गा लाङच्येते बात लोपाला ङाला सुङताङ छ्याःङ ङोचा मालाङदुक। च्यिला सासीन दि बातला परमेश्वरताङ चुक छ्येज्यीक शक्ति ओते सिरच्येते बात ओत। दि बात ङेन्ला येशूला विश्वास खित्कान्ते मिबरी गाङेला परमेश्वरगी पापदुकी डेल्ग्यो। दि पापदुकी डेल्च्येते काम परमेश्वरगी गोमा यहूदीओनला खासीनोङ ज्येन ज्येन जातकी मिलाङ खिओ।
२ कोरिन्थी 4:2 - जिरेल2 ङ्योकोन ईप्ला छ्याक्ला ज्येनला ठगे खित्च्येते च्योक्ते ङोचा लाङच्येते काम मिक्किओ, मिला छक्के खिताला ईनराङ मेन्दे बात मोलोबो, ङ्योकोननी परमेश्वर बात खुदुक जोला लोप्च्येतेङ मिक्किओ। परमेश्वर दोन्दुराङ काम खाबाच्योक खाला ङ्योकोननी सत्यते बातला जे साला दुक थेकामा लोप्क्यो। थोक ईन्देकी ङ्योकोनगी सत्यते बातकामा लापा ओत सिन मि गाङेकी सिरा थुप्क्यो। Faic an caibideil |
२ कोरिन्थी 4:2
16 Iomraidhean Croise
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
दोक खाला ङीमा लेनज्यीक प्रभु येशू दोन्दु दाक्पोनगी खाबाते लेमु मेलेबा कामगी हर हिसाब तेरा फाप्क्यो सिन छ्या ओतेकी ङेराङ मेलेबा काम मिक्किओ सिन ङ्योकोन मिओनला छ्याःङ शंका मालाङच्या खाला लोप्क्यो। ङ्योकोन चुक्ते ईन्दे सिन परमेश्वरला गाङे छ्या ओत। दि बात ख्योकोनगीङ लेमु खाईन छ्या स्येबाराङ ओतासीन।
तीतस थेपा ओङा भन्दा गोमा ङे थेला ख्योकोन लेमु मि ईन, ख्योकोनगी थेला आउदी लेमु खिओ सिन साबा ओतान। थे थेपा ओङजीन ख्योकोनगी थेला आउदी लेमु खाबेकी ख्योकोन लेमु मिराङ दुका सिन थेकी छ्या स्येसुङ। थोगी ङे थे दोन्दु छ्याःङ ङोचा खिता माफाप्सुङ। ख्योकोनताङ ङ्योकोनगी मेन्दाते सिराते बातज्यीगोङ माक्या। थोकराङ खाईन ङे तीतसला ख्योकोन चुक्ते मि ईन्दे सिन साबाते बादोङ ढाँर खाबाते मेन्दाक्वा सिन थेकी छ्या स्येसुङ।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
Sanasan