२ कोरिन्‍थी 2:7 - जिरेल

⁷ बरू थाचेन ख्‍योकोनगी थेला माफ बिन्‍ला लेमु खि। थोक खानामेई दिबेकी ङाला थोरूमोङ ङिङज्‍ये खित्‍च्‍याक्‍वा सिन थेकी आँट ङेत्‍क्‍यो। ख्‍योकोनगी थोक माक्‍यासीन था ङाला लेमु खित्‍कान्‍ते सुङ मेताक्‍वा सिन पीर खाला थेकी झन सेम सेत्‍क्‍यो।

२ कोरिन्‍थी 2:7 Iomraidhean Croise

१ कोरिन्‍थी 15:54

होदोक खुदुक ओङगीन सिन्‍नामेईचेन परमेश्‍वर बातला “था कालगी सुङलाङ छ्याःङ खिता मुथुप्‍च्‍या खाईन परमेश्‍वरगी कालला पूरो खाईन ग्‍याला ओत,” सिन टिबा ओताते बात साबा च्‍योकराङ ओङगो।

२ कोरिन्‍थी 2:8

थोगी ख्‍योकोनगी थेला पक्‍काराङ ङिङज्‍ये खित्‍च्‍याक्‍वा सिन छ्या स्‍येस्‍यीत सिन ओर्च्‍ये ख्‍योकोनगी थेला ङिङज्‍ये खि।

२ कोरिन्‍थी 5:4

थरिङोले दि जीउकी साटोला थे जीउ नामराङ ङेदोङा सिराच्‍योक खाईन रकस्‍यिकोङ सेम ढुक्‍क मिक्‍किता खाईन ङुरूङ गुकीन देता ओत। दोक खाबाते था नाम स्‍यिरोङा सिन साबाते मेन, बरू नोमुङ स्‍यिला रूल्‍ला मोन्‍डोच्‍येते जीउ होत्ता ङेत्‍सीन ओङच्‍या ओतान सिन ईन। स्‍यिला रूल्‍ला डोच्‍येते दि जीउकी साटोला होथे जीउ ङेत्‍ला नोमुङ मिसिन्‍च्‍येते जुनी ङेत्‍स्‍यीत सिन ईन।

२ कोरिन्‍थी 7:10

परमेश्‍वरगी मि सेमला फोक्‍च्‍येते काम खित्‍जीन मिकी दाक्‍पोनगी मेलेबा काम खाबाते दुका सिन छ्या स्‍येला लोक्‍ला लेमु काम खिताला स्‍यूइओ। थेमे थोक्‍ते मिकी पापकी सजाय भोगे खिता माफाबो, परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिराच्‍योक खिताङ माफाबो। तर परमेश्‍वरगी थोक खित्‍जीन लोक्‍ला लेमु काम खिता साटोला परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिरा च्‍योककामा खिन देत्‍कान्‍ते मिचेन पापकी सजाय ङेत्‍ला नरककुण्‍डमा स्‍यूइओ।

एफिसी 4:32

बरू दोक्‍पोईकी ज्‍येनज्‍यीकला ङिङज्‍ये खाला दुक्‍पाला तो। थेमे ख्रीष्‍टकी खाबाते कामगी खित्‍सादु परमेश्‍वरगी खेराङ पाप माफ बिन्‍दा च्‍योकराङ खाला ख्‍योकोनगीङ दाक्‍पोनला मेलेबा खित्‍कानला माफ बिन।

फिलिप्‍पी 2:27

ईन्‍दाचेन दि खोक्‍पो खाईन नाबा ओतान। ङालानी दि सोन्‍गीतासीन सिराच्‍योक लाबा मेतान। ईन्‍सीनोङ परमेश्‍वर दयेकी दि मास्‍यिसुङ। ङाला पीरगी लाक्‍तु पीर माफाप्‍स्‍यीत सिन दया खाईन परमेश्‍वरगी दिला ठाक्‍पा खाईन बिन्‍सुङ।

कलस्‍सी 3:13

सुङताङ होपकी जोप मिक्‍किता खाला बरू सै खाला देत, खेराङ नाङ सुइँदाताङ खइँदा स्‍येदाङ ओत्‍सीन स्‍येदाङ साला माज्‍यो, थोक्‍तेला माफ बिन। प्रभु येशूकी खेराङ पाप माफ बिन्‍दा च्‍योकराङ खाला ख्‍योकोनगीङ खेराङ नाङ माफ बिन।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।