२ कोरिन्‍थी 11:12 - जिरेल

¹² ङा थाङ थरिङसाक खाबा च्‍योकराङ खिन देत्‍क्‍यो। ङे ख्‍योकोनताङ पैसा लासुङ सासीन होथे येशू ख्रीष्‍टकी खटे खाबाते मि नाङ खापान खापान छ्ये ईन सिरकान्‍ते मिओनगी ङ्योकोनोङ पावल च्‍योकराङ ईन सिन सिओ। थेबेकी खोपरोङला ङ्योकोन च्‍योकराङ ईन सिन सिरा मेङेत्‍स्‍यीत सिन ङा ख्‍योकोनताङ छ्याःङ मिलिनो।

२ कोरिन्‍थी 11:12 Iomraidhean Croise

मत्ती 26:16

थोक खानामेकी थेकी था च्‍यि छोमु येशूला जिन ज्‍युता थुप्‍कीका सिन मौका तेइनराङ देत्‍सुङ।

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

१ कोरिन्‍थी 9:12

ख्‍योकोन नाङ काम खित्‍कान ज्‍येनगी खोपरोङला गोच्‍येते ख्‍योकोनताङ लिन्‍गीदुक सासीन झन च्‍यि ङ्योकोनगीनी लिन्‍दा ङेत्‍च्‍येते मेनरो? ङ्योकोनला गोच्‍येते ख्‍योकोनगी तेरा फाप्‍च्‍येते ईन्‍सीनोङ ख्रीष्‍टते गा लाङच्‍येते बात गाङेकी लेमु खाला ङेन्‍स्‍यीत सिन ङ्योकोनगी बरू ङेराङगी दुक्‍पा खाबाप, ख्‍योकोन छ्य्‌वापेई छ्याःङज्‍यीक खाङज्‍यीक माला।

२ कोरिन्‍थी 1:17

ङाराङगी साबाच्‍योक खाईन ङा ख्‍योकोन ओत्‍सापा ओङा माथुप्‍सुङ। थोक ईन्‍देकी च्‍यि ख्‍योकोन ङेङ जमान मेताते मिकी च्‍योक ड्वा ङेत्‍सीन ड्वा फाबोङ मेन सासीन मोन्‍डोबा फाबोङ सिन साबाते ईन, थेला देपा ओङा सेम मालाबेकी मेङगो सिन साबासीन सिन सिओ?

२ कोरिन्‍थी 10:17

परमेश्‍वर बातला चुक साबा ओते सासीन “सुइँदा मि छ्ये खिदुक सासीन थेकी प्रभु परमेश्‍वरगी थे खोरोङ लाईदु चुक छ्ये छ्ये काम खासुङा सिरच्‍येते बातलाकामा छ्ये खित्‍स्‍यीत,” सिन साबा ओत।

२ कोरिन्‍थी 11:18

मि काल्‍बेईकी ङा दोक्‍ते ईन, ङे दोक खिता थुप्‍क्‍यो सिन छ्ये खिन बात खाबा च्‍योकराङ ङाङ खितामीन।

२ कोरिन्‍थी 11:9

ख्‍योकोनताङ ङ्योम्‍बु देत्‍जीन ङाराङला मादाङजीनोङ ङे सुङताङ छ्याःङ नाङ मासा। ङाला खाँचो परे खाबे बेलाला म्‍यासिडोनियादुकी ओङकान्‍ते आज्‍यो न्‍वाओनगी पैसा खुलाकीन बिन्‍दा ओतान। दोक खाईन ङे ख्‍योकोनला गोमाबाङ छ्याःङज्‍यीक खाङज्‍यीक दुक्‍पा माबिन, थाङ नोमुङ थोक मिक्‍किओ।

२ कोरिन्‍थी 5:12

ङे दोक साबाते ङेराङ आउदी लेमु मि ईन सिराला मेन्‍देकी ङ्योकोन मेलेबा मि ईन सिरकानला ङ्योकोन थोक्‍ते मि मेन सिन ख्‍योकोनगी छ्याःङ ज्‍यीबा मिक्‍किता खाला सिरा थुप्‍स्‍यीत सिनकामा ईन। ङ्योकोनला थोक सिरकान्‍ते मिओन ज्‍येनगी ताजीन आउदी लेमु मि दुका सिराच्‍योक थोङसीनोङ थेबे सेम लेमु मेत।

गलाती 1:7

गा लाङच्‍येते बात ईन सिन थरिङोला कोई कोईकी ख्‍योकोनला लोप्‍कीन ओताते बातनी गा लाङच्‍येते बात ईनराङ मेन। होथोक्‍ते बात लाप्‍ला थेबेकीनी ख्‍योकोनला अलमल्‍ल लोङगीन दुक। दोक खाला थेबेकी ख्रीष्‍टते गा लाङच्‍येते बात खुदुक ज्‍वा छोल्‍गीन दुक।

१ तिमोथी 5:14

थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।