२ कोरिन्थी 13:5 - जिरेल5 था ङा च्यि सिते सासीन ख्योकोनगी खेराङ येशू ख्रीष्टला विश्वास खिनराङ ओताना मेते सिन विचार खाला तो। खेराङ सेमगी नाङ येशू ख्रीष्ट देता ओत सिन ख्योकोनला छ्याराङ ओत, मेनरो? खेराङगी थेला विश्वास खिता ताङसीनकामा थे ख्योकोन सेमगी नाङ मेदेदो। Faic an caibideil |
२ कोरिन्थी 13:5
50 Iomraidhean Croise
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
थोगी था ख्योकोनगी येशूला विश्वास खाईन ङेन्दाते बात ङेन्दा नोमुङ तोङा मेङगो, थे बातला खि साबा च्योकराङ खिन देता फाप्क्यो थेमे होथे गा लाङच्येते बात थोनामेई तिरी खेराङगी परमेश्वरगी तेरग्यो साबाते जति ङेत्क्यो सिन आश खाईन गुकीन देताते बातला ज्येनगी जे सासीनोङ छ्याःङ शंका मिक्किता खाला देत। होथे बात ख्योकोनलाकामा मेन, सा लुङबा खाङगी मिला लाप्कीन बिन्दा ओत। थेमे ङा पावललाचेन मिओनला होथे बात लोप्च्येते जिम्मा बिन्दा ओत।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
होथोक्ते फेम्मे मिओनला लुला खोपरोङ छ्य्वापा लै खित ज्युत्कान्ते मिओनचेन यान्नेसताङ याम्ब्रेस च्योक्तेबा ईन। थाङबो होथेबा ङिबोकी मोशे बात माङेन्दा च्योकराङ होदिबेकीङ सत्यते बात मेङेनो। थेबा सेम लेमु ओताते मि मेन। थेबेकी खोपरोङ येशूला विश्वास खित्कान्ते मि ईन सासीनोङ परमेश्वरगी थेबा थोक्ते मि मेन सिओ।
खोपरोङ होथोक्ते मि ईन्सीनोङ थेबेकीचेन परमेश्वर सु ईन्दे, चुक्ते ईन्दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्वरला माने खित्कान्ते मि मेन सिन दाक छ्या स्येक्यो। थेबाला थोङजीन परमेश्वरला गा मालाङो, थेबेकी परमेश्वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।
चुक सासीन गान्दातेबाला थेबा च्याङबो खाला देता फाप्क्यो सिन सि। थेबे बानी लेमु ओङा फाप्क्यो थेमे खोपरोङ सेम काबूला ज्य्वाबा फाप्क्यो सिन सि। दोस्यिककामा मेन, थेबेकी खोपरोङगी येशूला विश्वास खिन ङेन्दा ओताते बात मोतोङा खाला ङेन्गीन देता फाप्क्यो, ज्येनला ङिङज्ये खिन देता फाप्क्यो थेमे दुक्पा ओङसीनोङ खपे खिन देता फाप्क्यो सिन सि।
ख्योकोनचेन परमेश्वरला माने खिता ताङाते मि ईन। दि सा लुङबे मि च्योकराङ सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मि परमेश्वरताङ डिक्पा मुथुबो सिन च्यि ख्योकोनला छ्या मेत? सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मिनी परमेश्वरताङ डिक्पाराङ मुथुबो।
Sanasan