२ कोरिन्‍थी 4:11 - जिरेल

¹¹ ङीमाई स्‍यिला डोच्‍येते दि जुनीला दोक दुक्‍पा ओङसीनोङ येशू मि ईन्‍देकी दोक खाला नाम स्‍यिइताना सिराच्‍योक खाला देत्‍जीनोङ ङ्योकोन थोरूमसाक सोन्‍गीन देता ओता थोङला येशू सोम्‍बो लोगीन ङेताते जुनी ङ्योकोनगीङ ङेता ओताक्‍वा सिन मिओनगी छ्या स्‍येक्‍यो।

२ कोरिन्‍थी 4:11 Iomraidhean Croise

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

रोमी 8:36

ङुरूङला दुक्‍पा ओङगो सिनका परमेश्‍वर बातलाङ दोक सिन टिबा ओत। चुक सासीन “ए परमेश्‍वर, खुई मि ईन्‍देकी ङ्योकोनला सधैँ ज्‍येनगी दुक्‍पा बिन्‍ला सेता छोल्‍गीदुक। थेबेकीनी ङ्योकोनला सेताला टीकीन खेराते लुकला च्‍योकराङ खिदुक,” सिन साबा ओत।

१ कोरिन्‍थी 15:31

आज्‍यो न्‍वावे, ङा ङीमे ठाङमा स्‍यिइओ। च्‍यि सासीन ङीन नुप ङे दुक्‍पा खपे खिता फाप्‍सीनोङ ङे लापाते बात ङेन्‍गीन ख्‍योकोनगी ङुरूङ प्रभु येशू ख्रीष्‍टला विश्‍वास खाबाते ईन्‍देकी ङाला गा लाङगीदुक।

१ कोरिन्‍थी 15:49

थोक ईन्‍देकी ङुरूङ गाङेते थरिङोले जीउचेन आदम जीउ च्‍योक्‍तेराङ ईन। थरिङोले जीउ ओता च्‍योकराङ था तिरीचेन ङुरूङगी ख्रीष्‍टते च्‍योक्‍ते जीउ ङेत्‍क्‍यो।

२ कोरिन्‍थी 4:10

येशूला च्‍योकराङ मिओनगी ङ्योकोनलाङ सेता छोल्‍च्‍येते ईन्‍देकी ङेराङ नाम स्‍यिइताना सिन ङ्योकोनला छ्याःङ छ्या मेत। ङ्योकोन सधैँ दुक्‍पा भोगे खिनराङ देत्‍क्‍यो। दोक दुक्‍पा ओङजीनोङ ङ्योकोन सोन्‍गीन देता थोङला येशू सोम्‍बो ओताक्‍वा सिन मिओनगी छ्या स्‍येक्‍यो।

२ कोरिन्‍थी 4:12

ङ्योकोनगी ङेराङ नाम स्‍यिइताना सिराच्‍योक खाईन दुक्‍पा भोगे खिन काम खाबेकी खित्‍सादु ख्‍योकोनगी नोमुङ मिसिन्‍च्‍येते जुनी ङेता ओत।

२ कोरिन्‍थी 5:4

थरिङोले दि जीउकी साटोला थे जीउ नामराङ ङेदोङा सिराच्‍योक खाईन रकस्‍यिकोङ सेम ढुक्‍क मिक्‍किता खाईन ङुरूङ गुकीन देता ओत। दोक खाबाते था नाम स्‍यिरोङा सिन साबाते मेन, बरू नोमुङ स्‍यिला रूल्‍ला मोन्‍डोच्‍येते जीउ होत्ता ङेत्‍सीन ओङच्‍या ओतान सिन ईन। स्‍यिला रूल्‍ला डोच्‍येते दि जीउकी साटोला होथे जीउ ङेत्‍ला नोमुङ मिसिन्‍च्‍येते जुनी ङेत्‍स्‍यीत सिन ईन।

२ कोरिन्‍थी 6:9

ङ्योकोन दोक्‍ते मि ईन सिन लेमु खाला छ्या ओत्‍सीनोङ मिकी ङ्योकोन चुक्‍ते मि ईन्‍दे सिन छ्या स्‍येबा मेता च्‍योकराङ खिदुक। पालोताङ पालो था नाम स्‍यिइताना सिराच्‍योक खाईन देता फाप्‍सीनोङ ङ्योकोन थोरूमसाक दि धर्ती लाक काम्‍बा चुला ख्‍याम्‍गीनराङ ओत। थेमे ङ्योकोन च्‍येते खाला ङेराङ काम खिता तोङस्‍यीत सिन ङ्योकोनला दुकीन सेता चाल्‍सीनोङ थोरूमसाक स्‍यापराङचेन मेत।