२ कोरिन्‍थी 13:6 - जिरेल

⁶ ङ्योकोन पक्‍काराङ येशू ख्रीष्‍टकी खटे खाबाते मि ईन सिन ख्‍योकोनगी लेमु खाईन छ्या स्‍येबा ओत सिरच्‍येते ङेते आश ओत।

२ कोरिन्‍थी 13:6 Iomraidhean Croise

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

२ कोरिन्‍थी 13:10

था ङे थेपा वानामेई ङाराङताङ खजो अधिकार ओते सिराच्‍योक मिक्‍किता खाला ख्‍योकोनताङ खा छ्येत लेमुकी बात खिता ङेत्‍स्‍यीत सिन ङे थारीला ओते बेलालाराङ दि बाततेबा टिबाते ईन। च्‍यिला सासीन प्रभु ख्रीष्‍टकी ङाला बिन्‍दाते अधिकार ख्‍योकोनला ङ्ये ज्‍युताला मेन, बरू ख्‍योकोनला लेमु ओङस्‍यीत सिन लाःप्‍ला कोत्‍ला तेराला बिन्‍दाते ईन।

२ कोरिन्‍थी 13:5

था ङा च्‍यि सिते सासीन ख्‍योकोनगी खेराङ येशू ख्रीष्‍टला विश्‍वास खिनराङ ओताना मेते सिन विचार खाला तो। खेराङ सेमगी नाङ येशू ख्रीष्‍ट देता ओत सिन ख्‍योकोनला छ्याराङ ओत, मेनरो? खेराङगी थेला विश्‍वास खिता ताङसीनकामा थे ख्‍योकोन सेमगी नाङ मेदेदो।

२ कोरिन्‍थी 13:7

ख्‍योकोनगी मेलेबा काम छ्याःङ मिक्‍किस्‍यीत सिन ङ्योकोन परमेश्‍वरला प्रार्थना खिओ। ख्‍योकोनगी लेमु काम खासीन मिओनगी ङेराङला येशू ख्रीष्‍टकी खटे खाबाते मि मेन सासीनोङ ङेल्‍ला छ्याःङ मेत। ङ्योकोन लाईदु छ्येते बात मिकी ङेराङला लेमु मि ईन सिरस्‍यीत सिरच्‍येते मेन, बरू ख्‍योकोनगी लेमु काम खित्‍स्‍यीत सिरच्‍येतेराङ ईन।