२ कोरिन्‍थी 5:11 - जिरेल

¹¹ दोक खाला ङीमा लेनज्‍यीक प्रभु येशू दोन्‍दु दाक्‍पोनगी खाबाते लेमु मेलेबा कामगी हर हिसाब तेरा फाप्‍क्‍यो सिन छ्या ओतेकी ङेराङ मेलेबा काम मिक्‍किओ सिन ङ्योकोन मिओनला छ्याःङ शंका मालाङच्‍या खाला लोप्‍क्‍यो। ङ्योकोन चुक्‍ते ईन्‍दे सिन परमेश्‍वरला गाङे छ्या ओत। दि बात ख्‍योकोनगीङ लेमु खाईन छ्या स्‍येबाराङ ओतासीन।

२ कोरिन्‍थी 5:11 Iomraidhean Croise

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

लूका 12:5

बरू ख्‍योकोन परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो। थोगी मित्ताङ मेन, परमेश्‍वरताङकामा ज्‍यीबा खि।

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

शक्ति काम 13:43

थेरू मिटिङ सिन्‍नामेई यहूदीओन थेमे यहूदी धर्म माने खिताला स्‍यूकीन परमेश्‍वरला माने खित्‍कान्‍ते ज्‍येन ज्‍येन जातकी मि काल्‍बेई पावलताङ बारनाबास तिरी तिरी गाल्‍सुङ। थेमे थेबा ङिबोकी थे मिओनला “परमेश्‍वरगी ख्‍योकोनला दया खाबा ओतेकी था जस्‍तो ओङसीनोङ ख्‍योकोन येशूला विश्‍वास खिनराङ देत,” सिन सिदुक।

शक्ति काम 18:13

थेमे थेबेकी थे हाकिमला “हजूर, दि मिकी परमेश्‍वरला माने खिताला दोक दोकका खिता फाप्‍क्‍यो सिन नियमताङ डिकराङ मिडिक्‍च्‍येते मेन्‍दा मेन्‍दे बात दुरू मिओनला लोप्‍कीदुक,” सिन सासुङ।

शक्ति काम 18:4

ईन्‍सीनोङ सन्‍चारी छोमु छोमुचेन पावल यहूदीओनते मिटिङ खित्‍च्‍येते खाम्‍बापा गाल्‍ला थेरू जम्‍मा ओङकान्‍ते यहूदीताङ ग्रीकओनला येशू बात सत्‍यते बात ईन सिन छलफल खाला खाला लेमु खाला लोप्‍कीन ओतान।

शक्ति काम 19:26

तर दि पावल सिरातेकीनी मिकी जोबाते ल्‍हे मूर्ति ल्‍हा ईनराङ मेन साकीन दि सारदु थेमे एशिये अञ्‍चल खाङराङ मि काल्‍बा च्‍योक गाङेला थे खोरोङ छ्य्‌वापा लै खित च्‍युत्‍कीन सिन्‍सुङ। दोक दोक ओङगीन दुक सिन ख्‍योकोनगी छ्या मास्‍येबाते मेन।

शक्ति काम 26:26

ङे च्‍यि च्‍यि बात खासुङा सिन गेल्‍बो अग्रिपाला गाङे लेमु खाला छ्या ओत। थोगी गेल्‍बोकी मोखोता सिन छ्याःङ ज्‍यीबा मिक्‍किता खाला ङा दि गाङे बात खिन ओत। दि बाततेबा गाङे मि मिगी दोन्‍दुराङ ओङाते बात ईन्‍देकी गेल्‍बोला छ्या मेताते बात मेन,” सिन साकीन

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 5:20

थोगी ङेराङला जिम्‍मा बिन्‍दाते काम खिताला ङ्योकोन ख्रीष्‍टकी ताङाते मि ईन। मिओनला परमेश्‍वरताङ डिक्‍च्‍येते सेम खि सिन बात खित्‍कान्‍ते ङ्योकोन ईन्‍सीनोङ परमेश्‍वर थे खोरोङगीराङ ङ्योकोन छ्य्‌वापेकी मि गाङेताङ दि बात खित्‍च्‍येते ईन। ख्रीष्‍टकी छ्य्‌वापेई ङ्योकोन ख्‍योकोनला परमेश्‍वरताङ डिक्‍च्‍येते सेम खि सिन सिओ।

२ कोरिन्‍थी 6:1

ङेराङ परमेश्‍वरताङ डिक्‍ला काम खित्‍कान ईन्‍देकी ङ्योकोन ख्‍योकोनला दोक सिनोङ सिओ। च्‍यि सासीन ख्रीष्‍टकी खित्‍सादु परमेश्‍वरगी खेराङला दया खाबाते थाराङ खेरो मोन्‍डोस्‍यीत सिन ओर्च्‍ये ख्‍योकोनगी थेला मन परे खित्‍च्‍येते काम खि।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

हिब्रू 10:31

सोम्‍बोते परमेश्‍वर लाःक्‍तु फापा आउदी ज्‍यीबा लाङच्‍ये बात ईन।

हिब्रू 12:29

च्‍यिला सासीन ङुरूङ परमेश्‍वर मेकी जेसुकै थाला ज्‍वापच्‍योक खाला सजाय तेरकान्‍ते परमेश्‍वर ईन।

यहूदा 1:23

ज्‍येनलाचेन मे ऊरसादुकी टेप जुम्‍ला थेन्‍दाच्‍योक खाला नरककुण्‍डमा स्‍यूक्‍च्‍येते सजायदुकी थार छ्युत। ज्‍येनला दया खाला दोक्‍ते काम खित्‍जीन खेराङलाङ थेबे बानी मोलोप्‍स्‍यीत सिन ख्‍योकोन च्‍याङबो खि याङ। टेक्‍टेस्‍यिकराङ ईन्‍सीनोङ थेबेकी खित्‍च्‍येते च्‍योक्‍ते मेलेबा काम ख्‍योकोनगी छ्याःङ खिता माफाप्‍स्‍यीत सिन च्‍याङबो खाला देत।

छ्या स्‍ये च्‍युताते बात 20:15

नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ मिन मेताते मिलाचेन गाङेला थे मे धुनीमा क्‍युरसुङ।