२ कोरिन्‍थी 5:18 - जिरेल

¹⁸ दि गाङे परमेश्‍वरगी खित्‍सादु ओङाते ईन। ख्रीष्‍टकी खाबाते कामगी खित्‍सादु थेकी ङुरूङला थे खोरोङताङ डिक्‍पा खाबा ओत। दोक खाला मिओनला थे खोरोङताङ डिक ज्‍युत्‍क्‍यो सिरच्‍येते बात ज्‍येनलाङ लोप सिन थेकी ङ्योकोनला जिम्‍मा बिन्‍सुङ।

२ कोरिन्‍थी 5:18 Iomraidhean Croise

लूका 10:5

खेराङ लेप्‍सा लेप्‍सादु जुन खाम्‍बादु स्‍यूइदुक थे खाम्‍बे मिओनला परमेश्‍वरगी ख्‍योकोनला लेमु खित्‍स्‍यीत सिन सि।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 3:27

थोक सिरजीन थेकी “परमेश्‍वरगी खो दोक खि सिन मासाबाला सुङगीङ छ्याःङ खिता मुथुबो।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 11:12

चुक खाला सासीन मि जोजीन परमेश्‍वरगी फेम्‍मे मिलाचेन ख्‍योओ मि जीउदुकी जोबा ओतान। याङराङ फेम्‍मे मिकी फिजा केलाराङ ख्‍योओ मि ओङच्‍येते ईन। जे ईन्‍सीनोङ ओताते जति गाङे जोकान्‍तेचेन परमेश्‍वरराङ ईन।

१ कोरिन्‍थी 12:6

मिओनगी खुदुक खुदुक काम खासीनोङ मि दाक्‍पोन दाक्‍पोनला होथोक्‍ते सीपताङ शक्ति बिन्‍ला थेबाला होदोक्‍ते काम खित ज्‍युत्‍कान्‍ते परमेश्‍वरचेन दोक्‍पोईराङ ईन।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।