२ कोरिन्‍थी 13:9 - जिरेल

⁹ थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

२ कोरिन्‍थी 13:9 Iomraidhean Croise

रोमी 15:2

ङुरूङगी थेबाङ दाक्‍पोन च्‍योकराङ ईन सिन सम्‍झे खाला थेबाङ पाको डोरस्‍यीत सिन चुक खासीन थेबाला लेमु ओङगीका थोकराङ खिता फाप्‍क्‍यो।

१ कोरिन्‍थी 1:10

आज्‍यो न्‍वावे, ङुरूङ प्रभु येशू ख्रीष्‍टकीराङ ङाला दोक खित्‍च्‍येते अधिकार बिन्‍दा ओतेकी ङा ख्‍योकोनला च्‍यि सिते सासीन ख्‍योकोनगी खेराङ नाङ फाटो ओङच्‍येते काम माकेत। बरू गाङेकी सेमज्‍यीकराङ खाला डिक्‍ला काम खि।

१ कोरिन्‍थी 2:3

थेजीन ङा चुक खाला थे बातओन लेमु खाला लोपा थुप्‍कीका सिन थेतेकामा सुर्ता खिन ज्‍यीबा खिन देताप।

१ कोरिन्‍थी 4:10

ख्रीष्‍टकी मि ईन्‍देकी ङ्योकोनचेन छ्याःङ मेस्‍येकान्‍ते लेम्‍बाते मि च्‍योक ओङा ओत। तर ख्रीष्‍टकी खित्‍सादु ख्‍योकोननी आउदी च्‍याङबो गाल्‍दुक। थेमे ङ्योकोन छ्याःङ खिता मुथुप्‍कान्‍ते मि ईन। ख्‍योकोनचेन जेङ खिता थुप्‍कान्‍ते ईन। थोकराङ खाला मिओनगी ङ्योकोनला दिबाङ सु ईन्‍देरो सिराच्‍योक खिदुक। ख्‍योकोनलाचेन गाङेकी मान खिओ।

२ कोरिन्‍थी 11:30

ङा दोक्‍ते मि ईन, ङे दोक खिता थुप्‍क्‍यो सिन ङे छ्ये खित्‍च्‍येते बात छ्याःङ मेत। ङाराङ छ्ये खिता फाप्‍सीन ङानी ङाराङ चुक छ्याःङ खिता मुथुप्‍कान्‍ते ईन्‍दे सिरच्‍येते बातकामा खिओ।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 4:12

ङ्योकोनगी ङेराङ नाम स्‍यिइताना सिराच्‍योक खाईन दुक्‍पा भोगे खिन काम खाबेकी खित्‍सादु ख्‍योकोनगी नोमुङ मिसिन्‍च्‍येते जुनी ङेता ओत।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 3:10

ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

२ तिमोथी 3:17

दोक खाला परमेश्‍वरला माने खित्‍कान्‍ते मिकीचेन लेमुते काम सिराते जेङ लेमु खाला खिता थुप्‍क्‍यो।

हिब्रू 12:23

येशू ख्रीष्‍ट मिओन ओङेकी छ्येते फुज्‍युङगी ङेत्‍च्‍येते हक ङेत्‍कान्‍ते मिओनोङ थेरूराङ ओत। स्‍वर्गदु थेबा गाङे मिन टिबा ओत। मि गाङेते न्‍याय खित्‍कान्‍ते परमेश्‍वर थेरूराङ ओत। परमेश्‍वरगी पूरो खाईन पापदुकी टाल्‍गीन थेकी खि साबा च्‍योकराङ खित्‍कान्‍ते स्‍यिइन सिन्‍दाते मिओनोङ थेरूराङ ओत।

हिब्रू 13:21

होदोक खित्‍कान्‍ते परमेश्‍वरगी ख्‍योकोनगी थेकी खिता चालाच्‍योक खिताला ख्‍योकोनला गोच्‍येते स्‍येतताङ बुद्धि तेरस्‍यीत। दोक खाला थेकी ख्‍योकोनला येशू ख्रीष्‍ट छ्य्‌वापेई थे खोरोङला मन परे खित्‍च्‍येते काम खित्‍च्‍येते सेम तेरस्‍यीत। थेते सधैँभरि जय जय ओङस्‍यीत। आमेन।

हिब्रू 6:1

बात दोक ईन्‍देकी था ङुरूङगी ख्रीष्‍ट सु ईन्‍दे, थेकी च्‍यि खासुङा सिन शुरू शुरूला लोपा फाप्‍च्‍येते बातओनकामा लोप्‍कीन मेदेता खाला होदोक्‍ते बात लेमु खाला खोबा थुप्‍कान्‍ते पाकोते मि च्‍योक ओङा फाप्‍क्‍यो। च्‍यि सासीन थाचेन ङुरूङगी नरककुण्‍डमा स्‍यूक्‍च्‍येते काम खिता ताङला परमेश्‍वर छ्य्‌वापा लै खाला थेला विश्‍वास खित्‍च्‍येते,

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।