२ कोरिन्‍थी 11:16 - जिरेल

¹⁶ थेमे दि बात ङा याङराङ सिरामीन। च्‍यि सासीन ख्‍योकोन सुङगीङ ङाला थेकी चुकस्‍यिक लेम्‍बे बात खासुङा सिराच्‍योक माकेत। ख्‍योकोन थोक खिओतराङ सासीनका ङा होथोक्‍ते मिकी च्‍योकराङ खाला बात खितामीनना ओना। थेमे ज्‍येन च्‍योकराङ ङाङ ङा दोक्‍ते मि ईन, ङे दोक खिता थुप्‍क्‍यो सिन बात खितामीन।

२ कोरिन्‍थी 11:16 Iomraidhean Croise

२ कोरिन्‍थी 11:1

था ङा ख्‍योकोनला लेम्‍बा च्‍योक खाला बात खितामीन। ङे दोक खाईन बात खासीनोङ ओर्च्‍ये ख्‍योकोनगी दि बातओन ङेन। ख्‍योकोनगी दोक्‍ते बात ङेन्‍गीन ओत सिन ङाला छ्या ओत।

२ कोरिन्‍थी 11:19

ख्‍योकोन आउदी बुद्धि ओताते मि ईन। थोगी ङा दोक्‍ते ईन, ङे दोक खिता थुप्‍क्‍यो सिन छ्ये खित्‍कान्‍ते मि ख्‍योकोनला लेमु लाङगो मेन?

२ कोरिन्‍थी 12:1

ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 12:6

ङे छ्ये खिता चाल्‍सुङ सासीन स्‍वर्गने ङाराङगी थोङाते थेमे थोबाते बात खाला ङा छ्ये खिता थुप्‍क्‍यो। दि साँचोते बात ईन्‍देकी सुङगीङ ङाला थेकी लेम्‍बे बात खासुङ सिरा मुथुबो। ईन्‍सीनोङ मिओनगी ङा चुक खिका थेमे ङे च्‍यि बात लोप्‍कीका थेकामा छ्या स्‍येस्‍यीत सिन ङाराङगी थोङाते थेमे थोबाते होथे बात था ङा मिक्‍किओ।

२ कोरिन्‍थी 5:13

मिकी साबा च्‍योकराङ ङ्योकोन ङ्योबाते ईन्‍सीन परमेश्‍वरला छ्ये ज्‍वाप्‍की लाईदुराङ ङ्योबाते ईन। ङ्योबाते मेन्‍गीन सरसौंदोते मिकी च्‍योकराङ खाला काम खिन ओत सासीन ख्‍योकोनला लेमु ओङस्‍यीत सिनराङ ईन।