२ कोरिन्‍थी 4:10 - जिरेल

¹⁰ येशूला च्‍योकराङ मिओनगी ङ्योकोनलाङ सेता छोल्‍च्‍येते ईन्‍देकी ङेराङ नाम स्‍यिइताना सिन ङ्योकोनला छ्याःङ छ्या मेत। ङ्योकोन सधैँ दुक्‍पा भोगे खिनराङ देत्‍क्‍यो। दोक दुक्‍पा ओङजीनोङ ङ्योकोन सोन्‍गीन देता थोङला येशू सोम्‍बो ओताक्‍वा सिन मिओनगी छ्या स्‍येक्‍यो।

२ कोरिन्‍थी 4:10 Iomraidhean Croise

यूहन्‍ना 14:19

था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

रोमी 6:5

थोक खाईन ख्रीष्‍ट स्‍यिजीन ङुरूङोङ थेत्ताङ जीउज्‍यीकराङ ओङगीन स्‍याप्‍ते ईन्‍देकी परमेश्‍वरगी थेला स्‍यिसादुकी सोम्‍बो लोक्‍पा ओतेकी थेकी ङुरूङलाङ दाक थेला च्‍योकराङ खाला सोम्‍बो लोइओ।

रोमी 6:8

दोक खाईन ङुरूङ येशू ख्रीष्‍टताङराङ स्‍याप्‍ते ईन्‍देकी था ङुरूङगीङ दाक थेकी ङेता च्‍योक्‍ते जुनी ङेत्‍ला थे च्‍योकराङ खाला देता ङेत्‍क्‍यो।

रोमी 8:36

ङुरूङला दुक्‍पा ओङगो सिनका परमेश्‍वर बातलाङ दोक सिन टिबा ओत। चुक सासीन “ए परमेश्‍वर, खुई मि ईन्‍देकी ङ्योकोनला सधैँ ज्‍येनगी दुक्‍पा बिन्‍ला सेता छोल्‍गीदुक। थेबेकीनी ङ्योकोनला सेताला टीकीन खेराते लुकला च्‍योकराङ खिदुक,” सिन साबा ओत।

२ कोरिन्‍थी 1:5

ख्रीष्‍टकी आउदी दुक्‍पा भोगे खाबा ओतान। थेकी च्‍योकराङ खाला ङ्योकोनोङ दुक्‍पा भोगे खिन ओत। दुक्‍पा भोगे खित्‍च्‍येतेकामा मेन, ख्रीष्‍टकी छ्य्‌वापेकी परमेश्‍वरगी ङ्योकोनला झन झन आँट तेरगीदुक।

२ कोरिन्‍थी 1:9

ङ्योकोनलानी था सोन्‍च्‍येते सिराते दोस्‍यिकराङ दुका सिराच्‍योक लाकीन सिन्‍दा ओतान। सुङगीङ दाक्‍पोनगीराङ दाक्‍पोन लाईदु छ्याःङ खिता मुथुबो, खालि स्‍याप्‍ते मिओनला सोम्‍बो लोक्‍कान्‍ते परमेश्‍वरगीकामा जस्‍तोङ खिता थुप्‍क्‍यो सिन ङ्योकोनगी छ्या स्‍येस्‍यीत सिनराङ थोक दुक्‍पा ओङाते दुका।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 4:11

ङीमाई स्‍यिला डोच्‍येते दि जुनीला दोक दुक्‍पा ओङसीनोङ येशू मि ईन्‍देकी दोक खाला नाम स्‍यिइताना सिराच्‍योक खाला देत्‍जीनोङ ङ्योकोन थोरूमसाक सोन्‍गीन देता ओता थोङला येशू सोम्‍बो लोगीन ङेताते जुनी ङ्योकोनगीङ ङेता ओताक्‍वा सिन मिओनगी छ्या स्‍येक्‍यो।

गलाती 6:17

थोरूमोङ बातज्‍यीक च्‍यि सासीन थानामेकी सुङगीङ ङाला दुक्‍पा बिन्‍ला ङे काम ङ्ये ज्‍युता मोछोल्‍स्‍यीत। येशूकी खि साबाते काम खित्‍जीन मिओनगी दुबेकी खित्‍सादुराङ ङे जीउ खाङ मे डाम थोताते ईन सिन ख्‍योकोनगी छ्या स्‍येबा खि।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

२ तिमोथी 2:11

दोक सिन सिरच्‍येते बात साँच्‍चीराङ ईन्‍दाते बात ईन। च्‍यि सासीन ङुरूङ येशू ख्रीष्‍टताङ स्‍याप्‍ते ईन्‍सुङ सासीन ङुरूङगीङ थेकी ङेताते च्‍योक्‍ते जुनी ङेत्‍ला थेत्ताङराङ देता ङेत्‍क्‍यो।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।

छ्या स्‍ये च्‍युताते बात 1:17

थेला थोङासात्तु ङा स्‍याप च्‍योकराङ गाल्‍गीन थे काम्‍बे खानापा रिल्‍दुक। थेमे थेकी ङे लाक थे खोरोङ सामे लाक्‍पा ज्‍य्‌वाकीन “ज्‍यीबा माकेत, ङा गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते ईन।