२ कोरिन्थी 11:3 - जिरेल3 थाङबो रूलगी हव्वाला आउदी च्याङबो खाईन छक्के खाबा च्योकराङ खाला सुइँदेकी ख्योकोनलाङ छक्के खाला ख्रीष्टकी साबाते ङेन्ला थेत्ताङकामा डिक्ला देत्से छ्य्वापेकी डेल्गीता सिन ङाला आउदी ज्यीबाङ लाङगीदुक। Faic an caibideil |
२ कोरिन्थी 11:3
47 Iomraidhean Croise
ख्योकोनचेन खेराङ आबा शैतानताङ डिक्कान्ते मि ईन। थेमे ख्योकोन खेराङ आबेकी खित्च्येते कामकामा खिता सेम खिदुक। थेकीनी च्याक दि जुग शुरू ओङजीनमेईराङ मि सेत्च्येतेकामा खिन ओत। ईन्दाते बातला थेकी बान्दा गा मिक्किओ। साँचोते बात सिरातेचेन थेकी नोमुङ मिक्किओ। ढाँर खित्च्येतेनी थेते बानीराङ ईन्देकी थेचेन ढाँर खित्कान्ते ईन। ढाँर खित्च्येते सिराते गाङे थे छ्य्वापेईराङ ओङच्येते ईन।
ज्येनला सल्लाह बिन्ला आँट तेरा थुप्कान्ते मिकी ज्येनतेबे नाङ दोक खिता फाप्क्यो। थेमे दुक्पा ङेता ओताते मिओनताङ गोला साच्येते सीप बिन्दा ओताते मिकीङ कुच्यीरी मिक्किता खाला तेरा थुपासम्म तेरा फाप्क्यो। थोकराङ खाला सुइँदाला परमेश्वरगी थे खोरोङ सन्तानओनला ताकान्ते छ्येते मि जोला दुक सासीन थोक्ते मिकीङ अल्छी मिक्किता खाला लेमु खाला थे काम खिता फाप्क्यो। नाबाते थेमे सुङ मेताते गरीब दुःखीला ताच्येते सीप ङेता ओताते मिकीङ सुइँदे करला फाप्कीन खाबाच्योक मिक्किता खाला सोचित्तेकीराङ थे काम खिता फाप्क्यो।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
च्यि सासीन खेराङला योक्पो योङमु जोबाते ख्योकोनला लेमु लाङच्याक्वा। खेराङते ओताते जति नाङ खाईन खाम्बा तोङबा जोसीनोङ, ईनराङ मेन्दे बात लाप्ला छक्के खासीनोङ थेमे खेराङला काम्बे पुज्या छेदोङ गने माक्याबाते ख्योकोनला गा लाङच्याक्वा। थेबेकी ख्योकोनला छ्येतकी नाङपाराङ ग्याप्सीनोङ ख्योकोनला छ्याःङ च्योक मालाङच्याक्वा।
ङ्योकोन ईप्ला छ्याक्ला ज्येनला ठगे खित्च्येते च्योक्ते ङोचा लाङच्येते काम मिक्किओ, मिला छक्के खिताला ईनराङ मेन्दे बात मोलोबो, ङ्योकोननी परमेश्वर बात खुदुक जोला लोप्च्येतेङ मिक्किओ। परमेश्वर दोन्दुराङ काम खाबाच्योक खाला ङ्योकोननी सत्यते बातला जे साला दुक थेकामा लोप्क्यो। थोक ईन्देकी ङ्योकोनगी सत्यते बातकामा लापा ओत सिन मि गाङेकी सिरा थुप्क्यो।
ख्योकोन बात थोकीन ङा छकदाङ परे खासुङ। ख्योकोनगी चुक खाईन दोक खिता थुप्सुङा? च्यि परमेश्वरगी ख्योकोनला थे खोरोङ दोन्दु स्योक सिन काताङाते ख्रीष्टकी खाबाते कामगी खित्सादु दया खिन लेमु खिताप सिन मेनरो? ख्योकोननी होथोक खित्कान्ते परमेश्वर छ्य्वापेई ठाला ठाला खाईन सिन्दुक। थेमे ख्योकोननी ख्रीष्टते गा लाङच्येते बात ङेन्दे साटोला गा लाङच्येते बात ईन सिन ज्येनज्यीक बातका ङेन्दाला स्यूदुक।
