२ कोरिन्‍थी 2:13 - जिरेल

¹³ ईन्‍सीनोङ ङे न्‍वा तीतसला थेरू माठेतेकी ङाला सेमला बान्‍दा सन्‍तो मालासुङ। थोगी थेरू मिओनला ड्वामीन सिन थेबाताङ ठाल्‍गीन ङा म्‍यासिडोनियापा गालाप।

२ कोरिन्‍थी 2:13 Iomraidhean Croise

मर्कूस 6:46

थोक खाईन गाङेला ताङनामेकी थे खोरोङचेन परमेश्‍वरताङ प्रार्थना खिताला बोमज्‍यीकने गाल्‍सुङ।

शक्ति काम 21:6

थेमे थेरूकी ठाल्‍गीन ङ्योकोनचेन पानीजहाजला जेबाप। थेबाङ खोपरोङ खोपरोङ खाम्‍बाला ग्‍युरगीन गाल्‍सुङ।

रोमी 15:26

बात चुक ओङसुङा सासीन म्‍यासिडोनियाताङ अखैये लुङबादु ओताते परमेश्‍वर सन्‍तानओनगी यरूशलेमदु ओताते दुक्‍पा ङेता ओताते परमेश्‍वर सन्‍तानओनला मद्धत तेरा फाप्‍क्‍यो सिन ठो खाईन थेबे लाईदु पैसा जम्‍मा खाबा ओतान।

२ कोरिन्‍थी 12:18

ङे तीतसला ख्‍योकोन ओत्‍सापा मागालाला मेङगो सिन थेपा ताङाप। होथे ज्‍येनते न्‍वाज्‍यीकलाङ ङे थेत्ताङ ङ्योम्‍बुराङ ताङा ओतान। च्‍यि तीतसकी ख्‍योकोनताङ खइँदा नाङ खाबा ओतान ओना? तीतस ङाराङ च्‍योक्‍तेराङ ईन सिन ङाला लेमु खाला छ्या ओत। ङ्योकोन खुदुक खुदुकते काम मिक्‍किओ।

२ कोरिन्‍थी 7:13

दोक खाईन ख्‍योकोनगी याङराङ लेमु खिताला स्‍यूबा थोङनामेई ङ्योकोनला आउदी गा लाबा ओत। दि बातलाकामा मेन, तीतसला थेपा ओङजीन ख्‍योकोनगी आउदी लेमु खासुङ थेमे थेला आँट बिन्‍सुङ सिन थे आउदी खाईन गा खाला दुक। ख्‍योकोनगी थेला थोक लेमु खाबेकी खित्‍सादु ङ्योकोनला झन आउदी गा लासुङ।

२ कोरिन्‍थी 7:14

तीतस थेपा ओङा भन्‍दा गोमा ङे थेला ख्‍योकोन लेमु मि ईन, ख्‍योकोनगी थेला आउदी लेमु खिओ सिन साबा ओतान। थे थेपा ओङजीन ख्‍योकोनगी थेला आउदी लेमु खाबेकी ख्‍योकोन लेमु मिराङ दुका सिन थेकी छ्या स्‍येसुङ। थोगी ङे थे दोन्‍दु छ्याःङ ङोचा खिता माफाप्‍सुङ। ख्‍योकोनताङ ङ्योकोनगी मेन्‍दाते सिराते बातज्‍यीगोङ माक्‍या। थोकराङ खाईन ङे तीतसला ख्‍योकोन चुक्‍ते मि ईन्‍दे सिन साबाते बादोङ ढाँर खाबाते मेन्‍दाक्‍वा सिन थेकी छ्या स्‍येसुङ।

२ कोरिन्‍थी 8:16

परमेश्‍वरगी ङाला च्‍योकराङ खाईन तीतसलाङ चुक खाला ख्‍योकोनला लेमु खिता थुबोङा सिरच्‍येते सेम बिन्‍दा ओतेकी ङ्योकोन दि लाईदु परमेश्‍वरला धन्‍यवाद तेरग्‍यो।

२ कोरिन्‍थी 8:23

तीतसचेन ङात्ताङ ङ्योम्‍बुराङ डिक्‍ला ख्‍योकोन नाङ काम खित्‍कान्‍ते मि ईन सिन ख्‍योकोनला छ्याराङ ओत। दि ज्‍येनते न्‍वा ङिबोलाचेन देङपा ठाउँ ठाउँला जम्‍मा ओङकान्‍ते येशू ख्रीष्‍ट मिओनगी खोपरोङ नाङदुई छाने खाईन ताङाते ईन। दिबा ख्रीष्‍टला मान खिताला काम खित्‍कान्‍ते मि ईन।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

गलाती 2:1

थेमे लो च्‍युप्‍स्‍यी तिरीकामा ङा लोक्‍ला यरूशलेमने गालाप। थेजीन ङात्ताङ बारनाबासोङ ओतान। थे बेलाला तीतसलाङ ङे ङ्योम्‍बु खेरा ओतान।

गलाती 2:3

दि गाङे बात सानामेकीङ ङे ङ्योम्‍बुराङ खेराते तीतस ग्रीक ईन्‍सीनोङ परमेश्‍वरगी यहूदीओनला बिन्‍दाते नियमला साबाच्‍योक खाला तीतसकीङ जीउला खतकी चिनु ज्‍वा फाप्‍क्‍यो सिन थेबा सुङगीङ मासासुङ।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।