ला मोन्‍डोच्‍येते जीउ तेरकान्‍ते परमेश्‍वरराङ ईन। थोक्‍ते जीउ तेरग्‍यो सिन पक्‍का खिताला थेकी ङुरूङला थे खोरोङ आत्‍मा बिन्‍दा ओत।

२ कोरिन्‍थी 5:5 Iomraidhean Croise

रोमी 8:23

ईन्‍दाका ङुरूङोङ थोरूमसाक दुक्‍पालाराङ देता फापा ओतेकी ङुरूङ सेमलाङ ढुक्‍क मेत। परमेश्‍वरगी ङुरूङला थे खोरोङ आत्‍मा बिन्‍दा ओतेकी थेकी खिओ साबाते ज्‍येनोङ था गाङे साबा च्‍योकराङ खिओ। परमेश्‍वर आत्‍मा ङेता ओत्‍सीनोङ परमेश्‍वरगी ङुरूङला स्‍या फाप्‍सादुकी टाल्‍ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्‍य्‌वाच्‍येते दिन नामराङ लेबोङा सिन ङुरूङ गुकीन देता ओत।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 4:30

खेराङ खेकी खित्‍सादु परमेश्‍वर आत्‍माला मेलेबा लाङच्‍येते काम माकेत। परमेश्‍वर आत्‍मा ङेतेकी खित्‍सादुराङ परमेश्‍वरगी थे खोरोङगी साबे छोमु ख्‍योकोनलाङ पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन टोक माज्‍येत।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।