२ कोरिन्‍थी 3:9 - जिरेल

⁹ परमेश्‍वर दोन्‍दु मि दोषी ईन सिन छ्या स्‍येच्‍येते नियम तेरजीननी परमेश्‍वरते चुक छ्येज्‍यीक शक्ति ओता ईन्‍दाका सिन थोङा ओतान सासीन थेकी मिओनला दोषी मेन सिन सानामेई थेत्ताङ चुक छ्येज्‍यीक शक्ति ओता ईन्‍दाका सिन झन लेमु खाला छ्या स्‍येक्‍यो।

२ कोरिन्‍थी 3:9 Iomraidhean Croise

रोमी 4:11

थे चिनुनी अब्राहामगी तिरीकामा जोबा ओतान। थेकी परमेश्‍वरला विश्‍वास खाबेकी परमेश्‍वरगी थेला दोषी मेन साबाते बात साँचो ईन सिराला थे खतकी चिनुचेन छाप ग्‍यापा च्‍योकराङ ओङसुङ। बात दोक ईन्‍देकी अब्राहामचेन खतकी चिनु माजोबाते तर खोपरोङगी खाबाते पाप परमेश्‍वरगी माफ खिओ सिन थेला विश्‍वास खित्‍कान्‍ते ज्‍येन ज्‍येन जातकी मितेङ ज्‍युज्‍यु ओङसुङ। थोगी थे खोरोङला विश्‍वास खित्‍कान्‍ते ज्‍येन ज्‍येन जातकी मिलाङ परमेश्‍वरगी अब्राहामला च्‍योकराङ खाला दोषी मेन सिओ।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 15:41

च्‍यि सासीन दागार भन्‍दा ङीमा खुदुकराङ खाला टल्‍के खिओ। थोकराङ खाला दागारोङ कार्मा भन्‍दा खुदुकज्‍यीकराङ खाला टल्‍के खिओ। थेमे कार्माओनोङ कोई टिक्‍पी टिक्‍पी कोई आउदी खाला टल्‍के खिओ।

२ कोरिन्‍थी 3:8

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा बिन्‍नामेईनी थेत्ताङ झन चुक छ्येज्‍यीक शक्ति ओता ईन्‍दाका सिन लेमु खाला छ्या स्‍येबा थुप्‍क्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।