२ कोरिन्‍थी 4:1 - जिरेल

¹ परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

२ कोरिन्‍थी 4:1 Iomraidhean Croise

लूका 18:1

थेमे चेलातेबेकी सेम मेसेता खाला परमेश्‍वरला प्रार्थना खिनराङ देत्‍स्‍यीत सिन येशूकी दोक सिन थेबाला कथा लाःपाला स्‍यूसुङ।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

१ कोरिन्‍थी 7:25

थेमे ख्‍योकोनगी कर्नेते मिओनगीचेन चुक खिता लेमु ईन्‍ताका सिन ङाला ठिबा ओताक्‍वा। थोक्‍ते मिओनगी च्‍यि खित्‍च्‍ये, चुक खिता फाप्‍कीते सिरच्‍येते बातनी प्रभु येशूकी ङाला कोता मेत। ईन्‍सीनोङ कर्नेते मिओनगी चुक खिता लेमु ईन्‍दे सिन सल्‍लाह तेरामीन। प्रभु येशूकी ङाला दया खाबा ओतेकी ख्‍योकोनगी ङे सल्‍लाह ठीक ईन सिरा थुप्‍क्‍यो।

२ कोरिन्‍थी 3:12

बात दोक दोक ईन्‍देकी ङ्योकोन ङेराङगी लोप्‍च्‍येते बात छ्याःङ ज्‍यीबा मिक्‍किता खाला खिओ।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

२ कोरिन्‍थी 4:16

बात दोक दोक ईन्‍देकी ङ्योकोन नोमुङ सेम मेसेदो। ङेराङ स्‍येत घटे खिन खोले खोले छ्याःङ खिता मुथुप्‍च्‍या डुइन ओत्‍सीनोङ परमेश्‍वरगी बिन्‍दाते नोमुङ मिसिन्‍च्‍येते जुनीचेन दोक डुइन मोन्‍डोओ सिन ङीमे ठाङमा झन झन लेमु खाला छ्या स्‍येकीदुक।

२ कोरिन्‍थी 5:18

दि गाङे परमेश्‍वरगी खित्‍सादु ओङाते ईन। ख्रीष्‍टकी खाबाते कामगी खित्‍सादु थेकी ङुरूङला थे खोरोङताङ डिक्‍पा खाबा ओत। दोक खाला मिओनला थे खोरोङताङ डिक ज्‍युत्‍क्‍यो सिरच्‍येते बात ज्‍येनलाङ लोप सिन थेकी ङ्योकोनला जिम्‍मा बिन्‍सुङ।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

एफिसी 3:13

दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

फिलिप्‍पी 4:13

जस्‍तो ओङसीनोङ येशू ख्रीष्‍टकी ङाला शक्ति तेरच्‍येते ईन्‍देकी ङे जेङ खिता थुप्‍क्‍यो।

२ थिस्‍सलोनिकी 3:13

थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।

१ तिमोथी 1:13

ईन्‍दानी थोङला ङे थेला आउदी खाईन विरोध खाबाप। थेला विश्‍वास खित्‍कान्‍ते मिओनला ङे खेदा खाईन खाईन दुक्‍पा बिन्‍दाप। थे मिओन दोक्‍पोईलाङ बाँकी ज्‍य्‌वाबा मेङगो सिन ङे थेबाला खितासम्‍म मेलेबा खाबाप। ङे थोक मेलेबा खाबा ईन्‍सीनोङ प्रभु येशू ख्रीष्‍टकी ङाला दया खाईन लेमु खासुङ। च्‍यिला सासीन थेजीन ङे थेला विश्‍वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।

हिब्रू 12:3

पापीओनगी थेला चुक खाईन खितासम्‍म विरोध खाईन दुक्‍पा बिन्‍दा ओताने सिरच्‍येते बात ठेम्‍बा खि। थे बात सम्‍झे खासीन दुक्‍पा भोगे खिता फाप्‍जीन ख्‍योकोन सेम मेसेता खाला देता थुप्‍क्‍यो, दि भन्‍दा ल्‍हाक्‍पा दुक्‍पाचेन ङे खपे खिता मुथुबो सिराच्‍योक खाला हरेस सा माफाबो।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।

छ्या स्‍ये च्‍युताते बात 2:3

ङे मि ईन्‍देकी खित्‍सादु पीरताङ दुक्‍पा आइ परे खित्‍जीनोङ सेम मेसेता खाईन ख्‍योकोनगी ङाला विश्‍वास खिनराङ देत्‍सुङ।