२ कोरिन्‍थी 12:1 - जिरेल

¹ ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

२ कोरिन्‍थी 12:1 Iomraidhean Croise

यूहन्‍ना 16:7

दोक ईन्‍सीनोङ ङा ख्‍योकोनला दि बात लेमु खाला सिरामीन। ङा दोक खाला डोच्‍येते ख्‍योकोनला लेमु ओङालाराङ ईन। ङा दुरूकी मागालथुप ख्‍योकोनला सल्‍लाह तेरकान्‍ते ख्‍योकोन ओत्‍सादु मेङगो। ङा गाल्‍नामेईचेन ङा थेला दुरू तोङगो।

यूहन्‍ना 18:14

कैयाफेकीचेन खोपरोङ यहूदीओन छ्ये छ्ये मि रूबे बेलाला बात खित्‍जीन गोमाका यहूदी गाङेला मेलेबा ओङा भन्‍दा बरू मिज्‍यीककामा स्‍या लेमु ईन सिन सल्‍लाह बिन्‍दा ओतान।

शक्ति काम 18:9

थेमे ग्‍वामाई पावलला मिलाम खित ज्‍युताच्‍योक खित च्‍युत्‍कीन प्रभु येशूकी थेत्ताङ बात खासुङ। थेकी थेला “खो बान्‍दा ज्‍यीबा माकेत। दुरू मिओनला ङे बात लोप्‍कीनराङ देत। थोक खिता मातोङ।

शक्ति काम 23:11

थे छोमु ग्‍वाका पावलगी प्रभु येशूला थे खोरोङ खादु वाबाते थोङसुङ। थेमे प्रभु येशूकी थेला “पावल, दुरू खोल्‍ला खइँदा मेलेबा ओङगीता सिन खो बान्‍दा ज्‍यीबा माकेत। खुई रोम सारदु गाल्‍ला दुरू च्‍योकराङ खाला थेरूङ ङे बात गाङे ज्‍येनला लोपा फाप्‍क्‍यो,” सिन बात खासुङ।

१ कोरिन्‍थी 10:23

थेमे मिओनगी खोपरोङगी जे खासीनोङ ओङगो सिन खिदुक। ईन्‍दानी ईन, खिता ओङगो। थोक ईन्‍सीनोङ गाङे काम लेमुकामा मेन। जेङ खित्‍जीन ज्‍येनला मेलेबा ओङगो।

१ कोरिन्‍थी 14:6

थोगी आज्‍यो न्‍वावे, ङे ख्‍योकोन ओत्‍सादु ओङजीन परमेश्‍वरगी ङाला तेन्‍गीन बिन्‍दाते तिरी ओङच्‍येते बात कि परमेश्‍वरगी चुक खाला काम खिते सिन छ्या स्‍येबाते बात कि परमेश्‍वरगी सिर च्‍युताते बात कि ख्‍योकोनगी चुक चुक खिता फाप्‍कीते सिरच्‍येते बात मोलोपा खाईन खालि ङाराङगी छ्या मास्‍येबाते खुदुक खुदुकते भाषाला बात खासुङ सासीन च्‍यि ख्‍योकोनला खइँदा फाइदा ओङगोतरो? ङे थोक्‍ते भाषाला बात खालानी ख्‍योकोनला छ्याःङ लेमु मेङगो।

१ कोरिन्‍थी 6:12

ख्‍योकोन कोई कोईकी “ङा ङाराङ खुशीकी जेङ खिता थुप्‍क्‍यो,” खिदुक्‍लो। थोक सिरा ठीकराङ ईन। तर जेङ खिता लेमु मेन। कोई काम खासीन ख्‍योकोनला मेलेबाकामा ओङगो। “ङा ङाराङ खुशीकी जेङ खिता थुप्‍क्‍यो,” सिरा ठीक ईन। तर ङे दि काम माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता लेमु मेन।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 12:5

थे मिकी स्‍वर्गने च्‍यि च्‍यि थोङसुङा, चुक्‍तेन्‍दे बात थोसुङा सिन बात खिन छ्ये खिता थुप्‍क्‍यो। तर ङा ङाराङगी थोङातेताङ थोबाते थोक्‍ते बात खाला छ्ये मिक्‍किओ। ङाराङ छ्ये खिता फाप्‍सीन ङानी ङाराङ चुक छ्याःङ खिता मुथुप्‍कान्‍ते ईन्‍दे सिरच्‍येते बातकामा खिओ।

२ कोरिन्‍थी 12:7

ङाराङला छ्या स्‍ये च्‍युताते होथे अचम्‍बते बातओन खाला ङा छ्ये मिक्‍किस्‍यीत सिन परमेश्‍वरगी ङाला सुकज्‍यीक देक च्‍युत्‍सुङ। ङा छ्ये मिक्‍किस्‍यीत सिन थेकी शैतान दूतज्‍यीकला ङाला दोक खाला सुक लोङ च्‍युत्‍सुङ।

२ कोरिन्‍थी 12:9

दोक खित्‍जीन थेकी ङाला “ङे खोल्‍ला आउदी खाईन दया खाबा ओत। दि भन्‍दा ल्‍हाक्‍पा था खोल्‍ला छ्याःङ मोगोओ। खोरोङगी छ्याःङ खिता मुथुप्‍जीनराङ खुई ङेताते ङे शक्ति चुक छ्ये ईन्‍दाका सिन खुई छ्या स्‍येक्‍यो,” सिन सिदुक। थोगी ङाराङगी छ्याःङ खिता मुथुप्‍जीन ङानी गाका खिओ। च्‍यिला सासीन थोक्‍ते बेलालाराङ ख्रीष्‍टकी ङाराङला थे खोरोङ शक्ति बिन्‍दा ओत सिन ङे छ्या स्‍येकीदुक।

२ कोरिन्‍थी 8:10

था ङा ख्‍योकोनला सल्‍लाहज्‍यीक तेरामीन। च्‍यि सासीन खेराङगी ननीङमेकी खिताला स्‍यूबाते थे काम खाईन सिन्‍दा खासीन लेमु ईन। गाङे भन्‍दा गोमा दि बात तेन्‍ला थोक खिताला शुरू खित्‍कान्‍ते खेराङराङ ईन।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

गलाती 2:2

परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

एफिसी 3:3

च्‍यि सासीन गोमा सुङलाङ छ्या स्‍ये च्‍युता मेताते बात च्‍यि ईन्‍दे सिन परमेश्‍वर थे खोरोङगीराङ ङाला छ्या स्‍ये च्‍युत्‍कीन बिन्‍सुङ। थे बात च्‍यि ईन्‍दे सिन ङे थुम्‍मी खाईन दि चिट्ठीला आनाङ भर्खर टिकीन सिन्‍दा ओत।

१ थिस्‍सलोनिकी 4:15

दोक ओङगो सिरच्‍येते बातला प्रभु येशू थे खोरोङगीराङ साबाते बात ङ्योकोन ख्‍योकोनला सिओ। च्‍यि सासीन थे ग्‍युरला ओङे छोमु थेला विश्‍वास खित्‍कान्‍ते गोमाका स्‍यिइन सिन्‍दाते मिओनगी माठेतथुप ङुरूङ थे छोमुसाक सोन्‍गीन देतातेबा सुङगीङ थेला मेठेदो।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।