२ कोरिन्‍थी 3:1 - जिरेल

¹ थेमे च्‍यि ख्‍योकोनला ङेराङ आउदी लेमु मि ईन सिरालाका लोक्‍ला ङ्योकोनगी ङ्योकोन ज्‍येनगी च्‍योक मिक्‍किओ साबाते ईन्‍दासीन सिराच्‍योक लाङगीदुक? ज्‍येनला च्‍योकराङ ङ्योकोनलानी ख्‍योकोनला तेन्‍दाला दि मि दोक्‍ते ईन सिन टिकीन बिन्‍दाते चिट्ठी मोगोओ। ङ्योकोन चुक्‍ते मि ईन्‍दे सिन ज्‍येनला तेन्‍दाला ख्‍योकोनगी टिबाते चिट्ठीङ मोगोओ।

२ कोरिन्‍थी 3:1 Iomraidhean Croise

शक्ति काम 18:27

तिरी अपोल्‍लोसकी अखैये लुङबापा डोच्‍येते बात खित्‍जीन एफिससदु ओताते आज्‍यो न्‍वाओनगीङ थेला थेपा गाल्‍सीन लेमु ईन सिन साकीन च्‍याकीन अखैयादु ओताते येशू चेलाओनला थेला थेपा वानामेकी लेमु खि सिन चिट्ठीज्‍यीक टिकीन बिन्‍गीन ताङसुङ। थेपा लेप्‍नामेकी थेकी परमेश्‍वर दयेकी खित्‍सादु थेरू येशूला विश्‍वास खिताला स्‍यूबाते थेबा गाङेला आउदी मद्धत खासुङ।

रोमी 16:1

था ङा ख्‍योकोनताङ ङुरूङ नुमु फोबी बात खितामीन। फोबीचेन किंक्रियादु जम्‍मा ओङकान्‍ते येशू ख्रीष्‍ट मिओन नाङ काम खित्‍कान्‍ते लेमु मि ईन।

१ कोरिन्‍थी 10:33

ङाचेन ङाराङ विचारकामा मिक्‍किता खाला मि गाङेराङ येशूला विश्‍वास खाला पापकी सजायदुकी थारस्‍यीत सिन थेबा गाङेला लेमु ओङच्‍येते कामकामा खिओ।

१ कोरिन्‍थी 16:3

ङाचेन थेपा वाला थे पैसा केल ड्वाप्‍ला खेराङगी छाने खाबाते मिओनला थेबा सु ईन्‍दे सिन खालि चिट्ठीज्‍यीककामा टिला कुरला यरूशलेमपा तोङगो।

१ कोरिन्‍थी 3:10

परमेश्‍वरगी ङाला दया खाईन थे खोरोङ काम खि साबा ओतेकी ङे खाम्‍बा ज्‍वाप्‍ला आउदी सिपालु ओताते मिकी च्‍योकराङ खाईन जग तिङाप। ज्‍येनगीचेन दि जगी लाक खाम्‍बा जोइन ओत। तर खाम्‍बा जोकान्‍ते मिकी थे खोरोङगी चुक खाला जोइन ओते सिन लेमु खाला छ्या स्‍येबा फाप्‍क्‍यो।

१ कोरिन्‍थी 4:15

ख्‍योकोनला दोक खि, थोक माकेत सिन ख्रीष्‍टकी बात लोप्‍कान्‍ते हजार च्‍युताम्‍बा मि ओत्‍सीनोङ थेबा ख्‍योकोन आबा मेन। ङे ख्‍योकोनला गा लाङच्‍येते बात लाप्‍कीन बिन्‍गीन ख्‍योकोन येशू ख्रीष्‍टताङ जीउज्‍यीकराङ ओङाते ईन्‍देकी ङाराङ ख्‍योकोन आबा ईन।

२ कोरिन्‍थी 10:12

थेमे ङ्योकोननी ङ्योकोन दोक्‍ते ईन, ङ्योकोनगी दोक खाबाप थोक खाबाप सिन सिरकान्‍ते मिओन छेत मेन। थोक छ्ये मिओनताङ ङ्योकोन चुक खाला दाँजे खिता थुप्‍कीतेरो। थेबेकीनी ङा दोक खिओ, थोक खिओ सिन साला खोपरोङगी खिओ साबा छेत खाला ङे फलानेकी भन्‍दा लेमु खाबाप सिन दाक्‍पोनला ज्‍येनताङ दाँजे खाला लेम्‍बे काम खिदुक।

२ कोरिन्‍थी 10:18

बातचेन दिराङ ईन, मिकी ङा दोक्‍ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्‍वरगी दि मि लेमु मि ईन सिन सासीन थे बात खुदुकराङ ईन।

२ कोरिन्‍थी 10:8

प्रभु येशूकी ङाराङला चुक छ्येज्‍यीक अधिकार बिन्‍दा ओते सिन ङे ङाराङ बात खासीन ङाला छ्याःङ ङोचा मेत। थेकी ङाला ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेरच्‍येते अधिकार बिन्‍दा ओत।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 12:19

ङिङज्‍येते आज्‍यो न्‍वावे, ङे थाल्‍लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्‍टताङ जीउज्‍यीकराङ ओङाते मि ईन्‍देकी ङ्योकोननी परमेश्‍वर दोन्‍दुराङ बात खाबाच्‍योक खाला बात खिओ। ख्‍योकोन झन लेमु खाला येशू ख्रीष्‍टकी खि साबा साबा खित्‍कान ओङस्‍यीत सिन दि गाङे बात खाबाते ईन।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 5:12

ङे दोक साबाते ङेराङ आउदी लेमु मि ईन सिराला मेन्‍देकी ङ्योकोन मेलेबा मि ईन सिरकानला ङ्योकोन थोक्‍ते मि मेन सिन ख्‍योकोनगी छ्याःङ ज्‍यीबा मिक्‍किता खाला सिरा थुप्‍स्‍यीत सिनकामा ईन। ङ्योकोनला थोक सिरकान्‍ते मिओन ज्‍येनगी ताजीन आउदी लेमु मि दुका सिराच्‍योक थोङसीनोङ थेबे सेम लेमु मेत।