२ कोरिन्‍थी 3:10 - जिरेल

¹⁰ होदि बात विचार खित्‍जीन परमेश्‍वरगी गोमा बिन्‍दाते नियम भन्‍दा मिओनताङ तिरी खिओ सिन साबाते जमान झन छ्ये ईन्‍देकी जमान बातकी दोन्‍दु गोमे नियमचेन छ्याःङ मेन्‍दाच्‍योक ओङसुङ।

२ कोरिन्‍थी 3:10 Iomraidhean Croise

शक्ति काम 26:13

ज्‍येन र्‍वाओनलाङ टीला थेपा डुइन डुइनला ङीम्‍मु बाह्र बजे नाङपा लामला च्‍यि ओङसुङा सासीन सरकार, नामनेकी नाम्‍दाकज्‍यीक फोगीन ङात्ताङ ङे र्‍वाओन फेरोला नाम्‍दाक छ्याङे गाल्‍सुङ। थे नाम्‍दाक ङीमे नाम्‍दाक भन्‍दाङ ल्‍हाक्‍पा ओतान।

२ कोरिन्‍थी 3:11

च्‍यिला सासीन मि दोषी ईन सिन टिक्‍पी दिनगी लाईदुकामा बिन्‍दाते नियम तेरजीननी थेते थोक झिलिमिली नाम्‍दाककी खित्‍सादु परमेश्‍वरताङ छ्येज्‍यीक शक्ति ओताक्‍वा सिन छ्या स्‍येबा ओतान सासीन थेकी मिओन दोषी मेन सिन सिरच्‍येते जमान बात ताला थेत्ताङ चुक छ्येज्‍यीक शक्ति ओता ईन्‍दाका सिन झन लेमु खाला छ्या स्‍येक्‍यो। टिक्‍पी दिनगी लाईदुकामा बिन्‍दाते गोमे नियम च्‍योक मेन्‍देकी दि जमान बातचेन सधैँभरि लै खित्‍च्‍येते नियम च्‍योकराङ ईन।

२ कोरिन्‍थी 3:9

परमेश्‍वर दोन्‍दु मि दोषी ईन सिन छ्या स्‍येच्‍येते नियम तेरजीननी परमेश्‍वरते चुक छ्येज्‍यीक शक्ति ओता ईन्‍दाका सिन थोङा ओतान सासीन थेकी मिओनला दोषी मेन सिन सानामेई थेत्ताङ चुक छ्येज्‍यीक शक्ति ओता ईन्‍दाका सिन झन लेमु खाला छ्या स्‍येक्‍यो।

२ पत्रुस 1:17

चुक सासीन बाजिई ङ्योकोन प्रभु येशूताङ बोमज्‍यीक्‍तु ङ्योम्‍बुराङ ओते बेलाला आबा परमेश्‍वरगी थेला आउदी छ्येज्‍यीक मान बिन्‍देकी खित्‍सादु ङ्योकोनगी थेला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थेमे थेजीनराङ परमेश्‍वरगी स्‍वर्गनेकी “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्‍वरगी थेला थोक छ्ये जोइन साबाते दि बात ङ्योकोनगी ङेराङ नामज्‍योककीराङ थोबाते ईन।

छ्या स्‍ये च्‍युताते बात 22:5

थेरू था नुप सिराते नोमुङ मेङगो। नाम्‍दाक ओङे लाईदु थेरू बत्तीङ पोरा माफाबो, ङीमे नाम्‍दाकोङ मोगोओ। प्रभु परमेश्‍वरराङ थेबाताङ देतेकी थेराङ थेबे नाम्‍दाक ईन। था थेबेकी सधैँभरि राज्‍य खिनराङ देत्‍क्‍यो।