२ कोरिन्थी 12:10 - जिरेल10 थोगी ङाराङगी छ्याःङ खिता मुथुप्जीन ईन्स्यीत, ज्येनगी ङाराङला इज्जत बेइज्जत खित्जीन ईन्स्यीत, दुक्पा ङेत्जीन ईन्स्यीत, मिओनगी ङाराङला खेदापानी खित्जीन ईन्स्यीत थेमे आपत् विपत्ला फाप्जीन ईन्स्यीत ख्रीष्टकी मि ईन्देकी ङानी सधैँ गा खिन देता थुप्क्यो। दोक खाला ङाराङगी छ्याःङ खिता मुथुपे बेलालाराङ ख्रीष्टकी शक्ति ङेता ओतेकी ङे जेङ खिता थुप्कीदुक। Faic an caibideil |
२ कोरिन्थी 12:10
29 Iomraidhean Croise
ख्रीष्टकी मि ईन्देकी ङ्योकोनचेन छ्याःङ मेस्येकान्ते लेम्बाते मि च्योक ओङा ओत। तर ख्रीष्टकी खित्सादु ख्योकोननी आउदी च्याङबो गाल्दुक। थेमे ङ्योकोन छ्याःङ खिता मुथुप्कान्ते मि ईन। ख्योकोनचेन जेङ खिता थुप्कान्ते ईन। थोकराङ खाला मिओनगी ङ्योकोनला दिबाङ सु ईन्देरो सिराच्योक खिदुक। ख्योकोनलाचेन गाङेकी मान खिओ।
दोक खित्जीन थेकी ङाला “ङे खोल्ला आउदी खाईन दया खाबा ओत। दि भन्दा ल्हाक्पा था खोल्ला छ्याःङ मोगोओ। खोरोङगी छ्याःङ खिता मुथुप्जीनराङ खुई ङेताते ङे शक्ति चुक छ्ये ईन्दाका सिन खुई छ्या स्येक्यो,” सिन सिदुक। थोगी ङाराङगी छ्याःङ खिता मुथुप्जीन ङानी गाका खिओ। च्यिला सासीन थोक्ते बेलालाराङ ख्रीष्टकी ङाराङला थे खोरोङ शक्ति बिन्दा ओत सिन ङे छ्या स्येकीदुक।
ईन्दानी मिओनगी स्यिङगी थामला टाँए खाला सेत्जीन थे छ्याःङ खिता मुथुप्कान्ते च्योकराङ थोङा ओतान। थोक ईन्सीनोङ परमेश्वरगी थे खोरोङ शक्तिकी थेला सोम्बो लोक्पेकी थे सोम्बोराङ ओत। ख्रीष्टताङ जीउज्यीकराङ ओङाते मि ङ्योकोनलाङ मिओनगी छ्याःङ खिता मुथुप्कान्ते च्योकराङ थोङगो। ईन्सीनोङ ङ्योकोनगी ख्योकोन नाङ खित्च्येते गाङे काम ख्रीष्टताङ जीउज्यीकराङ ओङगीन परमेश्वर शक्ति छ्य्वापेकी खित्च्येते ईन।
थरिङोला टिक्पी दिन दोक्ते दुक्पा भोगे खिता फाप्सीनोङ दोक खाईन सिन्नामेईनी परमेश्वरगी ङेराङला सधैँभरि लाईदु मान बिन्ला थे खोरोङगी ज्वा चाला च्योकराङ लेमुका जोइओ। होथे बात सम्झे खित्जीन ङ्योकोनलानी थरिङोला टिक्पी दिन ङेराङगी भोगे खिन ओताते होदोक्ते पीरताङ दुक्पा छ्याःङ मेन सिराच्योक लाङगीदुक।
थोगी ङेराङला जिम्मा बिन्दाते काम खिताला ङ्योकोन ख्रीष्टकी ताङाते मि ईन। मिओनला परमेश्वरताङ डिक्च्येते सेम खि सिन बात खित्कान्ते ङ्योकोन ईन्सीनोङ परमेश्वर थे खोरोङगीराङ ङ्योकोन छ्य्वापेकी मि गाङेताङ दि बात खित्च्येते ईन। ख्रीष्टकी छ्य्वापेई ङ्योकोन ख्योकोनला परमेश्वरताङ डिक्च्येते सेम खि सिन सिओ।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
मिओनगी ङाला खेदा खाईन खाईन दुक्पा बिन्दाते थेमे ङे भोगे खाबाते जेसुकै दुक्पा खोल्ला छ्या मेताते मेन। एन्टिओखिया, आइकोनियम थेमे लिस्त्रा सारगी नाङला मिओनगी ङाला चुक मेलेबा खाबा ओताने सिरच्येते बादोङ खोल्ला छ्याराङ ओत। ङाला जहाँदु जस्तो दुक्पा ओङसीनोङ प्रभु येशू ख्रीष्टकी थोक्ते गाङे दुक्पादुकी जोए खाबा ओत।
Sanasan