२ कोरिन्‍थी 11:11 - जिरेल

¹¹ च्‍यि ङे ख्‍योकोनला ङिङज्‍ये मिक्‍किच्‍येते ईन्‍देकीका ख्‍योकोनताङ छ्याःङ मालाबाते ईन्‍दासीन साबाप? ङे ख्‍योकोनला थोई ङिङज्‍ये खिते सिन परमेश्‍वरलाराङ छ्या ओत।

२ कोरिन्‍थी 11:11 Iomraidhean Croise

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

शक्ति काम 15:8

थेमे मि सेमगी बात छ्या स्‍येकान्‍ते परमेश्‍वरगी ज्‍येन ज्‍येन जातकी मिलाङ ङुरूङला च्‍योकराङ खाईन परमेश्‍वर आत्‍मा बिन्‍गीन थे खोरोङ मि जोसुङ।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

२ कोरिन्‍थी 11:10

ख्रीष्‍टकी च्‍योकराङ ङा सत्‍यते बातकामा खिओ। ङे ख्‍योकोन सुङताङ छ्याःङज्‍यीक खाङज्‍यीक लाबा मेत, थाङ नोमुङ छ्याःङ मिलिनो। दि बातलाचेन ङा छ्येराङ खिओ। अखैये लुङबादु ओताते मि सुङगीङ खुई थोक सिरा मेङेदो सिन सिरा मुथुबो।

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

२ कोरिन्‍थी 12:15

थोक ईन्‍देकी ख्‍योकोनला लेमु ओङस्‍यीत सिन ङाङ स्‍याप स्‍याप खाला दुक्‍पा खाला खाला काम खिओ। ङानी ख्‍योकोन लाईदु ङाराङ ज्‍यानराङ तेरा फाप्‍सीनोङ नाइँ मिसिरो। ङे ख्‍योकोनला दोक आउदी ङिङज्‍ये खानामेई च्‍यि ख्‍योकोनगी ङालाङ थोजोराङ ङिङज्‍ये खिता माफाबो?

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 7:3

ख्‍योकोनला मेलेबा सिराला ङे दोक साबाते मेन। थोक ईन्‍दा ईन्‍सीन ङ्योकोनगी ख्‍योकोनला खितासम्‍म ङिङज्‍ये खाबा ओत सिन ङा सिरच्‍याराङ मेतान। ङेराङ सोन्‍ला देत देतसाक थेमे स्‍याराङ फाप्‍सीनोङ ङ्योकोन ख्‍योकोनला नोमुङ टोक ज्‍येता मुथुबो।

हिब्रू 4:13

परमेश्‍वरताङ छ्याक्‍ला ईप्‍ला सुङगीङ छ्याःङ खिता मुथुबो। सा नाम खाङ नाम खापा च्‍यि ओङगीन दुका, सुई च्‍यि खिका सिन थेकी गाङे थोङला छ्या स्‍येक्‍यो। थेमे ङीमा लेनज्‍यीक मि गाङेकी दाक्‍पोनगी खाबाते लेमु मेलेबा गाङे कामताङ बातकी हर हिसाब थेला तेरा फाप्‍क्‍यो।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।