२ कोरिन्‍थी 2:11 - जिरेल

¹¹ शैतानगी ङुरूङ नाङ खिता चालाते काम छ्याःङ खिता मेङेत्‍स्‍यीत सिनराङ ङुरूङगी दोक खाला माफ तेरा फाप्‍क्‍यो। थेकी चुक च्‍याङबो खाला काम खिते सिन ङुरूङला छ्याराङ ओत।

२ कोरिन्‍थी 2:11 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

लूका 22:31

थेमे येशूकी शिमोन पत्रुसला “शिमोन, खो च्‍याङबो खाला देत। ङे छ्य्‌वापेई डेलाला शैतानगी ख्‍योकोन गाङेला ल्‍वा छोल्‍ग्‍यो। थेकी दोक खित्‍च्‍येतेनी टाप्‍ला ठाताङ फुङमा डेल्‍च्‍येते च्‍योक ईन। ख्‍योकोनगी ङाला खित्‍च्‍येते विश्‍वास खजो पक्‍का दुका सिन ताप्‍ला परमेश्‍वरगी शैतानला थोक खासीन ओङगो सिन सिदुक।

यूहन्‍ना 13:2

थे छोमु ग्‍वासे येशू थे खोरोङ चेलातेबाताङ साप साप्‍ला स्‍यूबा ओतान। थेमे शैतानगीचेन येशूला चुक खाला धोका तेरा फाप्‍कीते सिन शिमोन फुज्‍युङ यहूदा इस्‍करियोत सेमगी नाङ लाप्‍कीन बिन्‍गीन सिन्‍दा ओतान।

१ कोरिन्‍थी 7:5

ख्‍यावा फेम्‍मे ओङगीन सिन्‍नामेई दोक्‍पोईकी ज्‍येनज्‍यीक खाँचो टारे खिता फाप्‍च्‍येते ईन्‍देकी ख्‍योकोन ठाल्‍ला माङ्याल। परमेश्‍वरताङ प्रार्थना खिताला कहिलेकहीँ ङिकारगी सल्‍लाह खाला ङ्योम्‍बुराङ ङ्याल्‍च्‍येते बातकीते ङुरूङ छ्याःङ विचार मिक्‍किकी सिन सासीनोङ ज्‍येन बेलाला ठाल्‍ला माङ्याल। ठाल्‍गीन ङ्याल्‍सीन ख्‍योकोनगी दाक्‍पोन सेम थामे खिता मुथुबो। थेमे शैतानगी ख्‍योकोनला पाप खित ज्‍युत्‍क्‍यो।

२ कोरिन्‍थी 11:14

ईन्‍दाका दि छ्याःङ अचम्‍बते बात मेन। शैतानोङ नाम्‍दाककी झिलिमिली गालाते परमेश्‍वर दूत च्‍योकराङ ओङा थुप्‍क्‍यो।

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 2:24

थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।