२ कोरिन्‍थी 3:4 - जिरेल

⁴ ख्रीष्‍टकी छ्य्‌वापेई ङेराङला काम खिताला खटे खित्‍कान्‍ते परमेश्‍वरराङ ईन सिन लेमु खाला छ्या ओतेकीराङ ङे ख्‍योकोनला ख्रीष्‍टकी टिबाते चिट्ठी ईन सिन साबाते ईन।

२ कोरिन्‍थी 3:4 Iomraidhean Croise

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

एफिसी 3:12

ङुरूङ प्रभु येशू ख्रीष्‍टकी खाबाते कामगी खित्‍सादु थेमे थेला विश्‍वास खाबेकी खित्‍सादु था ङुरूङ छ्याःङ ज्‍यीबा मिक्‍किता खाला ढुक्‍क ओङला परमेश्‍वर दोन्‍दु ड्वा थुप्‍क्‍यो।

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

१ थिस्‍सलोनिकी 1:8

ख्‍योकोनगी खित्‍सादु प्रभु येशू बात थेबे नाङकामा फैले खाबाते मेन, ख्‍योकोन परमेश्‍वर छ्य्‌वापा लै खाईन थेला विश्‍वास खिताला स्‍यूबाते बात मिओनगी गाङेपा छ्या स्‍येला दुक। ख्‍योकोनगी परमेश्‍वरला विश्‍वास खाबाते बात ङ्योकोनगी सुङलाङ सिरा फाप्‍च्‍या मिन्‍दुक।