२ कोरिन्‍थी 11:4 - जिरेल

⁴ च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

२ कोरिन्‍थी 11:4 Iomraidhean Croise

मर्कूस 7:9

थोरूमोङ बात खिन थेकी “खेराङ रीतिथिति माने खिताला ख्‍योकोनगी च्‍याङबो खाईन परमेश्‍वरगी खि साबाते नियमओन ङेन्‍दा ताङला दुक।

शक्ति काम 4:12

थोगी मिओनला दुक्‍पादुकी डेल्‍कान्‍ते खालि येशू ख्रीष्‍टकामा ईन। मि गाङेला पापताङ दुक्‍पादुकी डेल्‍कान्‍ते ज्‍येन सुङ मेतेकी परमेश्‍वरगी थेलाराङ दि सा लुङबादु ताङाते ईन। थेकीकामा ङुरूङला पापकी सजायदुकी डेला थुप्‍क्‍यो,” सिन सिदुक।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

१ कोरिन्‍थी 3:11

थेमे ङुरूङते तिङाते जगचेन येशू ख्रीष्‍टकामा ईन। सुङगीङ था ज्‍येन जग दिङा मुथुबो।

२ कोरिन्‍थी 11:1

था ङा ख्‍योकोनला लेम्‍बा च्‍योक खाला बात खितामीन। ङे दोक खाईन बात खासीनोङ ओर्च्‍ये ख्‍योकोनगी दि बातओन ङेन। ख्‍योकोनगी दोक्‍ते बात ङेन्‍गीन ओत सिन ङाला छ्या ओत।

२ कोरिन्‍थी 2:12

ङा ख्रीष्‍टते गा लाङच्‍येते बात लोपाला त्रोआस सारदु लेप्‍नामेकी प्रभु ख्रीष्‍टकीराङ ङाला थेरूङ थे बात लोप्‍च्‍येते आउदी लेमुज्‍यीक मौका बिन्‍सुङ।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

१ तिमोथी 1:3

ङे थोङला खोत्ताङ ठाल्‍ला म्‍यासिडोनिये अञ्‍चलपा डोजीन साकीन ज्‍याक्‍पाते बात ङा याङराङ सिन ओत। च्‍यि सासीन खुई एफिससदु देत्‍ला थेरू ङेन्‍दा फाप्‍च्‍येते बातताङ डिकराङ मिडिक्‍च्‍येते बात लोप्‍कान्‍ते मिओनला थोक्‍ते बात मालोप सिन कोत।

१ तिमोथी 2:5

च्‍यिला सासीन परमेश्‍वर दोक्‍पोईकामा ओत थेमे परमेश्‍वरताङ मिओनला डिक्‍पा खाला तेरकान्‍तेङ दोक्‍पोईकामा ओत। थेचेन मि जुनी लाबाते येशू ख्रीष्‍टराङ ईन।