२ कोरिन्‍थी 2:1 - जिरेल

¹ थोगी याङराङ ख्‍योकोन सेमला फोक्‍च्‍या खाला थापा ङारा माफाप्‍स्‍यीत सिनकामा ङे ख्‍योकोन ओत्‍सापा मोन्‍डोच्‍ये टुङ्गो खाबाप।

२ कोरिन्‍थी 2:1 Iomraidhean Croise

शक्ति काम 11:29

अगाबसकी साबाते बात थोनामेकी थेरू ओताते चेलातेबा गाङेकी यहूदिये अञ्‍चलदु ओताते येशूला विश्‍वास खित्‍कान्‍ते ज्‍येन आज्‍यो न्‍वाओन लाईदु पैसा दुला तोङगी सिन ठो खासुङ। थेमे थेबाबरीकी खोपरोङगी जति जति तेरा थुप्‍कीदुक उति उतिराङ पैसा जम्‍मा खासुङ।

शक्ति काम 15:2

थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

शक्ति काम 15:37

बारनाबासकीङ थे बात ङेन्‍सुङ। थेमे मर्कूस सिराते यूहन्‍नालाङ खोपरोङताङ खेरच्‍ये बात खासुङ।

१ कोरिन्‍थी 2:2

बरू ङेनी येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातकामा लोप्‍च्‍ये टुङ्गो खाईन थे बातकामा ख्‍योकोनला लापाप।

१ कोरिन्‍थी 4:21

लो था ख्‍योकोन च्‍यि सिते? ङाला थेपा फेर्का खुरला स्‍योक सिताना ङिङज्‍ये खाला लेमु खिताला स्‍योगे?

१ कोरिन्‍थी 5:3

ङा थारीला ओता ईन्‍सीनोङ ख्‍योकोनताङ ङ्योम्‍बु ओता च्‍योकराङ खाईन था च्‍यि खित्‍च्‍ये, चुक खित्‍च्‍ये सिन ङीन नुप ङा थे बात विचार खिनराङ ओतान। था थे मिला च्‍यि खिता फाप्‍कीते सिन ङे टुङ्गो खाईन सिन्‍दा ओत।

२ कोरिन्‍थी 1:23

दि बात ङा परमेश्‍वर साक्षी ज्‍याक्‍ला खिन ओत। ङा नोमुङ मेन्‍दे बात मिक्‍किओ। ङा कोरिन्‍थपा माबातेचेन याङराङ ङे ख्‍योकोनला थापा ङारा माफाप्‍स्‍यीत सिनकामा ईन।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

२ कोरिन्‍थी 2:4

ख्‍योकोन पीरताङ तापकी खित्‍सादु ङाला सेमला आउदी दुक्‍पा लाबा ओतान। ङे ङुइनकामा थे चिट्ठी टिबाते ईन। ङाला चुक दुक्‍पा ओताने सिन ख्‍योकोन सेमला दुक्‍पा लोङाप सिन ङे थे चिट्ठी टिबाते मेन, बरू ङे ख्‍योकोनला थोई ङिङज्‍ये खित्‍च्‍या ईन्‍दाका सिन छ्या स्‍येस्‍यीत सिनराङ थोक खाबाते ईन।

तीतस 3:12

थेमे ज्‍येन बात च्‍यि सासीन था ङा दुरूकी अर्तिमासताङ टाइकिकस नाङ दोक्‍पोईला थेपा तोङगो। थेबे नाङ दोक्‍पोई जो वासीनोङ थेपा ख्‍योल्‍नामेई जस्‍तो खालाङ खोचेन निकोपोलिस सारनापा स्‍योक। च्‍यिला सासीन था गुनगी बेलाला ङे थेपा देत्‍च्‍येते टुङ्गो खाबा ओत।