२ कोरिन्‍थी 11:10 - जिरेल

¹⁰ ख्रीष्‍टकी च्‍योकराङ ङा सत्‍यते बातकामा खिओ। ङे ख्‍योकोन सुङताङ छ्याःङज्‍यीक खाङज्‍यीक लाबा मेत, थाङ नोमुङ छ्याःङ मिलिनो। दि बातलाचेन ङा छ्येराङ खिओ। अखैये लुङबादु ओताते मि सुङगीङ खुई थोक सिरा मेङेदो सिन सिरा मुथुबो।

२ कोरिन्‍थी 11:10 Iomraidhean Croise

शक्ति काम 18:12

तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 18:27

तिरी अपोल्‍लोसकी अखैये लुङबापा डोच्‍येते बात खित्‍जीन एफिससदु ओताते आज्‍यो न्‍वाओनगीङ थेला थेपा गाल्‍सीन लेमु ईन सिन साकीन च्‍याकीन अखैयादु ओताते येशू चेलाओनला थेला थेपा वानामेकी लेमु खि सिन चिट्ठीज्‍यीक टिकीन बिन्‍गीन ताङसुङ। थेपा लेप्‍नामेकी थेकी परमेश्‍वर दयेकी खित्‍सादु थेरू येशूला विश्‍वास खिताला स्‍यूबाते थेबा गाङेला आउदी मद्धत खासुङ।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 16:5

थेबे खाम्‍बादु जम्‍मा ओङकान्‍ते येशू ख्रीष्‍ट मिओनलाङ ङेते नमस्‍ते ओत सि। थेमे ङे ङिङज्‍येते र्‍वा इपेनितसलाङ नमस्‍ते ओत सि। एशिये लुङबादु येशू ख्रीष्‍टला विश्‍वास खित्‍कान्‍ते मिओन नाङ गाङे भन्‍दा गोमा थेला विश्‍वास खित्‍कान्‍ते मि थेराङ ईन।

रोमी 9:1

थेमे येशू ख्रीष्‍टताङ जीउज्‍यीकराङ ओङाते मि ईन्‍देकी ङा ईन्‍दाते बातकामा खिओ। ङे खिन ओताते दि बात ढाँर खाबाते मेन सिन ङाराङ सेमगी नाङ ओताते परमेश्‍वर आत्‍मेकीङ ङाला छ्या स्‍ये च्‍युता ओत।

१ कोरिन्‍थी 16:15

थेमे अखैये लुङबादु ओताते मिओन नाङ गाङे भन्‍दा गोमा येशूला विश्‍वास खित्‍कान्‍ते स्‍तिफनासताङ थे खाम्‍बे मिओन ख्‍योकोनला छ्याराङ ओतासीन। थेबाचेन जहिलेङ परमेश्‍वर सन्‍तानओनला च्‍यि चुक दुका ताला थुपासम्‍म थेबाला लेमु खित्‍कान्‍ते मि ईन। आज्‍यो न्‍वावे, ङा ख्‍योकोनला च्‍यि सिन बिन्‍ती खिते सासीन

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 1:23

दि बात ङा परमेश्‍वर साक्षी ज्‍याक्‍ला खिन ओत। ङा नोमुङ मेन्‍दे बात मिक्‍किओ। ङा कोरिन्‍थपा माबातेचेन याङराङ ङे ख्‍योकोनला थापा ङारा माफाप्‍स्‍यीत सिनकामा ईन।

२ कोरिन्‍थी 10:15

लोक्‍ला ङ्योकोननी ज्‍येनगी खाबाते कामला ङ्योकोनगीका खाबाते ईन सिराच्‍योक खाला छ्येङ मिक्‍किओ। बरू ख्‍योकोनगी प्रभु येशूला झन लेमु खाला विश्‍वास खिन गाल्‍नामेई परमेश्‍वरगी ङेराङला ख्‍योकोन नाङ खि साबाते काम झन काल्‍बा खिता थुप्‍क्‍यो सिरच्‍येते आश ओत।

२ कोरिन्‍थी 11:12

ङा थाङ थरिङसाक खाबा च्‍योकराङ खिन देत्‍क्‍यो। ङे ख्‍योकोनताङ पैसा लासुङ सासीन होथे येशू ख्रीष्‍टकी खटे खाबाते मि नाङ खापान खापान छ्ये ईन सिरकान्‍ते मिओनगी ङ्योकोनोङ पावल च्‍योकराङ ईन सिन सिओ। थेबेकी खोपरोङला ङ्योकोन च्‍योकराङ ईन सिन सिरा मेङेत्‍स्‍यीत सिन ङा ख्‍योकोनताङ छ्याःङ मिलिनो।

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

२ कोरिन्‍थी 12:19

ङिङज्‍येते आज्‍यो न्‍वावे, ङे थाल्‍लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्‍टताङ जीउज्‍यीकराङ ओङाते मि ईन्‍देकी ङ्योकोननी परमेश्‍वर दोन्‍दुराङ बात खाबाच्‍योक खाला बात खिओ। ख्‍योकोन झन लेमु खाला येशू ख्रीष्‍टकी खि साबा साबा खित्‍कान ओङस्‍यीत सिन दि गाङे बात खाबाते ईन।

२ कोरिन्‍थी 9:2

थे पैसा जम्‍मा खिताला ख्‍योकोनगी चुक आउदी सेम खाबा ओते सिन ङाला लेमुराङ खाला छ्या ओत। ख्‍योकोनगी थोक लेमु खिन ओताते बात खिन ङे म्‍यासिडोनियादु ओताते येशू ख्रीष्‍ट मिओनला अखैयादु ओताते ख्‍योकोनगी ननीङमेईराङ पैसा जम्‍मा खिताला स्‍यूबा ओतान सिन लाःपाप। दि बात थोनामेई आँट ङेत्‍कीन थेबा काल्‍बा च्‍योक्‍तेकी ख्‍योकोनगी खाबा च्‍योकराङ खिताला आउदी सेम खाबा ओत।

गलाती 1:20

ङे दि गाङे ईन्‍दाते बातकामा टिगीन ओत सिन परमेश्‍वरलाराङ छ्या ओत।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

१ थिस्‍सलोनिकी 2:10

येशूला विश्‍वास खित्‍कान ख्‍योकोन गाङेताङ ङ्योम्‍बु ओते बेलाला ङ्योकोनगी मेलेबाते काम सिराते छ्याःङ माक्‍या। चुक खित्‍जीन ख्‍योकोनला लेमु ओङगीका थोककामा खाबाप। ङ्योकोनगी दि दि गल्‍ती खासुङ सिन सुङगीङ सिरा मुथुबो। ङ्योकोनगी साबाते दि बात ढाँर खाबाते मेन सिन परमेश्‍वरला थेमे ख्‍योकोनला छ्या ओत।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।