२ कोरिन्‍थी 2:16 - जिरेल

¹⁶ ङ्योकोनगी लोप्‍कीन ओताते बात माङेन्‍ला नरककुण्‍डमा स्‍यूक्‍कान्‍ते मिओन लाईदु दि बात मि स्‍यिच्‍येते थुक च्‍योकराङ ईन सासीन दि बात ङेन्‍ला ख्रीष्‍टकी पापदुकी डेल्‍गीन ओताते मिओन लाईदुचेन नोमुङ मिसिन्‍च्‍येते जुनी ङेत्‍च्‍येते बात ईन। दाक्‍पोनगीराङ दोक छ्येते बातकी जिम्‍मा लाला काम खिता थुप्‍कान्‍ते मि सु ओतेरो?

२ कोरिन्‍थी 2:16 Iomraidhean Croise

लूका 2:34

थेमे थेकी आबातेताङ आमातेलाङ आशी बिन्‍गीन च्‍याकीन थे फिजे आमा मरियमला “परमेश्‍वरगी खटे खाबाते दि फिजाला ङुरूङ इस्राएली नाङ कोईकी दिला परमेश्‍वरगी ताङाते ईनराङ मेन सिन विरोध खिओ। थोक खित्‍कान्‍तेबाला परमेश्‍वरगी सजाय तेरग्‍यो। कोईकीचेन दिला परमेश्‍वरगी ताङाते ईन सिन पत्ते खिओ। थोक खित्‍कानलाचेन परमेश्‍वरगी आशी बिन्‍ला लेमु खिओ।

यूहन्‍ना 9:39

थेमे येशूकी “मोथोङकान्‍ते मिओनगी स्‍वर्गे नाम्‍दाक थोङा थुप्‍स्‍यीत थेमे लेमु खाला थोङगीदुक सिरकान्‍तेबाचेन अन्‍ध ईन सिन छ्या स्‍ये ज्‍युताला ङा दुरू वाबाते ईन,” सिन सिदुक।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।