२ कोरिन्‍थी 4:5 - जिरेल

⁵ थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।

२ कोरिन्‍थी 4:5 Iomraidhean Croise

मत्ती 23:8

ङा ख्‍योकोनला च्‍यि सिते सासीन थेबेकी च्‍योक खाला ख्‍योकोनगीचेन सुङलाङ खेराङला गुरू साला मान खित माज्‍युत। च्‍यिला सासीन ख्‍योकोन गाङेते गुरू दोक्‍पोईकामा ओत। ख्‍योकोनबरीचेन सुङ छ्ये टेक्‍टे मेन, गाङेराङ आज्‍यो न्‍वा ईन।

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 10:33

ङाचेन ङाराङ विचारकामा मिक्‍किता खाला मि गाङेराङ येशूला विश्‍वास खाला पापकी सजायदुकी थारस्‍यीत सिन थेबा गाङेला लेमु ओङच्‍येते कामकामा खिओ।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 15:47

परमेश्‍वरगी गाङे भन्‍दा गोमा जोबाते मि आदमचेन से सबीदुकी जोबाते ईन। तर तिरी आदम सिन साबाते ख्रीष्‍टचेन स्‍वर्गनेकी वाबाते ईन।

१ कोरिन्‍थी 2:2

बरू ङेनी येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातकामा लोप्‍च्‍ये टुङ्गो खाईन थे बातकामा ख्‍योकोनला लापाप।

१ कोरिन्‍थी 4:15

ख्‍योकोनला दोक खि, थोक माकेत सिन ख्रीष्‍टकी बात लोप्‍कान्‍ते हजार च्‍युताम्‍बा मि ओत्‍सीनोङ थेबा ख्‍योकोन आबा मेन। ङे ख्‍योकोनला गा लाङच्‍येते बात लाप्‍कीन बिन्‍गीन ख्‍योकोन येशू ख्रीष्‍टताङ जीउज्‍यीकराङ ओङाते ईन्‍देकी ङाराङ ख्‍योकोन आबा ईन।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

फिलिप्‍पी 1:15

ईन्‍दानी थेबे नाङ गाङेकी गाङेराङ डिक्‍ला ख्रीष्‍टते गा लाङच्‍येते बात लोप्‍की सिरच्‍येते सेमगी खाबाते मेन। थेबा कोईकीचेन मिओन ङे छ्य्‌वापा लै खासुङ सिन डारगी थे बात लोप्‍कीदुक। कोईकी थोक खासीनोङ ज्‍येनतेबेकीचेन लेमु सेमगीराङ दि काम खिदुक।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

तीतस 1:11

होथोक्‍ते मिओनला दोक्‍ते बात मालोप साला थेबे खा टाले खिता फाप्‍क्‍यो। च्‍यिला सासीन थेबेकी मिओनला लोपा मेङच्‍येते बात लापेकी होथेबे बात ङेन्‍गीन येशू ख्रीष्‍ट मिओन नाङ खाम्‍बा थोई थोई मिकी ङेन्‍दा फाप्‍च्‍येते बात ङेन्‍दा ताङला दुक। थेबेकीचेन छ्याःङ ङोचा मिक्‍किता खाला खालि पैसा ज्‍वाप्‍की लाईदु होथोक्‍ते बात लोप्‍च्‍येते ईन।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।