२ कोरिन्‍थी 4:18 - जिरेल

¹⁸ थोगी ङ्योकोनचेन थरिङोला ओङगीन ओताते होदोक्‍ते बातला मेन, था तिरी ओङच्‍येते होथोक्‍ते लेमुते बातकी विचारकामा खाला देत्‍क्‍यो। च्‍यिला सासीन थरिङोला ओङगीन ओताते मिकी थोङा थुप्‍च्‍येते होदोक्‍ते पीरताङ दुक्‍पा ङीमाई गाङे सिन्‍ला तोरला डुइओ। तर थोरूमसाक सुङगीङ थोङा मेताते तिरी परमेश्‍वरगी तेरच्‍येतेचेन नोमुङ सिन्‍ला तोरला मोन्‍डोओ।

२ कोरिन्‍थी 4:18 Iomraidhean Croise

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

२ कोरिन्‍थी 5:7

प्रभु येशूला ङुरूङगी थरिङोला मिगी थोङा मेत्‍सीनोङ था तिरी सधैँभरि थेत्ताङ देता ङेत्‍क्‍यो सिन ङुरूङ थेला विश्‍वास खिओ।

२ थिस्‍सलोनिकी 2:16

ङुरूङ आबा परमेश्‍वरगी ङुरूङला ङिङज्‍ये खाईन थे खोरोङ दयेकी जहिलेङ आँट तेरगीन देत्‍ला तिरी तेरग्‍यो सिन साबातेबा गाङे पक्‍काराङ ङेत्‍क्‍यो सिन आश खाला देत ज्‍युत्‍क्‍यो। दोक खित्‍कान्‍ते परमेश्‍वरताङ ङुरूङ प्रभु येशू ख्रीष्‍ट थे खोरोङगीराङ ख्‍योकोनला आँट बिन्‍ला ख्‍योकोनगी खिन ओताते लेमुते कामताङ बात गाङे खिनराङ देत ज्‍युत्‍स्‍यीत सिन ङ्योकोन प्रार्थना खिओ।

हिब्रू 11:1

परमेश्‍वरला विश्‍वास खित्‍च्‍या सिरातेचेन थेकी तेरग्‍यो साबाते जति गाङे ङेत्‍क्‍यो सिन आश खाईन गुकीन देताते पक्‍काराङ ङेत्‍क्‍यो थेमे खइँदा दोकस्‍यिकराङ ओताक्‍वा सिन दाक्‍पोनगी नोमुङ थोङा मेत्‍सीनोङ परमेश्‍वरगी साबा ओता च्‍योकराङ ओत सिन पत्ते खित्‍च्‍येते ईन।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 9:11

तर ख्रीष्‍टचेन मिला पूरो खाला पापदुकी टाल्‍ला लेमु खिताला वाबा ओतान। दि काम खित्‍कान्‍ते थे गाङे भन्‍दा छ्येते पूजारी ईन्‍देकी था थे गाल्‍गीन मि लाईदु पूजारी काम खित्‍च्‍येते ठाउँचेन मिकी जोबाते ठाउँ मेन। थोगी थे ठाउँ दि सा लुङबादु मेत। थे ठाउँनी थाङबो मिओनगी जोबाते पाल भन्‍दा खापान खापान लेमुते ठाउँ ईन।

१ यूहन्‍ना 2:25

थेबाताङ डिक्‍ला देता ङेत्‍च्‍येतेराङ येशू ख्रीष्‍टकी ङुरूङला तेरग्‍यो साबाते नोमुङ मिसिन्‍च्‍येते जुनी ईन।