२ कोरिन्‍थी 4:15 - जिरेल

¹⁵ ख्‍योकोनला लेमु ओङस्‍यीत सिनराङ ङ्योकोन दोक खाला दुक्‍पा खपे खिओ। ङ्योकोनगी दोक खिन देत्‍जीन परमेश्‍वरगी खोपरोङला चुक दया खित्‍च्‍या ईन्‍दाका सिन झन झन मि काल्‍बेईकी छ्या स्‍येला थेते जय जय ओङस्‍यीत सिन थेला धन्‍यवाद तेरग्‍यो।

२ कोरिन्‍थी 4:15 Iomraidhean Croise

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

१ कोरिन्‍थी 9:19

ईन्‍दानी ङा सुङगीङ योक्‍पो मेन। ङाराङ खुशीकी च्‍यि खिता फाप्‍कीका ङा थे खिता थुप्‍क्‍यो। ईन्‍सीनोङ मि काल्‍बेईकी येशूला विश्‍वास खित्‍स्‍यीत सिन ङे ङाराङ थेबे योक्‍पो ईन्‍दा च्‍योकराङ खाईन काम खाबान।

२ कोरिन्‍थी 1:11

ख्‍योकोनगी ङ्योकोन लाईदु प्रार्थना खिनराङ देत। थोक खासीन मि काल्‍बेईकी खाबाते प्रार्थना ङेन्‍गीन परमेश्‍वरगी ङ्योकोनला थोक खाईन जोए खाबाते बात छ्या स्‍येला झन मि काल्‍बेईकी परमेश्‍वरला धन्‍यवाद तेरग्‍यो।

२ कोरिन्‍थी 8:19

दोस्‍यिककामा मेन, ज्‍येनला मद्धत तेराला सिन जम्‍मा खाबाते पैसा केलाला ङ्योकोनताङ ङ्योम्‍बु ड्वाप्‍ला सिन दिलानी देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगीराङ छाने खाबाते ईन। ङ्योकोनगी खाबाते दि काम थोङला दुक्‍पा ङेतातेबाला मद्धत तेरच्‍येते ङ्योकोनते आउदी सेम ओताक्‍वा सिन ज्‍येनगी छ्या स्‍येक्‍यो। दि कामगी खित्‍सादु मिओनगी प्रभु येशू ख्रीष्‍टला छ्ये जोइओ।

गलाती 1:24

ङे थोक खिताला स्‍यूदुक्‍लो सिन छ्या स्‍येनामेई थेबेकी परमेश्‍वरगी चुक अचम्‍ब काम खासुङा सिन थेते जय जय खाबा ओतान।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

१ पत्रुस 4:11

च्‍यि सासीन ज्‍येनला परमेश्‍वर बात लोप्‍कान्‍तेकी परमेश्‍वरगी जे साला दुक थेराङ लोप। थेमे ज्‍येनला ता फाप्‍कानगीङ परमेश्‍वरगी ङाला थोक खित्‍च्‍येते शक्ति बिन्‍दाते ईन सिन थे काम खि। दोक खाला जसकी जे खासीनोङ येशू ख्रीष्‍ट छ्य्‌वापेकी परमेश्‍वरते जय जय खित्‍च्‍येते काम खि। परमेश्‍वरते सधैँभरि जय जय ओङस्‍यीत। थेकी गाङेपा गाङेला राज्‍य खिनराङ देत्‍स्‍यीत। आमेन।