२ कोरिन्‍थी 2:9 - जिरेल

⁹ ङे साबाते गाङे पक्‍काराङ ङेन्‍च्‍या ईन्‍दाकाना मेन्‍दाका सिन ख्‍योकोन सेम तापलाङ ङे थे चिट्ठी टिबा ओतान।

२ कोरिन्‍थी 2:9 Iomraidhean Croise

२ कोरिन्‍थी 10:6

दोक खाईन ख्‍योकोन गाङेकी ङ्योकोनगी लाःपा कोताते लेमु खाईन ङेन्‍नामेईचेन ङ्योकोन बात मेङेन्‍कान्‍तेबाला चुक खिता फाप्‍कीते सिन ङ्योकोनला लेमु खाला छ्या ओत।

२ कोरिन्‍थी 2:3

ङाला गा लाङच्‍येते बात ख्‍योकोनलाङ गा लाङच्‍येतेराङ ईन सिन ङाला लेमु खाला छ्या ओतेकी ङाराङ मेङा खाईन ङे थे चिट्ठीकामा टिबाप। ख्‍योकोनचेन ङाला मन परे खित्‍च्‍येते काम खित्‍कान्‍ते मि ईन। दि पालो ङा थेपा वाबा ईन्‍सीन ङाला आउदी दुक्‍पा लाङच्‍या ओतान।

२ कोरिन्‍थी 2:4

ख्‍योकोन पीरताङ तापकी खित्‍सादु ङाला सेमला आउदी दुक्‍पा लाबा ओतान। ङे ङुइनकामा थे चिट्ठी टिबाते ईन। ङाला चुक दुक्‍पा ओताने सिन ख्‍योकोन सेमला दुक्‍पा लोङाप सिन ङे थे चिट्ठी टिबाते मेन, बरू ङे ख्‍योकोनला थोई ङिङज्‍ये खित्‍च्‍या ईन्‍दाका सिन छ्या स्‍येस्‍यीत सिनराङ थोक खाबाते ईन।

२ कोरिन्‍थी 2:8

थोगी ख्‍योकोनगी थेला पक्‍काराङ ङिङज्‍ये खित्‍च्‍याक्‍वा सिन छ्या स्‍येस्‍यीत सिन ओर्च्‍ये ख्‍योकोनगी थेला ङिङज्‍ये खि।

२ कोरिन्‍थी 8:2

खोपरोङगी आउदी खाईन दुक्‍पा ङेता ओत्‍सीनोङ थेमे ज्‍येनगी तेरासम्‍म दुक्‍पा बिन्‍सीनोङ थेबा आउदी गा खिन देत्‍सुङ। दोक खाला गा खिन देत्‍कीन थेबेकी खोपरोङताङ छ्याःङ मेत्‍सीनोङ दुक्‍पा ङेताते ज्‍येनला मद्धत खिताला खोपरोङगी तेरा थुपासम्‍म बिन्‍सुङ।

२ कोरिन्‍थी 8:24

थोगी ख्‍योकोनगी दिबाला लेमु खि। थोक खासीन ख्‍योकोनगी ज्‍येनला ङिङज्‍ये खित्‍च्‍याक्‍वा थेमे ङ्योकोनगी साबा च्‍योकराङ ख्‍योकोन लेमु काम खित्‍कान्‍ते मि दुका सिन दिबेकी छ्या स्‍येक्‍यो। दोक ओङनामेई दिबेकीकामा मेन, ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी दि बाततेबा छ्या स्‍येक्‍यो।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

२ थिस्‍सलोनिकी 3:14

ख्‍योकोन नाङ सुइँदेकी ङ्योकोनगी दि चिट्ठीला खि सिन टिबाते बात माङेन्‍सुङ सासीन थोक्‍ते मि सु सु ईन्‍दे सिन ख्‍योकोन गाङेकी लेमु खाला ङो स्‍येबा खाला थेला ङोचा लाङस्‍यीत सिन थोक्‍ते मित्ताङ साङराङ माकेत।

फिलेमोन 1:21

ङे खि साबा छेतकामा मेन, खुई थे भन्‍दाङ लेमु खिओ सिन ङाला छ्या ओतेकी ङे दोक खाईन दि चिट्ठी टिबाते ईन।