२ कोरिन्‍थी 11:6 - जिरेल

⁶ ईन ईन, ङे ङेन्‍गीन देत्‍की सिराच्‍योक खाला बात खिता मेस्‍येतासीन। ईन्‍सीनोङ परमेश्‍वरगी छ्या स्‍ये ज्‍युत्‍च्‍येते बात ङाला लेमु खाला छ्या ओत। ङा थे बात लेमु खाला छ्या ओताते मि ईन सिन ङे ख्‍योकोनला गाङे बात लेमु खाईन लाप्‍कीन बिन्‍दा ओताते बातकी छ्य्‌वापेकीङ छ्या स्‍येक्‍यो।

२ कोरिन्‍थी 11:6 Iomraidhean Croise

१ कोरिन्‍थी 1:17

ख्रीष्‍टकी ङाला मिओनला बप्‍तिस्‍मा बिन सिन खटे खाबाते मेन। ङालानी थेकी गा लाङच्‍येते बात लोपालाका खटे खाबाते ईन। थेमे थे बात लोप्‍जीन नोमुङ ङे आउदी पढे खाबाते मिओनगी च्‍योक खाईन बात माक्‍या। थोक खाबा ईन्‍सीन ख्रीष्‍टकी थे खोरोङ ज्‍यान बिन्‍गीन स्‍यिङगी थामला टाँए खाईन स्‍याप्‍ते बात छ्याःङ च्‍योक ओङच्‍या मेतान।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

१ कोरिन्‍थी 12:8

चुक सासीन परमेश्‍वर आत्‍मेकी कोईला परमेश्‍वर बातकी अर्थ खोले खित्‍च्‍येते बुद्धि बिन्‍दा ओङगो सासीन थेकीराङ कोईला परमेश्‍वरगी चुक खाला काम खिते सिन छ्या स्‍ये च्‍युताते बात लोप्‍च्‍येते शक्ति बिन्‍दा ओङगो।

१ कोरिन्‍थी 2:13

थोगी ङ्योकोनगी लोप्‍च्‍येते बातचेन सुइँदा मिकी ङ्योकोनला लाप्‍कीन बिन्‍दाते बात मेन, परमेश्‍वर आत्‍मेकी लाप्‍कीन बिन्‍दाते बात ईन। दोक खाला ङ्योकोन परमेश्‍वर आत्‍मा ङेता ओताते मिओनला परमेश्‍वर आत्‍मेकी लोप साबाते सत्‍यते बात लोप्‍क्‍यो।

२ कोरिन्‍थी 10:10

ख्‍योकोन कोई कोईकी “पावलगी खालि थारीला गाल्‍नामेईकामा स्‍येदाङ खिन दोक खिताङ थोक खि सिन कोत्‍ला चिट्ठी टिइदुक। ङुरूङताङ ङ्योम्‍बु ओत्‍जीनचेन थेकी ङेन्‍गीन देत्‍की सिराच्‍योक खाला बादोङ खिता मुथुबो, थे चुकस्‍यिक ओते सिन ङुरूङला छ्या ओत,” सिन बात खिदुक्‍लो।

२ कोरिन्‍थी 12:12

ङे ख्‍योकोनताङ ओत्‍जीन जस्‍तो दुक्‍पा ओङजीनोङ नोमुङ ङाराङ काम खिता माताङ। थेमे ङे खाईन तेन्‍दाते छ्ये छ्येताङ अचम्‍बतेन्‍दे काम थोङगीन ङा येशू ख्रीष्‍टकी खटे खाबाते मि ईन सिन ख्‍योकोनगी छ्या स्‍येबा ओतान।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 5:11

दोक खाला ङीमा लेनज्‍यीक प्रभु येशू दोन्‍दु दाक्‍पोनगी खाबाते लेमु मेलेबा कामगी हर हिसाब तेरा फाप्‍क्‍यो सिन छ्या ओतेकी ङेराङ मेलेबा काम मिक्‍किओ सिन ङ्योकोन मिओनला छ्याःङ शंका मालाङच्‍या खाला लोप्‍क्‍यो। ङ्योकोन चुक्‍ते ईन्‍दे सिन परमेश्‍वरला गाङे छ्या ओत। दि बात ख्‍योकोनगीङ लेमु खाईन छ्या स्‍येबाराङ ओतासीन।

२ कोरिन्‍थी 6:6

ङ्योकोन मेलेबा काम सिराते छ्याःङ मिक्‍किओ। परमेश्‍वरगी ङ्योकोनला थे खोरोङ बाततेबा लेमु खाईन छ्या स्‍ये च्‍युता ओत। ङ्योकोन सेम मेसेता खाला काम खिओ, ज्‍येनला दया खिओ, परमेश्‍वर आत्‍मेकी खि साबाते कामकामा खिओ थेमे खेकीकामा मेन्‍देकी ङ्योकोन ज्‍येनला पक्‍काराङ खाला ङिङज्‍ये खिओ।

२ कोरिन्‍थी 7:2

थेमे ख्‍योकोनगीङ ङ्योकोनला ङिङज्‍ये खि। ङ्योकोनगी ख्‍योकोन सुङलाङ छ्याःङ मेलेबा खाबा मेत, मेन्‍दे बात लाप्‍कीन ख्‍योकोन सुङलाङ छक्‍के खाबा मेत थेमे सुङताङ छ्याःङज्‍यीक खाङज्‍यीक लाकीन ठगेङ खाबा मेत।

एफिसी 3:4

ख्रीष्‍टकी छ्य्‌वापेई खाबाते गोमा सुङलाङ छ्या स्‍ये च्‍युता मेताते थे बात ङे खजो लेमु खाईन खोबा ओता ईन्‍दाका सिन दि चिट्ठी पढे खित्‍जीन ख्‍योकोनगी छ्या स्‍येक्‍यो।