ईन्दाका येशू ख्रीष्टला विश्वास खित्कान्ते ईन सिरकान तर थोक मेन्दाते कोई कोई मि ङ्योकोन बात खित्सादु माबा ईन्सीन थे खतकी चिनु जोच्येते बादोङ थेन्च्याराङ मेतान। येशू ख्रीष्टताङ जीउज्यीकराङ ओङगीन ङ्योकोनगी परमेश्वरगी ङेराङ यहूदीओनला बिन्दाते होथे नियम ङेन्दा ताङा ओताते बात छ्या स्येबा ओत्कीन ङ्योकोनगी चुक चुक खित्च्या ईन्दाका सिन चिवा खिताला होथेबाचेन सुङगीङ स्योक मासाबाला थाराङ थेरू वाबा ओतान। थेरू खइँदा बात जिन्दा थुप्सीन लोक्ला ङ्योकोनला होथे नियमतेबा गाङे ङेन्दाराङ फाप्क्यो सिराला थेबा थोक खाईन थेरू वाबा ओतान।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
ख्योकोन च्याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्च्येते बातनी छ्याःङ काम लै मिक्किच्येते ईनराङ मेन्दे बात ईन। थोक्ते बातनी दि सा लुङबा खाङ मिओनगी खोपरोङ ज्युज्यु पुर्खे पालोमेई माने खिन वाबाते रीतिथिति बातकामा ईन। थोक्ते बात ख्रीष्ट सु ईन्दे, चुक्ते ईन्दे सिरच्येते बातताङ बान्दा मिडिगो।
थोक थोक दुक्पा ओङ च्युत्कीन मिला पाप खित ज्युता छोल्कान्ते शैतानगी ना ख्योकोनला प्रभु येशू छ्य्वापेकी टाला ईन्दा सिन ङाला आउदी ज्यीबा लाबा ओतान। शैतानगी थोक खाबा ईन्सीन ङ्योकोनगी ख्योकोन नाङ खाबाते काम थाराङ खेरोला डोच्या ओतान। थोगी ख्योकोन थोरूमोङ प्रभु येशूला विश्वास खिनराङ दुकाना मिन्दुका सिन ताप्ला तिमोथीला ख्योकोन ओत्सापा ताङाते ईन।
थरिङोला थेपा थोक खाला ङेन्दा फाप्च्येते बातताङ मिडिक्च्येते बात लोप्कान्ते मि काल्बेई दुक। थेबेकी सुङगीङ बात मेङेन्दा खाला खालि छ्याःङ काम लै मिक्किच्येते बातओन लाप्ला येशूला विश्वास खित्कान्ते मिओनला छक्के खिओ। दोक खित्कान्तेबा काल्बा च्योक्ते जीउला खतकी चिनु जोकान्ते यहूदीराङ ईन।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
बात दोक दोक ईन्देकी ङिङज्येते आज्यो न्वावे, होदोक्ते मेन्दे बात लोप्कान्ते मिओन ओङगो सिन ख्योकोनला छ्याराङ ओतेकी ख्योकोन च्याङबो खाला देत। दोक माक्यासीन खिता मेङच्या ङोचा लाङच्येते काम खित्कान्ते मिओनगी लोप्च्येते मेन्दा मेन्दे बात ङेन्ला ख्योकोनगी खेराङगी ङेन्गीन ओताते सत्यते बात ङेन्दा तोङगो।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
Sanasan