२ कोरिन्‍थी 13:7 - जिरेल

⁷ ख्‍योकोनगी मेलेबा काम छ्याःङ मिक्‍किस्‍यीत सिन ङ्योकोन परमेश्‍वरला प्रार्थना खिओ। ख्‍योकोनगी लेमु काम खासीन मिओनगी ङेराङला येशू ख्रीष्‍टकी खटे खाबाते मि मेन सासीनोङ ङेल्‍ला छ्याःङ मेत। ङ्योकोन लाईदु छ्येते बात मिकी ङेराङला लेमु मि ईन सिरस्‍यीत सिरच्‍येते मेन, बरू ख्‍योकोनगी लेमु काम खित्‍स्‍यीत सिरच्‍येतेराङ ईन।

२ कोरिन्‍थी 13:7 Iomraidhean Croise

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

यूहन्‍ना 17:15

ङे दिबाबरीला दुरूकी तेन्‍ला खेरा फाप्‍क्‍यो सिन साबाते मेन। बरू मिला मेलेबा खित्‍कान्‍ते शैतान लाःक्‍तुकी दिबाला जोए खाला स्‍योक सिन ङा बिन्‍ती खिओ।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

रोमी 12:17

दोस्‍यिककामा मेन, सुइँदेकी ख्‍योकोनला मेलेबा खासुङ सासीन थेबालाङ थोकराङ खाला किम्‍बा ज्‍येल्‍च्‍येते माकेत। खेराङला ज्‍येनगी छ्याःङ दोष लै खिता मेङेत्‍स्‍यीत सिन खालि लेमुते कामकामा खि।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

रोमी 16:10

अपेल्‍लेसला ङेते नमस्‍ते ओत सि। थेचेन जस्‍तोराङ ओङजीनोङ येशू ख्रीष्‍टला विश्‍वास खिता तोङराङ मोतोङकान्‍ते मि ईन सिन ङुरूङला छ्या ओत। थेमे अरिस्‍तोबुलस खाम्‍बे मिओनलाङ ङेते नमस्‍ते ओत सि।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

२ कोरिन्‍थी 10:10

ख्‍योकोन कोई कोईकी “पावलगी खालि थारीला गाल्‍नामेईकामा स्‍येदाङ खिन दोक खिताङ थोक खि सिन कोत्‍ला चिट्ठी टिइदुक। ङुरूङताङ ङ्योम्‍बु ओत्‍जीनचेन थेकी ङेन्‍गीन देत्‍की सिराच्‍योक खाला बादोङ खिता मुथुबो, थे चुकस्‍यिक ओते सिन ङुरूङला छ्या ओत,” सिन बात खिदुक्‍लो।

२ कोरिन्‍थी 10:18

बातचेन दिराङ ईन, मिकी ङा दोक्‍ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्‍वरगी दि मि लेमु मि ईन सिन सासीन थे बात खुदुकराङ ईन।

२ कोरिन्‍थी 13:6

ङ्योकोन पक्‍काराङ येशू ख्रीष्‍टकी खटे खाबाते मि ईन सिन ख्‍योकोनगी लेमु खाईन छ्या स्‍येबा ओत सिरच्‍येते ङेते आश ओत।

२ कोरिन्‍थी 13:8

ङ्योकोनगी सत्‍यते बातताङ मिडिक्‍च्‍येते छ्याःङ खिता मुथुबो, खालि सत्‍यते बातताङ डिक्‍च्‍येते कामकामा खिता थुप्‍क्‍यो।

२ कोरिन्‍थी 13:9

थेमे ङेराङ छ्याःङ खिता मुथुप्‍कान्‍ते च्‍योक थोङसीनोङ ख्‍योकोन लेमु खित्‍कान ओङसीन ङ्योकोनला गा लाङगो। परमेश्‍वरगी ज्‍वा चाला च्‍योकराङ ख्‍योकोन लेमु मि ओङस्‍यीत सिनोङ ङ्योकोन प्रार्थना खिओ।

२ कोरिन्‍थी 6:4

बरू ङेत परमेश्‍वर काम खित्‍कान ईन्‍देकी थोक्‍ते मिकी खिता फापा च्‍योकराङ खाला काम खिओ। च्‍यि सासीन जति दुक्‍पा ओङसीनोङ ङ्योकोन थोक्‍ते दुक्‍पा खपे खिन देत्‍क्‍यो। ज्‍येनगी दुक्‍पा तेरजीनोङ, आपत् विपत् आइ परे खित्‍जीनोङ थेमे पीर लाङजीनोङ ङ्योकोन सेम मेसेता खाला देत्‍क्‍यो।

२ कोरिन्‍थी 8:21

च्‍यिला सासीन प्रभु येशू ख्रीष्‍ट दोन्‍दुकामा मेन्‍देकी मि दोन्‍दुङ ङेराङ लेमु काम खित्‍कान दुका सिन ज्‍येनगी छ्या स्‍येस्‍यीत सिरच्‍येते ङ्योकोन सेम खिओ।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

१ तिमोथी 2:2

थेमे छ्याःङ गोलमाल मायाङला ङुरूङगी परमेश्‍वरला माने खिन थेमे थेला मन परे खित्‍च्‍येते काम खिन लेमु खाला देता ङेत्‍स्‍यीत सिन झन गेल्‍बोओनताङ लुङबे छ्ये छ्ये मि लाईदुङ प्रार्थना खिता फाप्‍क्‍यो।

२ तिमोथी 2:15

परमेश्‍वरगी खोरोङला लेमु खाला काम खित्‍कान्‍ते मि ईन सिरस्‍यीत सिन खुईचेन लेमु काम खित्‍च्‍ये छ्य्‌वापाकामा स्‍येत खि। थोक ओङला थे दोन्‍दु खोरोङगी छ्याःङ ङोचा खिता माफाप्‍स्‍यीत सिन सत्‍यते बात लोप्‍जीन खुई च्‍यि बात चुक खाला लोपा फाप्‍च्‍येते ईन्‍दे होथोकराङ खाला लोप।

२ तिमोथी 4:18

थेमे थोरूमोङ ङाला मेलेबा खिता छोल्‍कान गाङे लाःक्‍तुकी जोए खाला थेकी ङाला छ्याःङ मेलेबा मेङा खाला स्‍वर्गने थे खोरोङ राज्‍यने खेरग्‍यो। थोक खित्‍कान्‍ते प्रभु येशू ख्रीष्‍टते सधैँभरि जय जय ओङस्‍यीत। आमेन।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।