२ कोरिन्‍थी 10:7 - जिरेल

⁷ ख्‍योकोनचेन खालि मि चुकस्‍यिक दुका थेकामा तेइदुक। थे सेमगी नाङ चुक ओताना सिरच्‍येते बात छ्याःङ विचार मिक्‍किदुक। सुइँदेकी ङानी ख्रीष्‍टकी मि ईन खिदुक सासीन थेकी ङ्योकोनोङ होथोक्‍ते मिराङ ईन सिन लेमु खाला खोबा फाप्‍क्‍यो।

२ कोरिन्‍थी 10:7 Iomraidhean Croise

मत्ती 23:5

थेबेकीनी जे खासीनोङ खोपरोङगी खाबाते काम थोङला ज्‍येनगी खोपरोङ परमेश्‍वरला आउदी खाला माने खित्‍कान्‍ते मि दुका सिरस्‍यीत सिरच्‍ये सेमगीकामा खिओ। चुक सासीन थेबेकीचेन परमेश्‍वर नियम टिला जोदातेन्‍दे जन्‍तर च्‍योक जोला पाखुराताङ टाले लाई नाङला ठाला खोन्‍ला ख्‍याम्‍गीदुक। थोकराङ खाला खोलाकलाङ झुम्‍का रीम्‍बुतेन्‍दे ताप्‍ला खोन्‍गीदुक।

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

यूहन्‍ना 7:24

ख्‍योकोनगी मि छ्येत ताला काम माकेत। सुइँदा मि दोषी ईन्‍दाना मेन्‍दे सिन लेमु खाला विचार खालाकामा सि,” सिन सिदुक।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 14:37

सुइँदेकी ङा परमेश्‍वरगी सिर च्‍युताते बात खित्‍कान्‍ते मि ईन कि परमेश्‍वर आत्‍मेकी ङाला थोक खित्‍च्‍येते शक्ति बिन्‍दा ओत खिदुक सासीन थोक्‍ते मिला ङा दि बात सिओ। च्‍यि सासीन थेकी ङे टिबाते दि बातओन प्रभु येशूकीराङ खि सिन कोताते ईन सिन छ्या स्‍येबा फाप्‍क्‍यो।

१ कोरिन्‍थी 15:23

थेकी दोक खित्‍च्‍येते पालो पालो खाला खिओ। च्‍यि सासीन गाङे भन्‍दा गोमा थेकी ख्रीष्‍टला सोम्‍बो लोक्‍सुङ। था दि तिरीचेन थेकी ख्रीष्‍टला विश्‍वास खित्‍कान्‍ते मिओनला सोम्‍बो लोइओ। थेबाला सोम्‍बो लोक्‍च्‍येते ख्रीष्‍ट दुरू ग्‍युरला ओङे छोमु ईन।

१ कोरिन्‍थी 3:23

थेमे ख्‍योकोन ख्रीष्‍टकी मि ईन। थोकराङ खाला ख्रीष्‍टचेन परमेश्‍वरते ईन।

१ कोरिन्‍थी 9:1

च्‍यि ङाराङगी खिता चालाते काम ङे ङाराङ खुशीकी खिता मेङेदोतरो? च्‍यि ङाङ येशू ख्रीष्‍टकी खटे खाबाते मि मेनरो? च्‍यि ङे ङुरूङ प्रभु येशूला थोङा मेत साबाप? थेमे च्‍यि ङे प्रभु येशूकी ङाला कोताते काम खाबेकीका ख्‍योकोनगी थेला विश्‍वास खाबाते मेनरो?

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ कोरिन्‍थी 11:18

मि काल्‍बेईकी ङा दोक्‍ते ईन, ङे दोक खिता थुप्‍क्‍यो सिन छ्ये खिन बात खाबा च्‍योकराङ ङाङ खितामीन।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

२ कोरिन्‍थी 11:4

च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 13:3

ख्‍योकोनगी ङे थाराङ बात खित्‍च्‍या ईन्‍दाकाना ख्रीष्‍टकी खित च्‍युताते बात खित्‍च्‍या ईन्‍दाका सिन था थेजीनराङ लेमु खाला छ्या स्‍येक्‍यो। ङे थोक खित्‍जीन ख्रीष्‍ट छ्याःङ खिता मुथुप्‍कान्‍ते मेन्‍दाक्‍वा बरू थेत्ताङ छ्येज्‍यीक शक्ति ओताक्‍वा सिनोङ ख्‍योकोनगी छ्या स्‍येक्‍यो।

२ कोरिन्‍थी 5:12

ङे दोक साबाते ङेराङ आउदी लेमु मि ईन सिराला मेन्‍देकी ङ्योकोन मेलेबा मि ईन सिरकानला ङ्योकोन थोक्‍ते मि मेन सिन ख्‍योकोनगी छ्याःङ ज्‍यीबा मिक्‍किता खाला सिरा थुप्‍स्‍यीत सिनकामा ईन। ङ्योकोनला थोक सिरकान्‍ते मिओन ज्‍येनगी ताजीन आउदी लेमु मि दुका सिराच्‍योक थोङसीनोङ थेबे सेम लेमु मेत।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

१ यूहन्‍ना 4:6

थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।