२ कोरिन्‍थी 5:10 - जिरेल

¹⁰ च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।

२ कोरिन्‍थी 5:10 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

शक्ति काम 10:42

थेमे थेकी ङ्योकोनला ‘गाल्‍ला यहूदीओनला गा लाङच्‍येते बात लोप। स्‍याप्‍तेबा थेमे सोम्‍बोराङ ओतातेबा मि गाङेला तिरी न्‍याय खितालाचेन परमेश्‍वरगी थे खोरोङलाराङ छाने खाबा ओत सि,’ सिन कोत्‍सुङ।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

रोमी 2:16

ङे साबाते बातओन दोकराङ ईन सिन था तिरी न्‍याय खिते छोमु छ्या स्‍येक्‍यो। थे छोमु परमेश्‍वरगी मि गाङे सेमगी बात खाङ लेमु ईन्‍दे, खाङ मेलेबा ईन्‍दे सिन येशू ख्रीष्‍टला डेल च्‍युत्‍ला न्‍याय खित ज्‍युत्‍क्‍यो। था ङीमाई दोक ओङगो सिनचेन ङे लोप्‍कीन ओताते गा लाङच्‍येते बातला साबा ओत।

रोमी 6:19

ख्‍योकोनगी लेमु खाला खोबा थुप्‍स्‍यीत सिन ङे दुरू मालिकताङ योक्‍पो बात खाबाते ईन। गोमा पापकी योक्‍पो च्‍योकराङ ओत्‍जीन ख्‍योकोनगी खिता ओङच्‍या मेङच्‍या जेसुकै ङोचा लाङच्‍येते काम थेमे परमेश्‍वरगी माकेत साबाते ज्‍येनोङ मेलेबा काम खिन ओतान। थेजीन ख्‍योकोन बोली, काम, बानी जेङ मेलेबा ओतान। गोमाबा होथोक्‍ते मेलेबा मेलेबा काम खाबा च्‍योकराङ थाचेन ख्‍योकोनगी परमेश्‍वरगी खि साबा साबा ङेन्‍ला थेकी खि साबाते खित्‍च्‍ये छ्य्‌वापाकामा स्‍येत खि। थोक खानामेई ख्‍योकोनते बोली, काम, बानी गाङे लेमु गाल्‍ला ख्‍योकोनगी परमेश्‍वरला मन परे खित्‍च्‍येते कामताङ बात खिओ।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

२ कोरिन्‍थी 7:3

ख्‍योकोनला मेलेबा सिराला ङे दोक साबाते मेन। थोक ईन्‍दा ईन्‍सीन ङ्योकोनगी ख्‍योकोनला खितासम्‍म ङिङज्‍ये खाबा ओत सिन ङा सिरच्‍याराङ मेतान। ङेराङ सोन्‍ला देत देतसाक थेमे स्‍याराङ फाप्‍सीनोङ ङ्योकोन ख्‍योकोनला नोमुङ टोक ज्‍येता मुथुबो।

एफिसी 6:8

योक्‍पो योङमु ईन्‍स्‍यीत, मालिक ईन्‍स्‍यीत जोराङ ईन्‍सीनोङ लेमु काम खित्‍कानलाचेन तिरी प्रभु ख्रीष्‍टकी इनाम तेरग्‍यो सिन ख्‍योकोनला छ्याराङ ओत।

हिब्रू 9:27

मि गाङेराङ पालोई स्‍या फाप्‍क्‍यो थेमे स्‍यिनामेई ङीमाई मि गाङेते परमेश्‍वरगी न्‍याय खिओ।

१ पत्रुस 4:5

स्‍याप्‍तेबा थेमे सोम्‍बोराङ ओताते मि गाङेला न्‍याय खिताला ठीक ओङगीन देताते परमेश्‍वर दोन्‍दु था ङीमा लेनज्‍यीक थेबेकी खोपरोङगी खाबाते होथोक्‍ते काम बात गाङेते हर हिसाब तेरा फाप्‍क्‍यो।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।

छ्या स्‍ये च्‍युताते बात 22:12

थेमे याङराङ प्रभु येशूकी “था ङा होत्ताराङ ओङगीन ओत। थेबेकी खाबाते लेमु मेलेबा कामताङ बात ताला मि गाङेला सु सुला च्‍यि तेरा फाप्‍कीका थे थेराङ ङा तेरग्‍यो।